UFilimoni Isingeniso
Isingeniso
Isingeniso
UPhawuli wakhetha u-Onesimasi ukuba ahambise izincwadi zaseKholose lase-Efesu. U-Onesimasi wayevela eKholose njalo wayesaziwa ngabantu bakhonale. UPhawuli wabona kufanele ukuthi ambhalele enye incwadi ngenxa yokuthi u-Onesimasi wayeyisigqili senye indoda yaseKholose eyayinothile okwakuthiwa nguFilimoni. Kwakulebandla elalingenela endlini yakhe. U-Onesimasi wayebalekile, okungenzeka ukuthi wayesuke emntshontshele uFilimoni. EseRoma waphenduka waba ngumlandeli kaJesu. Wayencedise uPhawuli esentolongweni yikho uPhawuli wayefuna ukumthuma eKholose. UPhawuli wayelethemba lokuthi uFilimoni wayengasoze amxolele u-Onesimasi kuphela kodwa wayezamamukela njengomzalwane hatshi isigqili.
Incwadi kaPhawuli emfitshane itshengisa kakhulu impilo ka-Onesimasi eyayisiguqukile. Ibizo lakhe ngesiGrikhi lalisitsho osizayo njalo uPhawuli utshela uFilimoni ukuthi loba wayengelasizo eseseyisigqili sakhe kodwa manje wayeselosizo kubo bobabili. UPhawuli kambambi ngamandla uFilimoni kodwa umncenga ngothando njalo uyethembisa ukuthi uzagcwalisisa okufunwa ngumthetho ngokubhadala indleko yena ngokwakhe nxa kudingeka.
Kusobala ukuthi isicelo sikaPhawuli saphumelela kungayisikho lokho kube incwadi le kayigcinwanga. Ngempilo ka-Onesimasi silomzekeliso osobala ngenguquko eyenzakala empilweni zabantu abedlula inkulungwane ngokutshunyayelwa kwevangeli kuwo wonke umbuso weRoma.
Currently Selected:
UFilimoni Isingeniso: BEN
Highlight
Copy
Compare
Share
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.