Aba Loma 7
7
Ichifwanikizyo icha sendwa
1Mwee bakamu bane, nkimba mutazimenye ukuti nkunena na bantu babo bazimenye Indaghilo—indaghilo yili nu bulaghili pa muntu pene papo achili mumi? 2Umwakufwanikizya, umukolo yuyo asendiwe apinyiwe ni ndaghilo ku mulume wache pene papo achili mumi. Loli nanti umulume afwa, po umukolo yula musatuke ku ndaghilo izya sendwa zizyo zikamupinya. 3Polelo nanti akusendwa nu mwanavuli uyunji, bo umulume achili mumi, po akwiza pakwitiziwa ukuti mulowe. Loli nanti umulume afwa, umukolo yula musatuke, sona atakulowa nanti akusendwa sona nu mwanavuli uyunji.
4Mwee bakamu bane, umu momumo zibeleye namwe. Ukuyana ni Ndaghilo, namwe mukafwa pakuti mwe vigaba ivya mubili uwa Kilisitu. Po ilelo muli bache mwa yuyo akazyuka kubufwe, umwakuti tumwelelaye ivikomwa u Chala. 5Pakuti akabalilo kako tukaba pasi pabulaghili ubwa buntu ubwa mbibi, ivinyonywa ivya mbibi ivya Ndaghilo vikabomba imbombo mumubili witu, po vivyo tukabomba ubumalilo bwache bukaba bufwe. 6Loli ilelo twe babuke ku Ndaghilo zizyo zikatupinya. Po tutakumubombela sona u Chala muzila izya kale ukwendela mu Ndaghilo zizyo zikasimbiwa, loli muzila impya ukwendela mu Muzimu Umuzelu.
Nizya Ndaghilo ni mbibi
7 #
Ukf. 20.17; Ukk. 5.21 Nkimba tungati choni? Tungati Indaghilo zikunanga? Awe! Loli Indaghilo zyo zizyo zimpelite ukuti imanye imbibi mumo yibeleye. Nanti Indaghilo yitanenite ukuti, “Utakanyonywanje,” ngali ntazimenye ukuti ichinyonywa mbibi. 8Loli pachifukwa icha malamulo, imbibi yikalwagha ulusako ulwakumpela ukuti imbanje ni vinyonywa ivyakulekanalekana. Pakuti pakusita Indaghilo, imbibi chintu chicho chifuye. 9Ane nemwene nkaba mumi bo intazimenye indaghilo. Loli bo nanda pakughamanya amalamulo, imbibi yikanda pakuzizimuka, 10po nkafwa. Sona amalamulo ghagho ghakabaghila pakwiza nubumi, loli ghakanyizila nu bufwe. 11#Ubw. 3.13Pakuti imbibi yikalwagha ulusako, sona ukwendela mu malamulo, imbibi yikanzimbula nukungogha.
12Polelo Indaghilo izya Mozesi zelu, sona ilamulo lyosi lizelu, ligholosu, sona lyiza.
13Nkimba ichi chikung'anamula ukuti ichintu chicho chizapo chikaba bufwe kukwane? Awe, napo panandi! Loli imbibi yo yiyo yikampelela ubufwe pakubombela imbombo ivintu vivyo vyiza, umwakuti imbibi yilanjiziwe pabuzelu ngati yo mbibi. Po ukwendela mu malamulo, imbibi yikalanjiziwa ngati yo mbibi nkani.
Ubulwe mukasi mumuntu
14Tuzimenye ukuti Indaghilo izya Mozesi zikapeghiwa nu Chala. Loli ane ne muntu bulo yuyo akufwa, yuyo aghuliziwe pakuba muzya uwa mbibi. 15#Gal. 5.17Ane intakwivwisya chicho nkubomba. Pakuti intakubomba chicho nkulonda pakubomba, loli nkubomba chicho inchibengite. 16Sona nanti nkubomba chicho intakulonda pakubomba, kokuti nkwitika ukuti Indaghilo nyiza. 17Ukuyana namumo zibeleye, inte nene yuyo akubomba zinizi, loli imbibi yiyo yili mumwane, yo yiyo yikubomba zinizi. 18Inzimenye ukuti nachimochimo ichiza chicho chili mumwane, kokuti ubuntu bwane ubwa mbibi. Napapo nkulonda pakubomba ichiza, loli nkupotwa pakuchibomba. 19Pakuti intakuchibomba ichiza chicho nkulonda pakuchibomba, awe. Loli nkubomba ichibibi chicho intakulonda pakuchibomba. 20Po nanti nkubomba chicho intakulonda pakuchibomba, kokuti inte nene nkuchibomba, loli imbibi yiyo yili mumwane, yo yiyo yikubomba zinizi.
21Polelo nkwagha ukuti zizyo Indaghilo zikubomba zyo izi: Akabalilo kako nkulonda pakubomba ichiza, ko kako kabalilo ichibibi chili papipi bulo nane. 22Umoyo wane ghukuhoboka nkani ni ndaghilo izya Chala, 23loli mukasikasi mumwane nkwennya ululaghilo ulwamwabo lukulwana nu lulaghilo, lulo umoyo wane ghukwitinkana nalo. Ululaghilo ulu lwampela pakuba muzya uwa ndaghilo izya mbibi, zizyo zili pambombo mukasi mumwane. 24Mwee ane mwee! Nkimba wewenu akwiza pakumpoka ku mubili ghugho ghukumbika kubufwe? 25Amapalo ghabanje kwa Chala, yuyo akwiza pakubomba zinizi ukwendela mwa Yesu Kilisitu, u Mwene witu!
Polelo ane nemwene ni nyinong'ono zyane, ne muzya uwa Ndaghilo izya Chala, loli ku buntu bwane ubwa mbibi, ne muzya uwa ndaghilo izya mbibi.
Currently Selected:
Aba Loma 7: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaAba Loma 7
7
Ichifwanikizyo icha sendwa
1Mwee bakamu bane, nkimba mutazimenye ukuti nkunena na bantu babo bazimenye Indaghilo—indaghilo yili nu bulaghili pa muntu pene papo achili mumi? 2Umwakufwanikizya, umukolo yuyo asendiwe apinyiwe ni ndaghilo ku mulume wache pene papo achili mumi. Loli nanti umulume afwa, po umukolo yula musatuke ku ndaghilo izya sendwa zizyo zikamupinya. 3Polelo nanti akusendwa nu mwanavuli uyunji, bo umulume achili mumi, po akwiza pakwitiziwa ukuti mulowe. Loli nanti umulume afwa, umukolo yula musatuke, sona atakulowa nanti akusendwa sona nu mwanavuli uyunji.
4Mwee bakamu bane, umu momumo zibeleye namwe. Ukuyana ni Ndaghilo, namwe mukafwa pakuti mwe vigaba ivya mubili uwa Kilisitu. Po ilelo muli bache mwa yuyo akazyuka kubufwe, umwakuti tumwelelaye ivikomwa u Chala. 5Pakuti akabalilo kako tukaba pasi pabulaghili ubwa buntu ubwa mbibi, ivinyonywa ivya mbibi ivya Ndaghilo vikabomba imbombo mumubili witu, po vivyo tukabomba ubumalilo bwache bukaba bufwe. 6Loli ilelo twe babuke ku Ndaghilo zizyo zikatupinya. Po tutakumubombela sona u Chala muzila izya kale ukwendela mu Ndaghilo zizyo zikasimbiwa, loli muzila impya ukwendela mu Muzimu Umuzelu.
Nizya Ndaghilo ni mbibi
7 #
Ukf. 20.17; Ukk. 5.21 Nkimba tungati choni? Tungati Indaghilo zikunanga? Awe! Loli Indaghilo zyo zizyo zimpelite ukuti imanye imbibi mumo yibeleye. Nanti Indaghilo yitanenite ukuti, “Utakanyonywanje,” ngali ntazimenye ukuti ichinyonywa mbibi. 8Loli pachifukwa icha malamulo, imbibi yikalwagha ulusako ulwakumpela ukuti imbanje ni vinyonywa ivyakulekanalekana. Pakuti pakusita Indaghilo, imbibi chintu chicho chifuye. 9Ane nemwene nkaba mumi bo intazimenye indaghilo. Loli bo nanda pakughamanya amalamulo, imbibi yikanda pakuzizimuka, 10po nkafwa. Sona amalamulo ghagho ghakabaghila pakwiza nubumi, loli ghakanyizila nu bufwe. 11#Ubw. 3.13Pakuti imbibi yikalwagha ulusako, sona ukwendela mu malamulo, imbibi yikanzimbula nukungogha.
12Polelo Indaghilo izya Mozesi zelu, sona ilamulo lyosi lizelu, ligholosu, sona lyiza.
13Nkimba ichi chikung'anamula ukuti ichintu chicho chizapo chikaba bufwe kukwane? Awe, napo panandi! Loli imbibi yo yiyo yikampelela ubufwe pakubombela imbombo ivintu vivyo vyiza, umwakuti imbibi yilanjiziwe pabuzelu ngati yo mbibi. Po ukwendela mu malamulo, imbibi yikalanjiziwa ngati yo mbibi nkani.
Ubulwe mukasi mumuntu
14Tuzimenye ukuti Indaghilo izya Mozesi zikapeghiwa nu Chala. Loli ane ne muntu bulo yuyo akufwa, yuyo aghuliziwe pakuba muzya uwa mbibi. 15#Gal. 5.17Ane intakwivwisya chicho nkubomba. Pakuti intakubomba chicho nkulonda pakubomba, loli nkubomba chicho inchibengite. 16Sona nanti nkubomba chicho intakulonda pakubomba, kokuti nkwitika ukuti Indaghilo nyiza. 17Ukuyana namumo zibeleye, inte nene yuyo akubomba zinizi, loli imbibi yiyo yili mumwane, yo yiyo yikubomba zinizi. 18Inzimenye ukuti nachimochimo ichiza chicho chili mumwane, kokuti ubuntu bwane ubwa mbibi. Napapo nkulonda pakubomba ichiza, loli nkupotwa pakuchibomba. 19Pakuti intakuchibomba ichiza chicho nkulonda pakuchibomba, awe. Loli nkubomba ichibibi chicho intakulonda pakuchibomba. 20Po nanti nkubomba chicho intakulonda pakuchibomba, kokuti inte nene nkuchibomba, loli imbibi yiyo yili mumwane, yo yiyo yikubomba zinizi.
21Polelo nkwagha ukuti zizyo Indaghilo zikubomba zyo izi: Akabalilo kako nkulonda pakubomba ichiza, ko kako kabalilo ichibibi chili papipi bulo nane. 22Umoyo wane ghukuhoboka nkani ni ndaghilo izya Chala, 23loli mukasikasi mumwane nkwennya ululaghilo ulwamwabo lukulwana nu lulaghilo, lulo umoyo wane ghukwitinkana nalo. Ululaghilo ulu lwampela pakuba muzya uwa ndaghilo izya mbibi, zizyo zili pambombo mukasi mumwane. 24Mwee ane mwee! Nkimba wewenu akwiza pakumpoka ku mubili ghugho ghukumbika kubufwe? 25Amapalo ghabanje kwa Chala, yuyo akwiza pakubomba zinizi ukwendela mwa Yesu Kilisitu, u Mwene witu!
Polelo ane nemwene ni nyinong'ono zyane, ne muzya uwa Ndaghilo izya Chala, loli ku buntu bwane ubwa mbibi, ne muzya uwa ndaghilo izya mbibi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya