Johannes 18
18
O DESCHUOCHTOTO KAPITLO.
1Gana o Jesuska godo pendassass, gelass awri beske Ssogalowonza perdal o Repniko Kidron; kote ssas et Baar, ande la gelass o Jesuska dai leske Ssogalowura. 2Wi o Judas, sso awri birindass les, janellass godo Tann; ei o Jesuska budiwar ssass kote beske Ssogalowonza. 3Gana o Judas lassass bascha pe ä Barä Raschaiyenge dai ä Raschaiyenge Foglon, awilass kote Jandenza, Lampaschenza dai Charnenza. 4O Jesuska ssa janellass, hod sso ssite betzia pe lessa, gelass awri ande lengo Dromm dai puschlass lendar: Gas roden? 5Won pendä leske: Ä Jesuses andai Nazareth. O Jesuska pendass lenge: Me ssim. O Judas, sso awri birindass les, wi dordjolass kote bascha le. 6Gana o Jesuska pendass lenge: Me ssim, dinä palpale dai belä ssa dele be Puw. 7Dai puschlass lendar bale: Gas roden? Won pendä: Ä Jesuskas andai Nazareth. 8Jesuska penel lenge: Me pendem dumenge, hod me ssim. Hat de roden man, muken jantar gadala. 9Hod leski Worba sso pendass, de batschol ande: Me tschi chassardem tschi jekes, sso tu man dan. 10Ä Petruses ssass et Charno dai zirdass les awri dai schindass ä barä Raschasko Foglosko Gan dele. O Foglo Malchus buschollass. 11O Jesuska pendass ä Petruseske: Schuw tscho Charno ande. Dena piaw a Pokari, sso man muro Datt dass? 12Ä Jene dai o Disto dai ä Jidowonge Foglura ketane chutildä ä Jesuskas dai panglä les. 13Dai igerdä les ga o Hannas; godo ssass ä Kaïphasesko Ssokro, godo worta godo Bersch gerdjilossass Mai‐Baro‐Raschai. 14Godo ssass o Kaïphas, sso pendassass ä Jidowonge: Mai feder, et Manusch de murdardo anda ingrego Nipo. 15O Petrus dai et awer Ssogalowo balal janas bala Jesuska. O jek Ssogalowo bindjarlass ä Bare‐Raschaiyes dai gelass ä Jesuskassa ande ande Bare‐Raschaske Djis. 16O Petrus awral angla Wudar dordjollass. O awer Ssogalowo, sso ä Bare‐Raschaiyes bindjarlass, gelass awri dai worbindass a Kapuschginassa dai mukadass les ande. 17I Kapuschgina pendass ä Petruseske: Tu tschi ssan jek anda godo Manuscheske Ssogalowura? Ale woï lake: Me tschi ssim. 18Ä Dinera dai ä Walettura gerdässas benge et Angarengi‐Yaak, ga schill ssass dai datscharlas pe. Wi o Petrus lenssa dordjollass dai datscharlass pe. 19O Baro‐Raschai puschlass ä Jesuskas ba leske Ssogalowura dai ba lesko Ssidjarimo. 20O Jesuska pendass leske: Me anglei Luma dai angla Temm ssidjardem andey Schkoli dai andey Kangeri, kote awennas ingregi Jidowi, dai me schoha ando Garado tschi worbindem kantschi. 21Ssostar pusches ma? Pusch godolendar, sso mure Worbi tschunennas, godola janen hod me sso worbindem. 22Ssar o Jesuska godoy Worbe penellass, maladass les et Waletto et Balma dai pendass: Gade a Bare‐Raschaiyessa de des les anglal? 23O Jesuska pendass leske: Nassulimo worbindem, hat pen mange, ga; de te worbindem o Tschatschimo, hat ssostar malawes ma? 24O Hannas bischadass les panglo ga o Baro‐Raschai Kaïphas. 25O Petrus dordjollass dai datscharlass pe. Dai pendä leske: Tu tschi ssan anda leske Jena? Woï gedundass dai pendass: Me tschi ssim. 26Pendass et awer Waletto, godolesko Amal sso lesko Gan o Petrus schindassass dele: Tschi diklem tu andi Baar lessa? 27O Petrus bale gedundass — dai aduntschi o Baschno zibindass. 28Kotar igerdä ä Jesuska andey Griessinako Kher, dai ssass hainalbo. Ä Jidowi tschi gelä ande, de na gerdjon rondawi, hamen Batradji de schai chan. 29O Pilatus gelass ga ä Jidowi awri dai pendass lenge: Ssosko Baiyo penen bre les? 30Won pendä leske: Ei, dena awellass doschalo, hat tschi andamas les. 31O Pilatus pendass lenge: Ei, len les, hat dai geren dume bra les dumari Griessi. Ale won: Nai slobodo ame de murdaras kanigas. 32Hod ferri ä Jesusaski Worbi de batschon ande; hod ssosko Mermo merla. 33O Pilatus gelass ande dai zibindass ä Jesuskas dai pendass leske: 34Tu ssan ä Jidowongo Grai? O Jesuska pendass: worbis godo ga tu gindis godo, wai awera pendä godo tuke bra ma? 35Pilatus pendass: Ssim me et Jidowo? Tscho Nipo dai ä Bare‐Raschaiya andä tut. Hamen sso gerdan? 36Jesuska pendass: Muro Temm nai ba gadi Luma. De awilo muro Temm ba gadi Luma, hat tschi muklon mure Bedenterra ä Jidowi de chutilen ma. De muro Temm nai ba gadi Luma. 37Dai pendass leske o Pilatus: Hat deissa tu et Grai ssan? Jesuska pendass: Tu penes, me ssim et Grai. Anda godo gerdjilem dai awilem andi Luma, hod o Tschatschimo Hiribel de daw. Gon anda Tschatschimoy, hat godo schunel muro Glaso. 38O Pilatus pendass: Sso ssi o Tschatschimo? Dai gelass ga ä Jidowi dai pendass lenge: Me tschi rakaw Doosch ande les. 39Hamen o Ssogaschi ssi dumende, hod Batradji mindig ette Rabos de mukaw dumenge. Gamen, ä Jidowonge Grayes de mukaw dumenge? 40Dai zibindä ssa: Nai slobodo godoles de mukes, hamen muk ä Barabases! — O Barabas et Mörderi ssass.
Currently Selected:
Johannes 18: LOV1930
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1930.