Mateo Ŋgɔdonya
Ŋgɔdonya
Mateo nye dugadzɔla. Le ɣe ma ɣi me la, dugadzɔlawo xea ga na Roma Dziɖuɖua, eye woɖea mɔ na wo be woadzɔ ga la le amewo si le nuto ma me. Dugadzɔla geɖewo baa amewo, eye wotoa esia me zua hotsuitɔwo. Yudatɔwo bua dugadzɔla siawo nu vɔ̃ wɔlawoe, elabena wonɔa ga dzɔm le Yudatɔwo si na Roma Dziɖuɖua, si wobu be enye Trɔ̃subɔlawo ƒe Dziɖuɖu la. Ale amewo léa fu wo, eye wodoa vlo wo. Ke Yesu tia ame siawo dometɔ ɖeka, si nye Mateo, eye wòzu eƒe nusrɔ̃la. Esi Mateo do go Yesu la, eƒe agbenɔnɔ trɔ keŋkeŋ. Egblẽ eƒe nuwo katã ɖi, eye wòdze Yesu yome. Mateo te gbe ɖe edzi le eƒe agbalẽa me be Yesue nye xexea me ƒe Ɖela, ame si ŋu Mawu ƒe Nyagblɔɖilawo gblɔ nya ɖi le ƒe geɖewo do ŋgɔ.
Emenyawo
Yesu dzidzi kple eƒe ɖevimenɔnɔ (1:1–2:23)
Yesu dze dɔ gɔme (3:1–4:25)
Todzinyagbɔgblɔwo (5:1–7:29)
Yesu da gbe le ame vovovowo ŋu (8:1–9:34)
Yesu dɔ nusrɔ̃la wuieveawo (9:35–10:42)
Yesu gblɔ ame si wònye la na amewo (11:1–12:50)
Lododowo tso mawufiaɖuƒe la ŋu (13:1-52)
Wogbe Yesu eye wotso ta le Yohanes nu (13:53–14:12)
Yesu dzo le Herod ƒe dziɖuƒe (14:13–17:27)
Yesu fia nu tso ɖokuibɔbɔ kple tsɔtsɔke ŋu (18:1-35)
Yesu yi Yerusalem (19:1–20:34)
Yesu ƒe kɔsiɖa mamlɛtɔ le Yerusalem (21:1–28:10)
Le Yesu ƒe tsitretsitsi megbe (28:11-20)
Currently Selected:
Mateo Ŋgɔdonya: AL
Highlight
Share
Copy
Want to have your highlights saved across all your devices? Sign up or sign in
Agbenya La™
Nutɔnyenye © 1988, 2006, 2020 Biblica, Inc.
Woaxɔ mɔɖeɖe na ezazã. Biblica kpɔ nutɔnyenye ƒe ŋusẽ ɖe dɔ sia dzi le se nu, le xexeame godoo.
Ewe Contemporary Scriptures™
Copyright © 1988, 2006, 2020 by Biblica, Inc.
Used with permission. All rights reserved worldwide.