AmaHubo 57
57
Ihubo 57
Kumqondisi wokuhlabela. Itshuni ethi, “Ungabhidlizi.” ElikaDavida. Imikithamu. Ngesikhathi ebalekele uSawuli wacatsha ebhalwini.
1Woba lesihawu kimi, Oh Nkulunkulu, woba lomusa kimi,
ngoba umphefumulo wami uphelela kuwe.
Ngizaphephela ethunzini lamaphiko akho
kuze kudlule incithakalo le.
2Ngiyakhala kuNkulunkulu oPhezukonke,
kuNkulunkulu ogcwalisa isimiso sakhe ngami.
3Uyathumela esezulwini angisindise,
abakhwazele labo abafuna ukungilimaza.
UNkulunkulu uyehlisa uthando lwakhe lokwethembeka kwakhe.
4Ngiphakathi kwezilwane;
ngilala phakathi kwezilo eziqholozayo
abantu abamazinyo abo yimikhonto lemitshoko,
abanlimi zabo zinkemba ezibukhali.
5Mawuphakanyiswe, Oh Nkulunkulu, ngaphezu kwamazulu;
akuthi inkazimulo yakho ibesemhlabeni wonke.
6Bangithiya ngamambule ezinyaweni
ngaphela amandla ngokudabuka.
Bangimbela igodi endleleni
kodwa sebewele kulo bona.
7Inhliziyo yami ibambelele, kayiguquki Oh Nkulunkulu,
inhliziyo yami ibambelele;
ngizahlabela ngenze iculo elimnandi.
8Vuka, mphefumulo wami!
Vukani, chacho lomqangala!
Ngizayivusa intathakusa.
9Ngizakudumisa, Oh Thixo, phakathi kwezizwe;
ngizahlabela ngawe phakathi kwabantu.
10Ngoba lukhulu uthando lwakho, lufika emazulwini;
ukuthembeka kwakho kufinyelela esibhakabhakeni.
11Mawuphakanyiswe, Oh Nkulunkulu, ngaphezulu kwamazulu;
akuthi inkazimulo yakho ibesemhlabeni wonke.
Currently Selected:
AmaHubo 57: BEN
Highlight
Copy
Compare
Share
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
