AmaHubo 20
20
Ihubo 20
Kumqondisi wokuhlabela. Ihubo likaDavida.
1Sengathi uThixo angakuphendula nxa usenkathazweni;
sengathi ibizo likaNkulunkulu kaJakhobe lingakuvikela.
2Sengathi angakuthumela usizo luvela endlini engcwele
njalo akunike ukuhlomulela kuvela eZiyoni.
3Sengathi angakhumbula yonke imihlatshelo yakho
njalo emukele iminikelo yakho yokutshiswa.
4Sengathi angakupha isifiso senhliziyo yakho
enze izimiso zakho zonke ziphumelele.
5Sizamemeza ngokujabula lapho usunqobile,
siphakamise uphawu lwethu egameni likaNkulunkulu wethu.
Sengathi uThixo angakupha zonke izicelo zakho.
6Manje sengisazi ukuthi
uThixo uyamhlenga ogcotshiweyo wakhe;
uyamphendula esezulwini lakhe elingcwele
ngamandla Akhe asindisayo awesandla Sakhe sokunene.
7Abanye bathemba izinqola zempi,
abanye amabhiza,
kodwa thina sithemba ibizo likaThixo uNkulunkulu wethu.
8Bafuqelwa phansi bawe,
kodwa thina siyaphakama sime sigxile.
9Oh Thixo, sindisa inkosi!
Sabela lapho simemeza!
Currently Selected:
AmaHubo 20: BEN
Highlight
Share
Compare
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
