Aba Filipi Ukwanda
Ukwanda
Ukalata uwa Pabuli ukubasimbila Aba Filipi, akachisimbila ichipanga ichakwanda chicho u Pabuli akikazya muchisu icha bazungu, muchigaba icha Makedoniya, mu Loma. Akasimbiwa bo umutumiwa ali mujele, sona na bo ali pakuyimba pachifukwa icha kumususya kuko bakabomba ababombi abanji aba Chikilisitu, nukuyimba nkani mumoyo wache ni chimanyisyo ichabumyasi muchipanga icha mu Filipi. Loli napapo zikaba bulabula, u Pabuli akasimba ukalata uyu nu buhobosu sona nu lusubilo, pachifukwa icha lwitiko lwache mwa Yesu Kilisitu.
Ichifukwa chicho u Pabuli akasimbila ukalata uyu chikaba chakupalizya abakilisitu aba mu Filipi pachabupi chicho bakamutumila ukuti chimwavwe pakabalilo kako akasobelwanga. Akubombezya ulusako ulu pakubasimikizya, umwakuti bangaba nu lukazyo, sona nu lusubilo napapo u Pabuli umwenecho akakomana nintamyo, sona na zizyo abene bakakomana nazyo. Umwene akubalambilizya ukuti babanje nu moyo uwakwiyisya ngati uwa Yesu, mubuzilo ubwa kuba nu moyo uwakwiyighana, sona uwakwituvya. U Pabuli akubakumbusya ukuti ubumi bwabo ubwakumamatilana poka nu Kilisitu cho chabupi icha chisa icha Chala, chicho bapokela ukwendela mu lwitiko, mute kwendela pakukonka inyiho izya Chiyuda, awe. Akusimba nizya buhobosu nu mutende ghugho u Chala akubapa abantu babo ubumi bwabo bwakumamatilana poka nu Kilisitu.
Ukalata uyu akumanyikwa pachifukwa icha kudidimizya kwache pabuhobosu nu lusubilo nu bupoka, sona nukujimba nkani mulwitiko na mubumi ubwa Chikilisitu. Ukalata uyu akuvumbula sona namumo u Pabuli akachighanila ichipanga icha mu Filipi.
Ivyamukasi
Ukwanda 1.1-11
Zizyo zikamuwila u Pabuli 1.12-26
Ubumi ubwakumamatilana poka nu Kilisitu 1.27—2.18
U Pabuli abatika pakumutuma u Timoti nu Epafulodito 2.19-30
Akubasoka pachifukwa icha balwani ni vyakoghofya 3.1—4.9
U Pabuli na bamanyani bache aba mu Filipu 4.10-20
Amazyu aghabumalilo 4.21-23
Currently Selected:
Aba Filipi Ukwanda: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya