Imbombo 11
11
U Pitala akuchilingannya ichipanga zizyo zikabombiwa mu Yelusalemu
1Abatumiwa poka na bitiki abanji aba mu Yudeya bakivwa ukuti abantu babo bate ba Yuda bope bakapokela amazyu agha Chala. 2Bo u Pitala abuka ku Yelusalemu, akabukatila kako kakitikizyanga ukuti abantu babo bate ba Yuda basilimuliwe, bakamususya bakati, 3“Ukaba muyeni munyumba iya bantu babo bate ba Yuda babo batasilimuliwe nukulya poka nabo!”
4Po u Pitala akabalingannya vyosi vivyo vikabombiwa ukwandila ko kubwandilo akati, 5“Bo nkwiputa mukaya akakulu nkani aka Yopa, nkennya ichisetuka. Nkennya ichintu chimo chicho chikaboneka ngati chimwenda ichikulu, chicho chikalemiwa munkuto zyache zyosi folo chikwika kumwanya nukwima papipi nane. 6Nkenelezya mukasi papipi nukwennya ivinyamana ivitekwa, ni vyamuzi, ni vyakwavula, sona ni viyuni. 7Po nkivwa izyu likunena nane likuti, ‘Pitala nyamuka! Ghogha ulye.’ 8Loli nkamula nkati, ‘Mwene, awe! Ntaliye nalumolumo ichintu chicho chamwiko sona chinyazu.’ 9Izyu likivwika sona kumwanya likati, ‘Chicho u Chala achipaghula ukuti chizelu, utakinong'onaye ukuti chinyazu.’ 10Zinizi zikabombiwa katatu, pabumalilo ichimwenda chila chikasendiwa pakunyokela kumwanya. 11Pakabalilo kalakala abantu batatu babo bakatumiwa kukwane ukufuma mu Kesaliya bakafika panyumba papo#11.11 papo: Amasimbo ghamo aghakale ghasimbite ukuti aswe. nkikalagha. 12U Muzimu Umuzelu akambuzya ukuti imbuke nabo umwakusita ukuzyelazyela. Abitiki abamwitu sikisi aba mu Yopa bakaba poka nane mu Kesaliya, po twebosi tukabuka nukwinjila munyumba iya Kolineliya. 13Akatubuzya mumo akamwenezezya uwantumi uwakumwanya imiliye munyumba yache, yuyo akamubuzya akati, ‘Tuma umuntu ku Yopa ukuti amwitizye umuntu yumo, yuyo itabwa lyache we Simoni Pitala. 14Akwiza pakubabuzya amazyu ghagho ghakwiza pakukupoka awe ni mbumba yako yosi.’ 15Bo nanda pakunena, u Muzimu Umuzelu akikila papabo ukuyana namumo zikabela naswe pabwandilo. 16#Imbo. 1.5Panapo nkakumbuka zizyo u Mwene akanena ukuti, ‘U Yohani akozya na mizi, loli awe ukwiza pakozya nu Muzimu Umuzelu.’ 17Po nanti u Chala akabapa abantu babo bate ba Yuda ichabupi ichakuyana bulo na chicho akatupa aswe bo tusubiye mwa Mwene u Yesu Kilisitu, polelo ane ne wenu ukuti ningamususya u Chala!”
18Bo bivwa zinizi, bakaleka pakumususya. Bakamupala u Chala ukuti, “Po u Chala abapiye bope abantu babo bate ba Yuda ulusako ulwakupinduka nukuzileka mbibi zyabo nukupokela ubumi.”
Ichipanga icha mukaya aka Antiyokiya
19 #
Imbo. 8.1-4
Abitiki bamo babo bakanyampana pachifukwa icha kuvwimiwa kuko kukabako pakabalilo kako u Sitefani akaghoghiwa, bakabuka mupaka mutwaya utwa Fonike, mu Sayipulasi, na mu Antiyokiya, pakulumbilila amazyu agha Chala pakasi paba Yuda bene. 20Loli abitiki abanji, babo bakafuma ku Sayipulasi na ku Kileni, bakabuka ku Antiyokiya nukunena na bantu babo bate ba Yuda pakulumbilila kukwabo Amazyu Amiza agha Mwene u Yesu. 21Amaka agha Mwene ghakaba nabo, po bantu abinji bakasubila nukupindukila kwa Mwene.
22Ichipanga icha mu Yelusalemu chikivwa zinizi, po bakamutuma u Balanabasi ku Antiyokiya. 23Bo afika nukwennya mumo u Chala abasayila abantu, akahoboka nkani nukubalaba bosi ukuti bendelele pakusubila mwa Mwene na moyo ghabo ghosi. 24U Balanabasi akaba muntu mwiza, yuyo akizula nu Muzimu Umuzelu nu lwitiko, sona abantu abinji nkani bakapindukila kwa Mwene.
25Po u Balanabasi akabuka ku Talisa pakumulonda u Sabuli. 26Bo amwagha akabuka nawe ku Antiyokiya, po umwaka umupuma abantu babili bala bakakomana na bantu muchipanga nukumanyisya ichilundilo ichikulu icha bantu. Mukaba mo mu Antiyokiya mumo abitiki bakanda pakwitiziwa ukuti bo bakilisitu.
27Akabalilo kalakala abalaghuzi bamo bakafuma ku Yelusalemu nukubuka ku Antiyokiya. 28#Imbo. 21.10Yumo uwa balaghuzi bala, yuyo akaba we Agabasi, akimilila na maka agha Muzimu Umuzelu akalaghula ukuti izala inkulu yikaba papipi pakuwa muchisu chosi ichapasi. (Naloli yikawa pakabalilo aka Mwene u Kalabudiyasi) 29Abamanyili bakivwana ukuti umuntu wesi abatumile abitiki abamwabo ubwavwilizi bosi bubo angaba nabo, babo bakikalagha muchigaba icha Yudeya. 30Bakabomba zinizi, po bakabatumila ubwavwilizi bula abasongo aba chipanga ukwendela mwa Balanabasi nu Sabuli.
Currently Selected:
Imbombo 11: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaImbombo 11
11
U Pitala akuchilingannya ichipanga zizyo zikabombiwa mu Yelusalemu
1Abatumiwa poka na bitiki abanji aba mu Yudeya bakivwa ukuti abantu babo bate ba Yuda bope bakapokela amazyu agha Chala. 2Bo u Pitala abuka ku Yelusalemu, akabukatila kako kakitikizyanga ukuti abantu babo bate ba Yuda basilimuliwe, bakamususya bakati, 3“Ukaba muyeni munyumba iya bantu babo bate ba Yuda babo batasilimuliwe nukulya poka nabo!”
4Po u Pitala akabalingannya vyosi vivyo vikabombiwa ukwandila ko kubwandilo akati, 5“Bo nkwiputa mukaya akakulu nkani aka Yopa, nkennya ichisetuka. Nkennya ichintu chimo chicho chikaboneka ngati chimwenda ichikulu, chicho chikalemiwa munkuto zyache zyosi folo chikwika kumwanya nukwima papipi nane. 6Nkenelezya mukasi papipi nukwennya ivinyamana ivitekwa, ni vyamuzi, ni vyakwavula, sona ni viyuni. 7Po nkivwa izyu likunena nane likuti, ‘Pitala nyamuka! Ghogha ulye.’ 8Loli nkamula nkati, ‘Mwene, awe! Ntaliye nalumolumo ichintu chicho chamwiko sona chinyazu.’ 9Izyu likivwika sona kumwanya likati, ‘Chicho u Chala achipaghula ukuti chizelu, utakinong'onaye ukuti chinyazu.’ 10Zinizi zikabombiwa katatu, pabumalilo ichimwenda chila chikasendiwa pakunyokela kumwanya. 11Pakabalilo kalakala abantu batatu babo bakatumiwa kukwane ukufuma mu Kesaliya bakafika panyumba papo#11.11 papo: Amasimbo ghamo aghakale ghasimbite ukuti aswe. nkikalagha. 12U Muzimu Umuzelu akambuzya ukuti imbuke nabo umwakusita ukuzyelazyela. Abitiki abamwitu sikisi aba mu Yopa bakaba poka nane mu Kesaliya, po twebosi tukabuka nukwinjila munyumba iya Kolineliya. 13Akatubuzya mumo akamwenezezya uwantumi uwakumwanya imiliye munyumba yache, yuyo akamubuzya akati, ‘Tuma umuntu ku Yopa ukuti amwitizye umuntu yumo, yuyo itabwa lyache we Simoni Pitala. 14Akwiza pakubabuzya amazyu ghagho ghakwiza pakukupoka awe ni mbumba yako yosi.’ 15Bo nanda pakunena, u Muzimu Umuzelu akikila papabo ukuyana namumo zikabela naswe pabwandilo. 16#Imbo. 1.5Panapo nkakumbuka zizyo u Mwene akanena ukuti, ‘U Yohani akozya na mizi, loli awe ukwiza pakozya nu Muzimu Umuzelu.’ 17Po nanti u Chala akabapa abantu babo bate ba Yuda ichabupi ichakuyana bulo na chicho akatupa aswe bo tusubiye mwa Mwene u Yesu Kilisitu, polelo ane ne wenu ukuti ningamususya u Chala!”
18Bo bivwa zinizi, bakaleka pakumususya. Bakamupala u Chala ukuti, “Po u Chala abapiye bope abantu babo bate ba Yuda ulusako ulwakupinduka nukuzileka mbibi zyabo nukupokela ubumi.”
Ichipanga icha mukaya aka Antiyokiya
19 #
Imbo. 8.1-4
Abitiki bamo babo bakanyampana pachifukwa icha kuvwimiwa kuko kukabako pakabalilo kako u Sitefani akaghoghiwa, bakabuka mupaka mutwaya utwa Fonike, mu Sayipulasi, na mu Antiyokiya, pakulumbilila amazyu agha Chala pakasi paba Yuda bene. 20Loli abitiki abanji, babo bakafuma ku Sayipulasi na ku Kileni, bakabuka ku Antiyokiya nukunena na bantu babo bate ba Yuda pakulumbilila kukwabo Amazyu Amiza agha Mwene u Yesu. 21Amaka agha Mwene ghakaba nabo, po bantu abinji bakasubila nukupindukila kwa Mwene.
22Ichipanga icha mu Yelusalemu chikivwa zinizi, po bakamutuma u Balanabasi ku Antiyokiya. 23Bo afika nukwennya mumo u Chala abasayila abantu, akahoboka nkani nukubalaba bosi ukuti bendelele pakusubila mwa Mwene na moyo ghabo ghosi. 24U Balanabasi akaba muntu mwiza, yuyo akizula nu Muzimu Umuzelu nu lwitiko, sona abantu abinji nkani bakapindukila kwa Mwene.
25Po u Balanabasi akabuka ku Talisa pakumulonda u Sabuli. 26Bo amwagha akabuka nawe ku Antiyokiya, po umwaka umupuma abantu babili bala bakakomana na bantu muchipanga nukumanyisya ichilundilo ichikulu icha bantu. Mukaba mo mu Antiyokiya mumo abitiki bakanda pakwitiziwa ukuti bo bakilisitu.
27Akabalilo kalakala abalaghuzi bamo bakafuma ku Yelusalemu nukubuka ku Antiyokiya. 28#Imbo. 21.10Yumo uwa balaghuzi bala, yuyo akaba we Agabasi, akimilila na maka agha Muzimu Umuzelu akalaghula ukuti izala inkulu yikaba papipi pakuwa muchisu chosi ichapasi. (Naloli yikawa pakabalilo aka Mwene u Kalabudiyasi) 29Abamanyili bakivwana ukuti umuntu wesi abatumile abitiki abamwabo ubwavwilizi bosi bubo angaba nabo, babo bakikalagha muchigaba icha Yudeya. 30Bakabomba zinizi, po bakabatumila ubwavwilizi bula abasongo aba chipanga ukwendela mwa Balanabasi nu Sabuli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya