AbaseGalathiya Isingeniso
Isingeniso
Isingeniso
IGalathiya kwakuyisifunda saseRoma iphakathi laphakathi kwe-Ezhiya Minora. UPhawuli wethekelela kulindawo kathathu ekuhambeni kwakhe etshumayela ngoJesu. Abantu bezizweni bamamukela uPhawuli levangeli ayelimemezela ngothando. Kodwa ngemva kwesikhatshana abanye abantu uPhawuli ababiza ngokuthi ngamabangamsindo babuya bazomelana loPhawuli ngobuthungameli bakhe kanye lesisusa semfundiso yakhe. Ngakho uPhawuli waloba ukuthi aphendule lokho okwakungaphambanisa isimilo sakhe njengompostoli njalo lokuthi aqinise ilizwi elimqoka elokuthi ukholo kuKhristu yisisusa sokuba yingxenye yomphakathi kaNkulunkulu.
UPhawuli kavezi isingeniso sencwadi yakhe ngokucela abapostoli eJerusalema. Kodwa uyagcizelela ukuthi ivangeli engalitshumayelayo kaliveli emuntwini… kodwa, ngalamukela ngokwambulelwa nguJesu Khristu. UPhawuli ubona kubalulekile ukwethula lesisambulo, njalo unanzelela ukuthi abapostoli amanye ayamsekela.
UPhawuli uqhubekela phambili ngendaba yakhe emqoka, eyokuthi abeZizweni abasuke baba ngabalandeli bakaJesu abadingi kusokwa. Imuli entsha esemhlabeni wonke jikelele owawuthenjiswe u-Abhrahama wakhiwe ngokholo kuJesu uKhristu, hatshi ngokugcina imithetho yesiJuda (iThora). Udaba lweBhayibhili lwaluvele lujonge lokhu kusukela ekuqaleni.
Kodwa nxa ukulandela iThora kungayisikho okwakumqoka evangelini, ngeke kwaba lokungazwisisani? UPhawuli uphendula ngokuchasisa ukuthi impilo ethunganyelwa nguMoya ikhangeleka njani emphakathini wabalandeli bakaKhristu. UPhawuli uphetha ngokugcizelela indikimba emqoka yencwadi yakhe futhi: Ukusoka loba ukungasokwa akutsho lutho; okuqakathekileyo yikuzalwa kutsha.
Currently Selected:
AbaseGalathiya Isingeniso: BEN
Highlight
Copy
Compare
Share
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.