AmaHubo 32
32
Ihubo 32
Ihubo likaDavida.
1Ubusisiwe lowo
oziphambeko zakhe zithethelelwe,
ozono zakhe zisibekelwe.
2Ubusisiwe lowo
ongasoze abalelwe isono sakhe nguThixo,
njalo ongelankohliso emoyeni wakhe.
3Ngathi lapho ngithule,
amathambo ami ababuthakathaka
ngenxa yokububula kwami ilanga lonke.
4Ngoba imini lobusuku
isandla Sakho sasingelekile, singisinda;
amandla ami aphela
kwafana lesikhudumezi sehlobo.
5Lapho-ke ngasengisivuma isono sami Kuwe
angabe ngisasibekela ububi bami.
Ngathi, “Ngizazivuma iziphambeko zami kuThixo,”
walithethelela icala lesono sami.
6Ngakho akuthi wonke umuntu othembekileyo akhuleke kuwe
usatholakala;
ngeqiniso kuzakuthi lapho impophoma seziqubuka,
kabayi kumfinyelela.
7Uyindawo yami yokuphephela;
uzangivikela enkathazweni
ungizungeze ngezingoma zensindiso.
8Ngizakutshengisa ngikufundise indlela ofanele uhambe ngayo;
ngizakweluleka ngikulinde.
9Ungabi njengebhiza loba imbongolo,
khona akulakuzwisisa
kodwa kumele kukhokhelwa ngamatomu
ukuze umuntu kumlalele.
10Zinengi izikhalazo zababi,
kodwa uthando lukaThixo olungaphuthiyo
luyamzungeza umuntu othemba kuye.
11Thokozani kuThixo, lithabe lina balungileyo;
hlabelelani lonke lina eliqotho enhliziyweni!
Currently Selected:
AmaHubo 32: BEN
Highlight
Share
Compare
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
