UmTshumayeli Isingeniso
Isingeniso
Isingeniso
Ugwalo lukaMtshumayeli luqukethe amazwi “omfundisi” kumbe “umtshumayeli.” Umfundisi uchazwa kuthiwa wayeyinkosi yako-Israyeli eJerusalema njalo eyindodana kaDavida. Kokubili lokhu kusitshengisa ukuthi wayengowendlu yesikhosini koJuda. Kaphindi achazwe njalo kodwa imibhalo yendulo imchaza njengoSolomoni, kodwa ngenxa yalokho, kubalulekile ukuthi sihlale silomcabango wokuthi umlobi kaziwa.
Ukuphindwa komutsho othi Kuyize! kuyize! konke kuyize! kusifundisa ukuthi umvuzo wokuphila kawuqedisiseki njalo kawusuthisisi. UMtshumayeli uyawulandela lowo mqondo ngemibhalo emide yokulandisa, inkondlo kuthi phakathi laphakathi alethe imfundiso eziqonda ngqe zingakhekhelezi. Ugwalo luyahlolisisa, lubuze imibuzo, lubuye luphenduke njalo enjongweni yalo njengomoya ovunguzayo: uyabhodabhoda ubuye uphenduke endleleni yawo.
Lapho UMtshumayeli esithi okugobileyo akungeke kwaqondiseka, usikhumbuza ukuthi kukhona okubi osokungene kwaphazamisa emhlabeni wethu. Lokhu kungenelana lembali yamaJuda elandiswa emibhalweni. Ukulungisa izinto ukuthi zibuyele lapho ezazikhona yiso isiqokoqela sogwalo. Kodwa-ke, umtshumayeli kasitshengisi imizamo kaNkulunkulu yokulungisa izinto emhlabeni. Uyasuthiseka ngokuthi uNkulunkulu nguye uThixo olamandla phezu kwakho konke, thina yithi okumele silandele izindlela zakhe zokuphila Ngoba uNkulunkulu uzakwahlulela zonke izenzo.
Currently Selected:
UmTshumayeli Isingeniso: BEN
Highlight
Copy
Compare
Share
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.