AmaHubo 16
16
Ihubo 16
Imikithamu kaDavida.
1Ngilondoloza, Oh Nkulunkulu,
ngoba ngiphephela kuwe.
2Ngathi kuThixo, “UnguThixo wami;
ngaphandle kwakho angilakho okuhle.”
3Labo abangcwele abakhona elizweni
bangabakhazimulayo engithokoza ngabo.
4Labo abagijimela abanye onkulunkulu inhlupho zabo zizakwanda.
Angiyi kuyithulula iminikelo yegazi kubonkulunkulu labo
njalo amabizo abo kawayikuphuma kwezami izindebe.
5 Thixo, usungahlukanisele isabelo sami kanye lenkezo yami;
konke okwami usukumise kuhle.
6Imingcele yesabelo sami idabula ezindaweni ezibukekayo;
ngeqiniso elami ilifa liyathokozisa.
7Ngizamdumisa uThixo, onguye ongelulekayo;
lasebusuku inhliziyo yami iyangiqondisa.
8Ngikhangele kuThixo kokuphela.
Njengoba esesandleni sami sokunene angiyi kunyikinywa.
9Ngakho-ke inhliziyo yami iyathokoza lolimi lwami luyajabula;
lomzimba wami uzaphumula uvikelekile,
10ngoba kawuzukungiyekela ngize ngiye endaweni yabafileyo,
njalo kawusoze wekele othembekileyo wakho ezwe ukubola.
11Usungazisile indlela yempilo;
uzangigcwalisa ngokuthaba phambi kwakho,
ngenjabulo engapheliyo kwesokunene sakho.
Currently Selected:
AmaHubo 16: BEN
Highlight
Share
Compare
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
