AmaHubo 142
142
Ihubo 142
Ihubo likaDavida. Lapho esebhalwini. Umkhuleko.
1Ngiyamemeza kakhulu kuThixo;
ngiphakamisela ilizwi lami kuThixo ngicela umusa.
2Ngithululela ukusola kwami phambi kwakhe;
phambi kwakhe ngichaza ukuhlupheka kwami.
3Lapho umphefumulo wami uncipha ngaphakathi kwami,
nguwe oyaziyo indlela yami.
Endleleni engihamba ngayo
abantu bangithiyile khona.
4Khangela kwesokunene sami ubone;
kakho lobani onginanzayo.
Angilaso isiphephelo;
kakho onakekela impilo yami.
5Ngikhala kuwe, Oh Thixo;
ngithi, “Uyisiphephelo sami,
uyisabelo sami elizweni labaphilayo.”
6Lalela ukukhala kwami,
ngoba ngileziswelo ezizikileyo,
ngikhulula kulabo abaxotshana lami,
ngoba balamandla kakhulu kulami.
7Ngikhulula entolongweni yami,
ukuze ngidumise ibizo lakho.
Lapho-ke abalungileyo bazangibuthanela
ngenxa yokulunga kwakho kimi.
Currently Selected:
AmaHubo 142: BEN
Highlight
Copy
Compare
Share
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
