Aba Loma 6
6
Pakuba nubumi mwa Kilisitu
1Po tungati choni? Nkimba twendelelaye pakwikala mumbibi ukuti ichisa icha Chala chonjelelepo? 2Awe, tutangachela! Aswe tufuye kumbibi, po nkimba tungendelela bulibuli pakwikala mumbibi? 3Nkimba mutazimenye ukuti twebosi bo tukoziwa, tukamamatilana nu Kilisitu u Yesu, sona nu lozyo lulalula tukamamatilana nawe mu bufwe bwache? 4#Kols. 2.12Ukwendela mu lozyo lwitu tukamamatilana poka nawe mu bufwe sona nukusyiliwa kwache, umwakuti ngati mumo u Kilisitu akazyukila kubufwe nu buchindamu ubwa Wise, po umwakuyana bulo, naswe tukwiza pakwikala nubumi ubupya.
5Pakuti nanti twamamatilana poka nawe pakwendela mu bufwe bwache, momumo tukwiza pakumamatilana poka nawe pakwendela mu kuzyuka kwache kubufwe. 6Tuzimenye ukuti inkalo yitu iyakale yikakomeliwa poka nu Yesu pachipinjika, ukuti inkalo zyitu izya mbibi zinanganike, umwakuti tutakabe sona bazya abambibi. 7Pakuti bo umuntu afwa, asatuliwa ku bulaghili ubwa mbibi. 8Loli nanti tufuye poka nu Kilisitu, tukusubila ukuti tukwiza pakuba nubumi poka nawe. 9Pakuti tuzimenye ukuti u Kilisitu azyukite kubufwe, nukuti ate akafwe sona—ubufwe bute sona nu bulaghili papache. 10Pachifukwa ichakuti akafwa, imbibi yite sona nu bulaghili papache. Po ilelo ubumi bwache bumamatilanite poka nu Chala. 11Umwakuyana bulo, mubaghiye mwipimaye mwebene pakuba ngati mwe bantu abafwe kumbibi, loli pakuba nubumi pamaso pa Chala pakumamatilana poka nu Kilisitu u Yesu.
12Polelo mutakitikizye ukuti imbibi yilamulilaye amabili ghinyu ghagho ghakufwa, umwakuti mukonke ivinyonywa ivya mabili ghinyu. 13Mutakiyipe ichigaba chimo icha mubili winyu kumbibi ukuti chibombe imbombo imbibi. Loli mwiyipe mwebene kwa Chala, ngati bo bantu babo bazyuka bulo kubufwe, sona bali nubumi. Mwiyipe amabili ghinyu kwa Chala ukuti ghabombe imbombo ingolosu. 14Imbibi yitakwiza pakuba nu bulaghili papinyu pakuti mute pasi pabulaghili ubwa ndaghilo, loli pasi pachisa icha Chala.
Ukuba bazya aba bugholosu
15Po, buli lelo? Nkimba tubombe imbibi pachifukwa ichakuti tuli pasi pabulaghili ubwa ndaghilo, loli tuli pasi pachisa icha Chala? Awe, napo panandi! 16Nkimba mutazimenye ukuti bo mukwiyipa mwebene ukwivwila umuntu yumo ngati bo bazya, naloli mwe bazya aba muntu yuyo mukumwivwila—pamo mwe bazya abambibi zizyo zikwiza nu bufwe, pamo mwe bazya aba lwivwilo lulo lukumunena umuntu pakuba mugholosu pamaso pa Chala? 17Loli amapalo ghabanje kwa Chala, napapo akabalilo kamo mukaba mwe bazya abambibi, loli ilelo mukwivwila nu moyo winyu ghosi ubwanaloli ubwa vimanyisyo vivyo mukapokela. 18Mwasatuliwa kumbibi, sona ilelo mwaba bazya aba bugholosu.
19Nkubombela neno iya siku ni siku ukuyana na kivwisizye kinyu. Akabalilo kamo mukiyipa mwebene ngati bo bazya aba bunyazu nu bubibi pakubomba inyazu. Umwakuyana bulo, ilelo mubaghiye mwiyipe mwebene ngati bo bazya aba bugholosu ukuti mubombaye imbombo izelu.
20Akabalilo kako mukaba mwe bazya abambibi, mukaba babuke ku bulaghili ubwa bugholosu. 21Nkimba mukakabapo ichoni pakubomba ivintu ivyakukozya isoni vinivi? Pakuti ubumalilo ubwa vintu vinivi, bo bufwe bwene! 22Loli pakuti ilelo mwasatuliwa kumbibi, po mwaba mwe bazya aba Chala. Chicho mwakabapo bumi ubuzelu, sona bumalilo bwache, bo bumi ubwa bwila na bwila. 23Pakuti amalipilo agha mbibi, bo bufwe. Loli ichabupi ichabulo icha Chala, bo bumi pakumamatilana poka nu Kilisitu u Yesu u Mwene witu.
Currently Selected:
Aba Loma 6: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaAba Loma 6
6
Pakuba nubumi mwa Kilisitu
1Po tungati choni? Nkimba twendelelaye pakwikala mumbibi ukuti ichisa icha Chala chonjelelepo? 2Awe, tutangachela! Aswe tufuye kumbibi, po nkimba tungendelela bulibuli pakwikala mumbibi? 3Nkimba mutazimenye ukuti twebosi bo tukoziwa, tukamamatilana nu Kilisitu u Yesu, sona nu lozyo lulalula tukamamatilana nawe mu bufwe bwache? 4#Kols. 2.12Ukwendela mu lozyo lwitu tukamamatilana poka nawe mu bufwe sona nukusyiliwa kwache, umwakuti ngati mumo u Kilisitu akazyukila kubufwe nu buchindamu ubwa Wise, po umwakuyana bulo, naswe tukwiza pakwikala nubumi ubupya.
5Pakuti nanti twamamatilana poka nawe pakwendela mu bufwe bwache, momumo tukwiza pakumamatilana poka nawe pakwendela mu kuzyuka kwache kubufwe. 6Tuzimenye ukuti inkalo yitu iyakale yikakomeliwa poka nu Yesu pachipinjika, ukuti inkalo zyitu izya mbibi zinanganike, umwakuti tutakabe sona bazya abambibi. 7Pakuti bo umuntu afwa, asatuliwa ku bulaghili ubwa mbibi. 8Loli nanti tufuye poka nu Kilisitu, tukusubila ukuti tukwiza pakuba nubumi poka nawe. 9Pakuti tuzimenye ukuti u Kilisitu azyukite kubufwe, nukuti ate akafwe sona—ubufwe bute sona nu bulaghili papache. 10Pachifukwa ichakuti akafwa, imbibi yite sona nu bulaghili papache. Po ilelo ubumi bwache bumamatilanite poka nu Chala. 11Umwakuyana bulo, mubaghiye mwipimaye mwebene pakuba ngati mwe bantu abafwe kumbibi, loli pakuba nubumi pamaso pa Chala pakumamatilana poka nu Kilisitu u Yesu.
12Polelo mutakitikizye ukuti imbibi yilamulilaye amabili ghinyu ghagho ghakufwa, umwakuti mukonke ivinyonywa ivya mabili ghinyu. 13Mutakiyipe ichigaba chimo icha mubili winyu kumbibi ukuti chibombe imbombo imbibi. Loli mwiyipe mwebene kwa Chala, ngati bo bantu babo bazyuka bulo kubufwe, sona bali nubumi. Mwiyipe amabili ghinyu kwa Chala ukuti ghabombe imbombo ingolosu. 14Imbibi yitakwiza pakuba nu bulaghili papinyu pakuti mute pasi pabulaghili ubwa ndaghilo, loli pasi pachisa icha Chala.
Ukuba bazya aba bugholosu
15Po, buli lelo? Nkimba tubombe imbibi pachifukwa ichakuti tuli pasi pabulaghili ubwa ndaghilo, loli tuli pasi pachisa icha Chala? Awe, napo panandi! 16Nkimba mutazimenye ukuti bo mukwiyipa mwebene ukwivwila umuntu yumo ngati bo bazya, naloli mwe bazya aba muntu yuyo mukumwivwila—pamo mwe bazya abambibi zizyo zikwiza nu bufwe, pamo mwe bazya aba lwivwilo lulo lukumunena umuntu pakuba mugholosu pamaso pa Chala? 17Loli amapalo ghabanje kwa Chala, napapo akabalilo kamo mukaba mwe bazya abambibi, loli ilelo mukwivwila nu moyo winyu ghosi ubwanaloli ubwa vimanyisyo vivyo mukapokela. 18Mwasatuliwa kumbibi, sona ilelo mwaba bazya aba bugholosu.
19Nkubombela neno iya siku ni siku ukuyana na kivwisizye kinyu. Akabalilo kamo mukiyipa mwebene ngati bo bazya aba bunyazu nu bubibi pakubomba inyazu. Umwakuyana bulo, ilelo mubaghiye mwiyipe mwebene ngati bo bazya aba bugholosu ukuti mubombaye imbombo izelu.
20Akabalilo kako mukaba mwe bazya abambibi, mukaba babuke ku bulaghili ubwa bugholosu. 21Nkimba mukakabapo ichoni pakubomba ivintu ivyakukozya isoni vinivi? Pakuti ubumalilo ubwa vintu vinivi, bo bufwe bwene! 22Loli pakuti ilelo mwasatuliwa kumbibi, po mwaba mwe bazya aba Chala. Chicho mwakabapo bumi ubuzelu, sona bumalilo bwache, bo bumi ubwa bwila na bwila. 23Pakuti amalipilo agha mbibi, bo bufwe. Loli ichabupi ichabulo icha Chala, bo bumi pakumamatilana poka nu Kilisitu u Yesu u Mwene witu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya