Yokaana Ennyanjula
Ennyanjula
Yokaana yali muvubi, era yali omu ku bayigirizwa Yesu be yasooka okuyita okubeeranga naye. Enjiri eno Yokaana yagiwandiika nga wakati w’emyaka ad 85 ne 95. Entandikwa yaayo eyoleka nga Yesu bwe yaliwo okuva edda lyonna ng’ali ne Kitaawe; era eraga nga Yesu Kristo bw’ali Katonda yennyini eyafuuka omuntu alyoke atulokole ffenna. Eno y’Enjiri eyoleka okwagala kwa Katonda. Omulamwa gw’Enjiri eno kwe kukkiriza Yesu Kristo, awamu n’emikisa egy’emirembe n’emirembe gye tufuna olw’okukkiriza okwo. Mu Njiri eno mulimu ebyamagero Yesu bye yakola, era n’ebintu bingi bye yayigiriza, ebitasangibwa walala n’akatono. Era mulimu ekitundu ekiwanvu (Essuula 14–17) ekinnyonnyola okuyigiriza kwa Yesu eri Abatume be, bwe yali ng’asemberedde ekiseera kye eky’okufa. Yokaana yawandiika bingi mu Njiri eno, mu ngeri ey’enjawulo, ku mirundi Yesu gye yalabikira Abatume be ng’amaze okufa n’okuzuukira mu bafu.
Currently Selected:
Yokaana Ennyanjula: EEEE
Highlight
Share
Copy
Want to have your highlights saved across all your devices? Sign up or sign in
Bayibuli Entukuvu, Endagaano Enkadde nʼEndagaano Empya
Copyright © 1984, 1986, 1993, 2014 by Biblica, Inc.®
Tuweereddwa olukusa okuva mu Biblica, Inc.® Olukusa lwonna mu nsi yonna lusigalidde mu Biblica, Inc.
Luganda Contemporary Bible
Copyright © 1984, 1986, 1993, 2014 by Biblica, Inc.®
Used by permission of Biblica, Inc.® All rights reserved worldwide.