AmaHubo 30
30
Ihubo 30
Ihubo. Ingoma. Elokunikela ithempeli. ElikaDavida.
1Ngizakuphakamisa, Oh Thixo,
ngoba wangenyula ekujuleni
awaze wavumela izitha zami zijabule phezu kwami.
2Awu Thixo, Nkulunkulu wami,
ngacela Kuwe uncedo wangisilisa.
3Yebo Thixo wangenyula elibeni,
wangisiza ngaphepha ukungena egodini.
4Hlabelelani kuThixo lina bathembekileyo bakhe;
dumisani ibizo lakhe elingcwele.
5Ngoba ukuthukuthela Kwakhe ngokomzuzwana nje,
kodwa umusa wakhe ukhona okwempilo yonke;
ukulila kungaqhubeka ubusuku bonke,
kodwa ukuthokoza kuyafika ekuseni.
6Ngathi lapho ngizizwa ngihlezi kuhle ngathi,
“Kangisoze ngafa ngahlukuluzeka.”
7Yebo Thixo, wathi lapho ungizwela
wenza intaba yami yagxila qho;
kodwa kwathi lapho usufihle ubuso Bakho
ngaphelelwa lithemba.
8Ngakhala kuwe, Thixo;
ngacela umusa eNkosini:
9“Kulenzuzo bani ngokubhujiswa kwami na,
ngokutshona kwami egodini?
Kambe uthuli luzakudumisa na?
Lona luzafakaza na ngokuthembeka Kwakho?
10Zwana, Oh Thixo, ube lomusa kimi;
woba lusizo lwami.”
11Waguqula ukububula kwami kwaba ngumgido;
wangihlubula izigqoko zamasaka wangigqokisa ukuthokoza,
12ukuze inhliziyo yami ikuhlabelele ingathuli.
Oh Thixo, Nkulunkulu wami,
ngizakubonga nini lanini.
Currently Selected:
AmaHubo 30: BEN
Highlight
Share
Compare
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
