UMatewu Isingeniso
Isingeniso
Isingeniso
Injongo kaMatewu ngeyokutshengisa ukuthi uNkulunkulu ugcine isithembiso sakhe sendulo ku-Israyeli ngempilo, ukufa kanye lokuvuka kwabafileyo kukaJesu uKhristu. Umbuso wezulu lowo obukade wakhangelelwa usubuya emhlabeni, uletha indaba yamaJuda enzikini. UMatewu uqala ngokuveza ukuthi uJesu wayeyindodana kaDavida, inkosi ka-Israyeli eyayidume kakhulu njalo eyindodana ka-Abhrahama, uyise lomqali ka-Israyeli. UJesu ngumʼIsrayeli oqotho, njalo unguKhristu owathenjiswa nguNkulunkulu.
UKhristu uvezwe engophila kabutsha njengokulondwa kodaba luka-Israyeli, ekwehleleni kwakhe eMfuleni uJodani, ukulingwa kwakhe enkangala, ukubuthanisa abafundi abalitshumi lambili njengezizwe ezilitshumi lambili ezintsha, ukuqansa kwakhe intaba esiyakwethula iThora (incwadi yemithetho yamaJuda), lokunye. Umlobi uveza sobala umbono wokuthi uJesu unguMose omutsha ngokuqoqa imfundiso yakhe ngenkulumo ezinhlanu ezinde zona eziphawulwe ngezehlukaniso ezitshiyeneyo ngomutsho othi Wathi eseqedile uJesu ukukhuluma ngalokhu. NjengeThora elalilengwalo ezinhlanu, uMatewu wethula izigaba ezinhlanu ezimqoka.
Ugwalo luphetha ngokuchaza ukuthi uJesu wasiletha njani isenzo esitsha esikhulu sokuletha insindiso ebantwini bakhe. Njengendabeni yohambo lwabako-Israyeli, kuqala kuthakazelelwe isidlo sePhasika, besekulandela ukukhululwa. UJesu unikela ngempilo yakhe ukuze umhlaba ukhululeke, njalo ebesevuswa kwabafileyo. Ekuqaliseni kogwalo, uJesu uphiwa ibizo elithi Emanuweli okutsho ukuthi, “uNkulunkulu ulathi.” Kuthi ekucineni, uJesu uthuma abalandeli bakhe emhlabeni ngesithembiso sokuthi ngeqiniso ngihlezi ngilani izikhathi zonke.
Currently Selected:
UMatewu Isingeniso: BEN
Highlight
Share
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.