AmaHubo 101
101
Ihubo 101
ElikaDavida. Ihubo.
1Ngizahlabelela ngothando lwakho lokwahlulela kwakho okuhle;
kuwe, Oh Thixo, ngizahlabelela indumiso.
2Ngizananzelela ukuthi ngiphile impilo engasolekiyo
uzakuza nini kimi na?
Ngizahamba endlini
yami ngenhliziyo engasolekiyo.
3Phambi kwamehlo ami
angiyikubeka lutho olungcolileyo.
Izenzo zabantu abangakholwayo ngiyazizonda;
kazizukunginamathela.
4Abantu abalenhliziyo exhwalileyo bazakuba khatshana lami;
angiyikuhambelana lobubi.
5Lowo ochothoza umakhelwane wakhe ngasese,
lowo ngizamthulisa;
olamehlo asesiphundu lenhliziyo ezigqajayo,
lowo kangilasikhathi laye.
6Amehlo ami azakuba kwabathembekileyo elizweni,
ukuthi bahlale lami;
lowo okuhamba kwakhe kakulansolo
uzangisebenzela ekhonza kimi.
7Kakho othanda ukwenza inkohliso
ozahlala endlini yami;
kakho okhuluma amanga
ozakuma phambi kwami.
8Zonke insuku ekuseni ngizabathulisa
bonke ababi phakathi kwelizwe;
ngizamlahla phansi wonke umuntu oyisigangi
edolobheni likaThixo.
Currently Selected:
AmaHubo 101: BEN
Highlight
Copy
Compare
Share
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
