AmaHubo 52
52
Ihubo 52
Kumqondisi wokuhlabela. Ihubo likaDavida. Lapho uDoyegi um’Edomi wayeye kuSawuli wamtshela wathi, “UDavida uye wayangena endlini ka-Ahimeleki.”
1Kungani uncoma ngobubi, wena somandlase?
Kungani utshona untela ilanga lonke,
wena olihlazo emehlweni kaNkulunkulu?
2Ulimi lwakho luceba incithakalo;
lunjengensingo eloliweyo,
wena owenza inkohliso.
3Uthanda ububi kulobuhle,
amanga kulokukhuluma iqiniso.
4Uyawathanda wonke amanga alimazayo,
wena limi olukhohlisayo!
5Ngeqiniso uNkulunkulu uzakwehlisela ukubhubha okungapheliyo:
Uzakuhlwitha akukhuphe ethenteni lakho;
uzakuquphula akususe elizweni labaphilayo.
6Abalungileyo bazabona besabe;
bazamhleka bathi,
7“Nangu-ke manje umuntu
lo ongenzanga uNkulunkulu inqaba yakhe
kodwa wathemba inotho yakhe enkulu
wakhula waba lamandla ngokuwisa abanye!”
8Kodwa mina nginjengesihlahla se-oliva
esikhula endlini kaNkulunkulu;
ngithembe uthando lukaNkulunkulu
olungaphuthiyo nini lanini.
9Ngizakudumisa lanini ngalokho okwenzileyo;
ngizathemba ebizweni lakho,
ngoba lihle ibizo lakho.
Ngizakudumisa phambi kwabangcwele bakho.
Currently Selected:
AmaHubo 52: BEN
Highlight
Share
Compare
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
