AmaHubo 65
65
Ihubo 65
Kumqondisi wokuhlabela. Ihubo likaDavida. Ingoma.
1Udumo lukulindele, Oh Nkulunkulu, eZiyoni;
kuwe izifungo zethu zizagcwaliseka.
2Yebo, wena owuzwayo umkhuleko,
bonke abantu bazakuza kuwe.
3Kwathi lapho sisancindezelwa yizono,
wazithethelela iziphambeko zethu.
4Babusisiwe labo obakhethayo
ubasondeze bazohlala emagumeni Akho!
Sigcwalisiwe ngezinto ezinhle zendlu Yakho,
ezethempeli lakho elingcwele.
5Uyasiphendula ngezenzo zokulunga ezimangalisayo,
Oh Nkulunkulu Msindisi wethu,
themba lemikhawulo yonke yomhlaba
lenlwandle ezikude,
6owabumba izintaba ngamandla akho,
lapho wena usuziqinisile ngamandla,
7owathulisa ukuduma kolwandle,
ukuduma kwamagagasi azo,
lokuhlokoma kwezizwe.
8Labo abahlala khatshana bayazesaba izimangaliso zakho;
lapho okudabuka khona ukusa lokuhlwa okufiphala khona,
uhlabela izingoma zentokozo.
9Uyawunakekela umhlaba uwuthelezele ngamanzi;
uyawunothisa kakhulu.
Imifula kaNkulunkulu igcwalisiwe ngamanzi
ukuze abantu bazuze amabele,
ngoba ukumisile wena lokho.
10Uyayigcwalisa imisele yawo ngamanzi
uyendlale kahle imibundu yawo;
uyawuthambisa ngemikhizo ubusise amabele awo.
11Uyawuphelelisa umnyaka ngenala,
izinqola Zakho ziphuphume ngokugcwala.
12Amadlelo asenkangala ayaphuphuma;
izintaba zigqokiswe ngenjabulo.
13Amadlelo agcwele imihlambi yezimvu
lezigodi zisibekelwe ngamabele;
ziyamemeza ngentokozo zihlabelela.
Currently Selected:
AmaHubo 65: BEN
Highlight
Share
Compare
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
