UJobe Isingeniso

Isingeniso

Ubuciko beZaga buchaza indlela ukulunga okuthungamelela ngayo ekuphumeleleni. UMtshumayeli ulingisa lokhu, elimukisa ukuthi imvuzo kayikabi khona izikhathi zonke njengoba sokugcwele “ubumenemene” kulumhlaba. Incwadi kaJobe idlulela phambili iveza ukuthi abalungileyo bahlupheka kanjani kwezinye izikhathi. Lincwadi isebenzisa amazwi enhlakanipho ajayelekileyo evela emasikweni endulo: inkulumo eyeluliweyo igxile enkulumeni yobunkondlo.

UJobe wethulwe njengendoda elungileyo. Kodwa “omubi” (satan ngesiHebheru) uveza uhlupho oluyibuqili ngesimilo sikaNkulunkulu sokukhangela umhlaba. Nxa ubuhle buhlezi bulomvuzo, singakwazi kanjani ukuthi kuvela othandweni lukaNkulunkulu kumbe ezifisweni zokubuthelela? Ngakho uNkulunkulu uvumela omubi ukuthi alethe inhlupho empilweni kaJobe.

UJobe kamthuki uNkulunkulu njengokucabanga komubi kodwa uphetha esephikisana labangane bakhe abathathu, u-Elifazi, uBhilidadi loZofa. Imibono yabo yemvelo yomhlaba engaqhakazekanga ibenza bakholwe ukuthi ukona kukaJobe yikho okwenza ahlupheke. Ekuphetheni kwendaba kungena ijaha elibizwa ngokuthi ngu-Elihu ikanti uJobe uqhubeka egcizelela ukuthi konanga lutho ngakho kumele athonisiswe phambi kukaNkulunkulu.

Ekucineni uNkulunkulu uveza amandla lenhlakanipho ebonakala endalweni. UJobe uvuma ngokuzehlisa ekungaqedisisini kwakhe. Lapho uNkulunkulu esethulise abangane bakaJobe bobathathu, sibona belomlandu odlula abebewunika uJobe. Isiphetho uNkulunkulu ubusisa uJobe ngokuphindwe kabili kulokhu abelakho. Lincwadi isilimukisa ukuthi singalokothi seyise isimilo sokubusa kukaNkulunkulu sikwenze ubuwula.

Currently Selected:

UJobe Isingeniso: BEN

Highlight

Copy

Compare

UJobe Isingeniso

Popular Bible Verses from
UJobe Isingeniso

Bible:

isiNdebele (Zimbabwe)

Version: IBhayibhili Elingcwele LesiNdebele - BEN