Imbombo 27
27
U Pabuli akwenda panyanja ukubuka ku Loma
1Bo kwadumuliwa ukuti tubuke kuchisu icha Itale pa bwato, u Pabuli na bakayidi abamwabo bakabikiwa munyobe izya Juliyasi, usongo uwa kabukatila aka basilikali 100, kako bakatinji, “Akabukatila aka Kesale.” 2Tukakwela mu bwato ubukulu nkani ukufuma mu Adilametiyamu, bubo yikaba papipi pakunyamuka ukubuka mumaloboko agha muchigaba icha Asiya, po tukanyamuka. U Alisitalika, uwa mukaya aka Tesalonika muchigaba icha Makedoniya akaba poka naswe. 3Indabi yache tukafika mu Sidoni. U Juliyasi akamupelela ichisa u Pabuli, po akamwitikizya ukuti abuke pakubennya abamanyani bache ukuti bamupe ivyakusobelwa vyache. 4Ukufuma kulakula tukakwela ubwato, tukenda kumitu ukwa kasungo aka Sayipulasi pakuti impepo yikakukilagha kumaso ghitu. 5Bo twaloboka inyanja, tukabuka pa bwato ku vigaba ivya Kilikiya nu Pamfiliya nukufika mukaya aka Mila muchigaba icha Lisiya. 6Mulamula usongo uwa basilikali 100 akabwagha ubwato ubukulu nkani bubo bukafuma mu Alekizandiliya pakubuka ku Itale. Po akatukwezya mubwato mulamula.
7Tukenda panandipanandi amasiku aminji nintamyo inkulu nkani mupaka tukafika mukaya aka Kinida. Bo impepo yakanizya ubulendo bwitu, tukabuka kuntende ukwa kasungo aka Kileti, kako kakaba papipi nu Salimoni. 8Tukendagha mulubazu ulwa kasungo kala nintamyo inkulu nukufika pabuzilo bubo bakatinji Maloboko Amiza, ghagho ghakaba papipi nakaya aka Laseya.
9Tukatagha akabalilo akatali nkani mulamula mupaka kukanda pakoghofya ukwendelela nu bulendo pakuti akabalilo akakutuzikizya pakulya#27.9 akabalilo akakutuzikizya pakulya: Ukutuzya pakulya kunuku kukabombiwagha kubumalilo ubwa mwezi uwa Sepitemba. kakaba kakuti kamalite kale. Po u Pabuli akabasoka akati, 10“Mwebaya mwee, nkwennya ukuti ubulendo bwitu bukwiza pakuba bwakoghofya. Ukatundu nu bwato ubukulu nkani vikwiza pakunanganika nkani, sona nubumi bwitu bulo.” 11Loli usongo uwa basilikali 100 yula akivwila zizyo uwakwendezya ubwato ubukulu nkani nu mwenecho bakanena, ukuchila zizyo u Pabuli akanena. 12Piloboko palapala patakaba piza ukwikalapo akabalilo aka chisiku, po abantu abinji bakalondagha twepepo pabuzilo bula pa bwato nukuyezya pakufika mu Fonike, nanti chingabombiwa ukuti bangikala mulamula akabalilo aka chisiku. Fonike lyo liloboko ilya mu Kileti, pakulumbilila kuntende, kubwinjililo bwizuba, sona kumitu kubwinjililo bwizuba.
Impepo iyakukuka panyanja
13Bo impepo yiyo yikafumagha kuntende yanda pakuputa panandipanandi, abantu bakinong'ona ukuti bachagha chicho balondagha. Bakefya ichela iching'wamu chicho chikalema ubwato ubukulu, po bakanda pakwenda mulubazu ulwa piloboko ulwa Kileti. 14Panapo na panapo impepo iyakukuka yiyo bakatinji Impepo iyakumitu kubufumilo bwizuba, yikakuka pa kasungo kalakala. 15Impepo yila yikakoma ubwato ubukulu nkani bula, umwakuti bukapotwa pakwendelela pakubuka kuko impepo yikafumilagha, po tukabuleka ukuti tusunkiliwe bulo ni mpepo. 16Tukafika papipi na kasungo akanandi aka Kabuda, kulubazu kuko kutakabako impepo. Umwakutamiwa tukabupoka ubwato bubo bukawesiwanga nu bwato ubukulu bula. 17Tukabukwezya ubwato bula mubwato ubukulu nkani, po tukabupinyilila ubwato ubukulu ninkusa ukuti bubanje na maka. Bakanyilagha ukuti bangabadila palusesenga ulwa piloboko ulwa Libiya, po bakisya ichimwenda nukubuleka ubwato ubukulu nkani bula ukuti basunkiliwe bulo ni mpepo. 18Impepo iyakukuka yila yikendelela, po indabi yache tukanda pakusumbila ukatundu yumo mumizi. 19Po pisiku ilyabutatu bakasumbila ivigaba vimo ivya bwato ubukulu nkani mumizi. 20Tutakennya izuba pamo intondwa amasiku aminji, sona impepo yene yikendelela pakukuka nkani. Pabumalilo tukatagha ulusubilo ulwakuti tungapona.
21Bo pachilapo akabalilo akatali abantu bala bakaba bataliyepo nachimochimo, u Pabuli akimilila pamaso papabo nukuti, “Mwebaya mwee, nanti mwanteghelezyanga ane zizyo nkanena ukuti tutakepemo mu Kileti, ngali ivintu vitananganika bunubu. 22Loli ulu nkubalaba ukuti mujimbe nkani umoyo. Nayumo umuntu mumwinyu yuyo akwiza pakufwa, loli ubwato ubukulu nkani bwene bo bubo bukwiza pakunanganika. 23Ubusiku bubo bwamalagha uwantumi uwakumwanya uwa Chala, yuyo wane, sona yuyo nkumuchindika akanyizila kukwane, 24nukumubuzya ukuti, ‘Wee Pabuli, utakanyilaye. Ubaghiye pakwimilila pamaso pa Kesale. U Chala muchisa chache kukwako itikizya ukuti abantu bosi babo uli nabo pabulendo babanje nubumi.’ 25Po, mwebaya mwee, mujimbe nkani umoyo pakuti nkusubila ukuti u Chala akwiza pakuvibomba vivyo akambuzya. 26Loli tukwiza pakubadila pa kasungo kamo.”
27Pabusiku ubwa pa 14, bo tuchili tukusunkiliwa ni mpepo panyanja iya Adiliya, ababombi aba mubwato ubukulu bakinong'ona ukuti tuli papipi ukufika pisila. 28Po bakapima ubwibizu ubwa nyanja pakudwibika ibwe lilyo bakalipinya nu lukusa nukwagha ukuti bukaba amamita 40. Bo benda panandi bakapima sona nukwagha ukuti bukaba amamita 30. 29Bakanyilagha ukuti pamo ubwato ubukulu bungabadila pamabwe. Po bakadwibika ivyela iving'wamu folo kwisinda ukwa bwato ubukulu ukuti vibuleme, sona bakiputa ukuti kuche lubilo. 30Ababombi aba mubwato ubukulu bula bakayezya pakuchimbilamo. Bakisya ubwato pamizi ngati po babuka pakudwibika ivyela ivinji iving'wamu kuntazi ukwa bwato ubukulu bula. 31Loli u Pabuli akamubuzya usongo uwa basilikali 100 yula, sona na basilikali akati, “Nanti ababombi aba batakwikalamo mu bwato ubukulu nkani umu, mutangapona.” 32Po abasilikali bakadumula inkusa izya bwato nukubuleka ukuti bubukaye.
33Pandabindabi bo ni zuba lichili pakufuma u Pabuli akabalaba bosi ukuti balye ichakulya, akati, “Mwikala amasiku 14 umwakupasyapasya, sona akabalilo kosi kanaka mutalyanga nachimochimo. 34Po nkubalaba ukuti mulye ichakulya, umwakuti mubanje na maka. Nayumo umuntu mumwinyu, yuyo akasisi loka kumutu wache lukwiza pakusobela.” 35Bo u Pabuli anena zinizi, akasenda ivibama nukumupalizya u Chala pamaso pa bosi, po akavimenyannya nukwanda pakulya. 36Bakajimba umoyo, sona bosi bakalya. 37Twebosi poka mu bwato ubukulu mula tukaba 276. 38Bo bosi bikuta bakabupepusya ubwato ubukulu nkani pakusumbila ingano yosi munyanja.
Ukupangunkana ukwa bwato ubukulu
39Bo kwacha, ababombi aba mubwato ubukulu nkani bula bakapotwa pakumanya mwisila mwa nyanja, loli bakennya ubuzilo ubwa musesenga, papo bakinong'ona ukuti bangabubadizya ubwato ubukulu. 40Po bakadumula ivyela iving'wamu vila nukuvileka ukuti vidwibe munyanja. Sona pakabalilo koka kanako bakasatula inkusa zizyo zikapinyiliwa ku vyakuvighila ubwato ubukulu. Po bakakwezya umwenda kuntazi ukwa bwato ubukulu ukuti impepo yisunkile ubwato bula nukubuka pisila. 41Loli ubwato ubukulu nkani bula bukabadila palusesenga lulo lutakabonekagha. Kuntazi ukwa bwato bula kukakakatila, bo kwisinda kukubazunkana pachifukwa icha mayigha.
42Abasilikali bakinong'ona ukuti baghoghe abakayidi bosi, umwakuti atakabepo nayumo umuntu uwakusabila pisila nukuchimbila. 43Usongo uwa basilikali yula akalondagha pakumupoka u Pabuli, po akabakanizya abasilikali pakubomba zinizi. Loli akabalamula babo bangasaba ukuti banyelele mumizi nukusaba pakubuka pisila. 44Po abanji bakababuzya ukuti bakwele pamatabwa pamo patubazubazu tumo utwa bwato ubukulu nkani. Umu momumo twebosi tukaponela nukufika pisila.
Currently Selected:
Imbombo 27: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaImbombo 27
27
U Pabuli akwenda panyanja ukubuka ku Loma
1Bo kwadumuliwa ukuti tubuke kuchisu icha Itale pa bwato, u Pabuli na bakayidi abamwabo bakabikiwa munyobe izya Juliyasi, usongo uwa kabukatila aka basilikali 100, kako bakatinji, “Akabukatila aka Kesale.” 2Tukakwela mu bwato ubukulu nkani ukufuma mu Adilametiyamu, bubo yikaba papipi pakunyamuka ukubuka mumaloboko agha muchigaba icha Asiya, po tukanyamuka. U Alisitalika, uwa mukaya aka Tesalonika muchigaba icha Makedoniya akaba poka naswe. 3Indabi yache tukafika mu Sidoni. U Juliyasi akamupelela ichisa u Pabuli, po akamwitikizya ukuti abuke pakubennya abamanyani bache ukuti bamupe ivyakusobelwa vyache. 4Ukufuma kulakula tukakwela ubwato, tukenda kumitu ukwa kasungo aka Sayipulasi pakuti impepo yikakukilagha kumaso ghitu. 5Bo twaloboka inyanja, tukabuka pa bwato ku vigaba ivya Kilikiya nu Pamfiliya nukufika mukaya aka Mila muchigaba icha Lisiya. 6Mulamula usongo uwa basilikali 100 akabwagha ubwato ubukulu nkani bubo bukafuma mu Alekizandiliya pakubuka ku Itale. Po akatukwezya mubwato mulamula.
7Tukenda panandipanandi amasiku aminji nintamyo inkulu nkani mupaka tukafika mukaya aka Kinida. Bo impepo yakanizya ubulendo bwitu, tukabuka kuntende ukwa kasungo aka Kileti, kako kakaba papipi nu Salimoni. 8Tukendagha mulubazu ulwa kasungo kala nintamyo inkulu nukufika pabuzilo bubo bakatinji Maloboko Amiza, ghagho ghakaba papipi nakaya aka Laseya.
9Tukatagha akabalilo akatali nkani mulamula mupaka kukanda pakoghofya ukwendelela nu bulendo pakuti akabalilo akakutuzikizya pakulya#27.9 akabalilo akakutuzikizya pakulya: Ukutuzya pakulya kunuku kukabombiwagha kubumalilo ubwa mwezi uwa Sepitemba. kakaba kakuti kamalite kale. Po u Pabuli akabasoka akati, 10“Mwebaya mwee, nkwennya ukuti ubulendo bwitu bukwiza pakuba bwakoghofya. Ukatundu nu bwato ubukulu nkani vikwiza pakunanganika nkani, sona nubumi bwitu bulo.” 11Loli usongo uwa basilikali 100 yula akivwila zizyo uwakwendezya ubwato ubukulu nkani nu mwenecho bakanena, ukuchila zizyo u Pabuli akanena. 12Piloboko palapala patakaba piza ukwikalapo akabalilo aka chisiku, po abantu abinji bakalondagha twepepo pabuzilo bula pa bwato nukuyezya pakufika mu Fonike, nanti chingabombiwa ukuti bangikala mulamula akabalilo aka chisiku. Fonike lyo liloboko ilya mu Kileti, pakulumbilila kuntende, kubwinjililo bwizuba, sona kumitu kubwinjililo bwizuba.
Impepo iyakukuka panyanja
13Bo impepo yiyo yikafumagha kuntende yanda pakuputa panandipanandi, abantu bakinong'ona ukuti bachagha chicho balondagha. Bakefya ichela iching'wamu chicho chikalema ubwato ubukulu, po bakanda pakwenda mulubazu ulwa piloboko ulwa Kileti. 14Panapo na panapo impepo iyakukuka yiyo bakatinji Impepo iyakumitu kubufumilo bwizuba, yikakuka pa kasungo kalakala. 15Impepo yila yikakoma ubwato ubukulu nkani bula, umwakuti bukapotwa pakwendelela pakubuka kuko impepo yikafumilagha, po tukabuleka ukuti tusunkiliwe bulo ni mpepo. 16Tukafika papipi na kasungo akanandi aka Kabuda, kulubazu kuko kutakabako impepo. Umwakutamiwa tukabupoka ubwato bubo bukawesiwanga nu bwato ubukulu bula. 17Tukabukwezya ubwato bula mubwato ubukulu nkani, po tukabupinyilila ubwato ubukulu ninkusa ukuti bubanje na maka. Bakanyilagha ukuti bangabadila palusesenga ulwa piloboko ulwa Libiya, po bakisya ichimwenda nukubuleka ubwato ubukulu nkani bula ukuti basunkiliwe bulo ni mpepo. 18Impepo iyakukuka yila yikendelela, po indabi yache tukanda pakusumbila ukatundu yumo mumizi. 19Po pisiku ilyabutatu bakasumbila ivigaba vimo ivya bwato ubukulu nkani mumizi. 20Tutakennya izuba pamo intondwa amasiku aminji, sona impepo yene yikendelela pakukuka nkani. Pabumalilo tukatagha ulusubilo ulwakuti tungapona.
21Bo pachilapo akabalilo akatali abantu bala bakaba bataliyepo nachimochimo, u Pabuli akimilila pamaso papabo nukuti, “Mwebaya mwee, nanti mwanteghelezyanga ane zizyo nkanena ukuti tutakepemo mu Kileti, ngali ivintu vitananganika bunubu. 22Loli ulu nkubalaba ukuti mujimbe nkani umoyo. Nayumo umuntu mumwinyu yuyo akwiza pakufwa, loli ubwato ubukulu nkani bwene bo bubo bukwiza pakunanganika. 23Ubusiku bubo bwamalagha uwantumi uwakumwanya uwa Chala, yuyo wane, sona yuyo nkumuchindika akanyizila kukwane, 24nukumubuzya ukuti, ‘Wee Pabuli, utakanyilaye. Ubaghiye pakwimilila pamaso pa Kesale. U Chala muchisa chache kukwako itikizya ukuti abantu bosi babo uli nabo pabulendo babanje nubumi.’ 25Po, mwebaya mwee, mujimbe nkani umoyo pakuti nkusubila ukuti u Chala akwiza pakuvibomba vivyo akambuzya. 26Loli tukwiza pakubadila pa kasungo kamo.”
27Pabusiku ubwa pa 14, bo tuchili tukusunkiliwa ni mpepo panyanja iya Adiliya, ababombi aba mubwato ubukulu bakinong'ona ukuti tuli papipi ukufika pisila. 28Po bakapima ubwibizu ubwa nyanja pakudwibika ibwe lilyo bakalipinya nu lukusa nukwagha ukuti bukaba amamita 40. Bo benda panandi bakapima sona nukwagha ukuti bukaba amamita 30. 29Bakanyilagha ukuti pamo ubwato ubukulu bungabadila pamabwe. Po bakadwibika ivyela iving'wamu folo kwisinda ukwa bwato ubukulu ukuti vibuleme, sona bakiputa ukuti kuche lubilo. 30Ababombi aba mubwato ubukulu bula bakayezya pakuchimbilamo. Bakisya ubwato pamizi ngati po babuka pakudwibika ivyela ivinji iving'wamu kuntazi ukwa bwato ubukulu bula. 31Loli u Pabuli akamubuzya usongo uwa basilikali 100 yula, sona na basilikali akati, “Nanti ababombi aba batakwikalamo mu bwato ubukulu nkani umu, mutangapona.” 32Po abasilikali bakadumula inkusa izya bwato nukubuleka ukuti bubukaye.
33Pandabindabi bo ni zuba lichili pakufuma u Pabuli akabalaba bosi ukuti balye ichakulya, akati, “Mwikala amasiku 14 umwakupasyapasya, sona akabalilo kosi kanaka mutalyanga nachimochimo. 34Po nkubalaba ukuti mulye ichakulya, umwakuti mubanje na maka. Nayumo umuntu mumwinyu, yuyo akasisi loka kumutu wache lukwiza pakusobela.” 35Bo u Pabuli anena zinizi, akasenda ivibama nukumupalizya u Chala pamaso pa bosi, po akavimenyannya nukwanda pakulya. 36Bakajimba umoyo, sona bosi bakalya. 37Twebosi poka mu bwato ubukulu mula tukaba 276. 38Bo bosi bikuta bakabupepusya ubwato ubukulu nkani pakusumbila ingano yosi munyanja.
Ukupangunkana ukwa bwato ubukulu
39Bo kwacha, ababombi aba mubwato ubukulu nkani bula bakapotwa pakumanya mwisila mwa nyanja, loli bakennya ubuzilo ubwa musesenga, papo bakinong'ona ukuti bangabubadizya ubwato ubukulu. 40Po bakadumula ivyela iving'wamu vila nukuvileka ukuti vidwibe munyanja. Sona pakabalilo koka kanako bakasatula inkusa zizyo zikapinyiliwa ku vyakuvighila ubwato ubukulu. Po bakakwezya umwenda kuntazi ukwa bwato ubukulu ukuti impepo yisunkile ubwato bula nukubuka pisila. 41Loli ubwato ubukulu nkani bula bukabadila palusesenga lulo lutakabonekagha. Kuntazi ukwa bwato bula kukakakatila, bo kwisinda kukubazunkana pachifukwa icha mayigha.
42Abasilikali bakinong'ona ukuti baghoghe abakayidi bosi, umwakuti atakabepo nayumo umuntu uwakusabila pisila nukuchimbila. 43Usongo uwa basilikali yula akalondagha pakumupoka u Pabuli, po akabakanizya abasilikali pakubomba zinizi. Loli akabalamula babo bangasaba ukuti banyelele mumizi nukusaba pakubuka pisila. 44Po abanji bakababuzya ukuti bakwele pamatabwa pamo patubazubazu tumo utwa bwato ubukulu nkani. Umu momumo twebosi tukaponela nukufika pisila.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya