AmaHubo 46
46
Ihubo 46
Kumqondisi wokuhlabela. ElamaDodana kaKhora. Ingoma ngendlela ye-alamothi.
1UNkulunkulu uyisiphephelo sethu lamandla ethu,
usizo oluhlezi lukhona nxa kulohlupho.
2Ngakho kangiyikwesaba, umhlaba ungaze ubhidlike
lezintaba ziwele ekujuleni kolwandle,
3loba amanzi alo ehlokoma agubhazele
izintaba zivevezele ngokuqubuka kwalo.
4Kukhona umfula ozifudlana zawo zithokozisa idolobho likaNkulunkulu,
indawo engcwele okuhlala kuyo oPhezukonke.
5UNkulunkulu ungaphakathi kwalo, kaliyikuwiswa;
uNkulunkulu uzalisiza ngovivi lokusa.
6Izizwe ziyahlokoma, imibuso iyachitheka;
uphakamisa ilizwi lakhe umhlaba uncibilike.
7 UThixo uSomandla ulathi;
uNkulunkulu kaJakhobe uyinqaba yethu.
8Wozani libone imisebenzi kaThixo,
incithakalo aseyenzile emhlabeni.
9Uyathulisa izimpi
kuze kube semikhawulweni yomhlaba;
uyalephula idandili avadlaze lomkhonto,
utshisa izinqola ngomlilo.
10“Thulani, lazi ukuba mina nginguNkulunkulu;
ngizaphakanyiswa phakathi kwezizwe;
ngizaphakanyiswa emhlabeni.”
11 UThixo uSomandla ulathi,
uNkulunkulu kaJakhobe uyinqaba yethu.
Currently Selected:
AmaHubo 46: BEN
Highlight
Copy
Compare
Share
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
