Imbombo 28
28
U Pabuli pa kasungo aka Melita
1Bo twapona nukufika pisila, tukamanya ukuti itabwa ilya kasungo kala kakaba ko ka Melita. 2Abantu aba pa kasungo kala bakaba bachisa nkani kukwitu nukutupokela akiza. Bakatupembela umoto ukuti tote pakuti ivula yikatima, sona kukakatala nkani. 3U Pabuli akatenya umuzigho uwa nkwi nukuzisonkezya pamoto, po injoka yikafuma mumuzigho mula pachifukwa icha butukizu. Yikamuluma nukumukakatila inyobe. 4Abantu bala bakayennya injoka yikwelela kunyobe iya Pabuli nukwanda pakunenezannya ukuti, “Naloli umuntu uyu livyondongo. Napapo akapona panyanja, loli u Chala wanaloli atakitikizya ukuti abanje nubumi.” 5Loli u Pabuli akayikung'untila injoka yila pamoto ukusita ukuvulaziwa. 6Abantu bala bakalindililagha ukuti akwiza pakwizula pamo akwiza pakuwa pasi nukufwa lubilolubilo. Loli bo balindilila akabalilo akatali ukusita ukumubonekela chimo ichiyeni bakanyosyako inyinong'ono zyabo nukuti, “Umuntu uyu ko ka chala!”
7Papipi nu buzilo bulabula pakaba amaghunda agha Pubuliya, umulaghili uwa pa kasungo pala. Akatupokela akiza nukwikala naswe amasiku matatu pakuba bayeni bache. 8Uwise uwa Pubuliya akalambalala pachitala pachifukwa ichakuti akabinagha izegema, sona akapelagha ibanda. U Pabuli akinjila mulamula nukumwiputila, po akabika inyobe papache nukumupozya. 9Bo zinizi zyabombiwa, abantu bosi pa kasungo pala bakiza nukupoziwa. 10Bakatupa ivyabupi ivyinji, sona bo twiyanizye pakunyamuka, bakakwezya ivintu vivyo tukasobelwanga pabulendo bwitu.
Ukufuma mu Melita ukubuka mu Loma
11Bo ghachilapo amezi matatu tukenda pa bwato ubukulu nkani ukufuma mu Alekizandiliya, bubo bakatinji, “Abachala abamapasa,” bubo bukikala pa kasungo pala pachisiku. 12Tukafika mukaya akakulu nkani aka Silakusi nukwikalamo amasiku matatu mulamula. 13Ukufuma mula tukenda pa bwato ubukulu nukufika mukaya akakulu nkani aka Legiyamu. Indabi yache impepo iyakuntende yikanda pakukuka, po pisiku ilyabutatu tukafika mukaya aka Puteyoli. 14Tukabagha abitiki bamo mulamula, babo bakatulaba ukuti twikale nabo usabata. Po tukafika mu Loma. 15Bo abitiki mu Loma bivwa ukuti tukwiza, bakiza mupaka pa Munalo uwa Apiya, sona ni Nyumba zitatu izya bayeni ukuti bakomane naswe. Bo u Pabuli abennya bulo, akamupalizya u Chala sona ichi chikamukazya nkani.
U Pabuli ali mu Loma
16Bo twafika mu Loma, u Pabuli akitikiziwa ukuti ikalaye mwene, loli nu musilikali uwakumulindilila.
17Bo ghachilapo amasiku matatu u Pabuli akabitizya abalongozi aba Chiyuda. Bo babungana, akababuzya akati, “Mwee bakamu bane, napapo intabanangiyepo nachimochimo abantu pamo inyiho izya banyenya bitu, loli nkalemiwa mukaya aka Yelusalemu nukubikiwa munyobe izya ba Loma. 18Bo babuzikizya inongwa yane, abene bakalondagha pakunsatula pakuti batakanyagha ninongwa iyakuti ingoghiwe nayo. 19#Imbo. 25.11Loli bo aba Yuda basusya ichi, nkafyengiwa bulo pakulaba ukuti inongwa yane yilongiwe nu Kesale, napapo intakaba ninongwa nayimoyimo na bantu bane. 20Ichi cho chifukwa nkalaba ukuti nkomane nawe ukuti tunenezannye. Naloli, impinyiwe ni mpingu pachifukwa icha kusubila zizyo aba Izilayeli bakulindilila.”
21Bakamula bakati, “Tutapokelitepo abakalata abakufuma muchigaba icha Yudeya abakunena nizya awe. Sona nayumo umuntu mu bakamu bitu yuyo akizapo kuno ukutulingannya pamo ukunena nizya bubibi bwako. 22Loli tukulonda twiyivwile twebene inyinong'ono zyako pakuti tuzimenye ukuti kosi na kosi abantu bakukanenela ivibibi akabukatila kako.”
23Po bakivwana nawe isiku ilyakuti bakomane, po ichilundilo icha bantu chikiza pisiku lilalila kunyumba kuko u Pabuli akikalagha. Akabalingannya nukunena nabo nizya Bumwene ubwa Chala ukwandila pandabindabi mupaka pabusiku nukuyezya pakubadeba nizya Yesu ukufuma mu mabuku agha Ndaghilo izya Mozesi na mu mabuku agha balaghuzi. 24Zizyo u Pabuli akanenagha, abantu bamo zikabapalamasyanga amoyo, loli abanji batakazisubila. 25Pakuti bakasusannya benebene, bakasata bulo. Loli bo batasatanite, u Pabuli akonjelezyapo pakunena ichintu choka ichi ukuti, “U Muzimu Umuzelu akanena ubwanaloli na banyenya binyu bo akunena ukwendela mu mulaghuzi u Yesaya ukuti:
26 #
Yes. 6.9-10
‘Bukagha nukubabuzya abantu banaba ukuti:
Mukwiza pakwivwa nukwivwa, loli mute mukivwisye,
mukwiza pakwennya nu kwennya, loli mute mukenelezye.
27Pakuti amoyo agha bantu banaba makafu nkani.
Basindiye amakutu ghabo,
sona basizilite amaso ghabo.
Papo ngali amaso ghabo ghakwennya,
amakutu ghabo ngali ghakwivwa
ni nyinong'ono zyabo ngali zikwivwisya
po ngali bapindukila kukwane,
ngali imbapozizye. Akunena zinizi we Chala.’ ”
28U Pabuli akababuzya akati, “Mubaghiye mumanyaye ukuti u Chala abatumila amazyu aghabupoki abantu babo bate ba Yuda. Abene bakwiza pakughateghelezya!”#28.28: Amasimbo ghamo aghakale ghonjelezya: 29 Bo u Pabuli anena zinizi, aba Yuda bakanyamuka bakudalinkana benebene ni chongo.
30U Pabuli akikala kulakula amaka mabili munyumba yiyo akilipililagha mwene, sona akabapokela bosi babo bakiza pakumwennya. 31Akalumbililagha nizya Bumwene ubwa Chala nukumanyisya izya Mwene u Yesu Kilisitu nu bujivu bosi, sona nu bwabuke.
Currently Selected:
Imbombo 28: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaImbombo 28
28
U Pabuli pa kasungo aka Melita
1Bo twapona nukufika pisila, tukamanya ukuti itabwa ilya kasungo kala kakaba ko ka Melita. 2Abantu aba pa kasungo kala bakaba bachisa nkani kukwitu nukutupokela akiza. Bakatupembela umoto ukuti tote pakuti ivula yikatima, sona kukakatala nkani. 3U Pabuli akatenya umuzigho uwa nkwi nukuzisonkezya pamoto, po injoka yikafuma mumuzigho mula pachifukwa icha butukizu. Yikamuluma nukumukakatila inyobe. 4Abantu bala bakayennya injoka yikwelela kunyobe iya Pabuli nukwanda pakunenezannya ukuti, “Naloli umuntu uyu livyondongo. Napapo akapona panyanja, loli u Chala wanaloli atakitikizya ukuti abanje nubumi.” 5Loli u Pabuli akayikung'untila injoka yila pamoto ukusita ukuvulaziwa. 6Abantu bala bakalindililagha ukuti akwiza pakwizula pamo akwiza pakuwa pasi nukufwa lubilolubilo. Loli bo balindilila akabalilo akatali ukusita ukumubonekela chimo ichiyeni bakanyosyako inyinong'ono zyabo nukuti, “Umuntu uyu ko ka chala!”
7Papipi nu buzilo bulabula pakaba amaghunda agha Pubuliya, umulaghili uwa pa kasungo pala. Akatupokela akiza nukwikala naswe amasiku matatu pakuba bayeni bache. 8Uwise uwa Pubuliya akalambalala pachitala pachifukwa ichakuti akabinagha izegema, sona akapelagha ibanda. U Pabuli akinjila mulamula nukumwiputila, po akabika inyobe papache nukumupozya. 9Bo zinizi zyabombiwa, abantu bosi pa kasungo pala bakiza nukupoziwa. 10Bakatupa ivyabupi ivyinji, sona bo twiyanizye pakunyamuka, bakakwezya ivintu vivyo tukasobelwanga pabulendo bwitu.
Ukufuma mu Melita ukubuka mu Loma
11Bo ghachilapo amezi matatu tukenda pa bwato ubukulu nkani ukufuma mu Alekizandiliya, bubo bakatinji, “Abachala abamapasa,” bubo bukikala pa kasungo pala pachisiku. 12Tukafika mukaya akakulu nkani aka Silakusi nukwikalamo amasiku matatu mulamula. 13Ukufuma mula tukenda pa bwato ubukulu nukufika mukaya akakulu nkani aka Legiyamu. Indabi yache impepo iyakuntende yikanda pakukuka, po pisiku ilyabutatu tukafika mukaya aka Puteyoli. 14Tukabagha abitiki bamo mulamula, babo bakatulaba ukuti twikale nabo usabata. Po tukafika mu Loma. 15Bo abitiki mu Loma bivwa ukuti tukwiza, bakiza mupaka pa Munalo uwa Apiya, sona ni Nyumba zitatu izya bayeni ukuti bakomane naswe. Bo u Pabuli abennya bulo, akamupalizya u Chala sona ichi chikamukazya nkani.
U Pabuli ali mu Loma
16Bo twafika mu Loma, u Pabuli akitikiziwa ukuti ikalaye mwene, loli nu musilikali uwakumulindilila.
17Bo ghachilapo amasiku matatu u Pabuli akabitizya abalongozi aba Chiyuda. Bo babungana, akababuzya akati, “Mwee bakamu bane, napapo intabanangiyepo nachimochimo abantu pamo inyiho izya banyenya bitu, loli nkalemiwa mukaya aka Yelusalemu nukubikiwa munyobe izya ba Loma. 18Bo babuzikizya inongwa yane, abene bakalondagha pakunsatula pakuti batakanyagha ninongwa iyakuti ingoghiwe nayo. 19#Imbo. 25.11Loli bo aba Yuda basusya ichi, nkafyengiwa bulo pakulaba ukuti inongwa yane yilongiwe nu Kesale, napapo intakaba ninongwa nayimoyimo na bantu bane. 20Ichi cho chifukwa nkalaba ukuti nkomane nawe ukuti tunenezannye. Naloli, impinyiwe ni mpingu pachifukwa icha kusubila zizyo aba Izilayeli bakulindilila.”
21Bakamula bakati, “Tutapokelitepo abakalata abakufuma muchigaba icha Yudeya abakunena nizya awe. Sona nayumo umuntu mu bakamu bitu yuyo akizapo kuno ukutulingannya pamo ukunena nizya bubibi bwako. 22Loli tukulonda twiyivwile twebene inyinong'ono zyako pakuti tuzimenye ukuti kosi na kosi abantu bakukanenela ivibibi akabukatila kako.”
23Po bakivwana nawe isiku ilyakuti bakomane, po ichilundilo icha bantu chikiza pisiku lilalila kunyumba kuko u Pabuli akikalagha. Akabalingannya nukunena nabo nizya Bumwene ubwa Chala ukwandila pandabindabi mupaka pabusiku nukuyezya pakubadeba nizya Yesu ukufuma mu mabuku agha Ndaghilo izya Mozesi na mu mabuku agha balaghuzi. 24Zizyo u Pabuli akanenagha, abantu bamo zikabapalamasyanga amoyo, loli abanji batakazisubila. 25Pakuti bakasusannya benebene, bakasata bulo. Loli bo batasatanite, u Pabuli akonjelezyapo pakunena ichintu choka ichi ukuti, “U Muzimu Umuzelu akanena ubwanaloli na banyenya binyu bo akunena ukwendela mu mulaghuzi u Yesaya ukuti:
26 #
Yes. 6.9-10
‘Bukagha nukubabuzya abantu banaba ukuti:
Mukwiza pakwivwa nukwivwa, loli mute mukivwisye,
mukwiza pakwennya nu kwennya, loli mute mukenelezye.
27Pakuti amoyo agha bantu banaba makafu nkani.
Basindiye amakutu ghabo,
sona basizilite amaso ghabo.
Papo ngali amaso ghabo ghakwennya,
amakutu ghabo ngali ghakwivwa
ni nyinong'ono zyabo ngali zikwivwisya
po ngali bapindukila kukwane,
ngali imbapozizye. Akunena zinizi we Chala.’ ”
28U Pabuli akababuzya akati, “Mubaghiye mumanyaye ukuti u Chala abatumila amazyu aghabupoki abantu babo bate ba Yuda. Abene bakwiza pakughateghelezya!”#28.28: Amasimbo ghamo aghakale ghonjelezya: 29 Bo u Pabuli anena zinizi, aba Yuda bakanyamuka bakudalinkana benebene ni chongo.
30U Pabuli akikala kulakula amaka mabili munyumba yiyo akilipililagha mwene, sona akabapokela bosi babo bakiza pakumwennya. 31Akalumbililagha nizya Bumwene ubwa Chala nukumanyisya izya Mwene u Yesu Kilisitu nu bujivu bosi, sona nu bwabuke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya