Imbombo 10
10
U Pitala nu Kolineliya
1Mukaya aka Kesaliya mukabamo umuntu yumo yuyo akaba we Kolineliya, yuyo akaba we songo uwa basilikali aba Chiloma, akabukatila kako bakatinji, “Akabukatila aka Itale.” 2Umwene ni mbumba yache yosi bakaba bantu abakumwiputa u Chala. Akabomba imbombo inkulu pakubavwa bantu abapina aba Chiyuda, sona akabalilo na kabalilo akamwiputagha u Chala. 3Isiku limo akabalilo aka fili koloko pachamabwila akennya ichisetuka. Muchisetuka chilachila akamwennya akiza nkani uwantumi uwakumwanya uwa Chala akwiza kukwache nukuti, “Kolineliya!”
4Akamwenelezya uwantumi yula nubogha nukumulalusya ukuti, “Wee Mwene, nkimba cho choni ichi?”
Uwantumi akamula akati, “U Chala ahobokite ni nyiputo zyako, sona akumbuka imbombo zyako inyiza pakasi pabantu abapina. 5Po losi ulu utume abantu bamo mu Yopa ukuti bamwitizye umuntu yumo yuyo we Simoni Pitala. 6Umuntu uyu muyeni munyumba iya Simoni, umuvukutamakwela, yuyo akwikala mulubazu ulwa nyanja.” 7Bo uwantumi yuyo akanenagha nawe abuka, u Kolineliya akabitizya abambombo bache babili, poka nu musilikali, yuyo akaba muntu uwakumwiputa u Chala. 8Bo u Kolineliya abalingannya zyosi zizyo zikabombiwa, akabatuma mu Yopa.
9Indabi yache, bo bali muzila, sona bo bakupalamila mu Yopa, u Pitala akakwela pachisonje ukuti ipute bo izuba lili pamutu. 10Izala yikamubaba po akalonda ichakulya. Loli bo bali pakuyannya ichakulya, akennya ichisetuka. 11Akennya kumwanya kwighukite, sona ichintu chimo chicho chikaboneka ngati chimwenda ichikulu, chicho chikalemiwa munkuto zyache zyosi folo chikwisiwa pasi. 12Mulamula mukaba ivinyamana ivyakulekanalekana; ivinyamana ivya vinama folo, ni vyakwavula, sona ni viyuni. 13Po izyu likivwika likati, “Pitala, nyamuka. Ghogha ulye.”
14Loli u Pitala akati, “Mwene, awe! Intaliye nalumolumo ichintu chicho chamwiko sona chinyazu.” 15Izyu lila likivwika sona likati, “Chicho u Chala achipaghula ukuti chizelu, utakinong'onaye ukuti chinyazu.” 16Zinizi zikabombiwa katatu, panapo na panapo ichimwenda chila chikasendiwa pakunyokela kumwanya. 17Bo u Pitala akuswigha nizya ching'anamulo icha vintu vivyo akavyennya muchisetuka chila, abantu babo bakatumiwa nu Kolineliya bakamanya kuko inyumba iya Simoni yikaba. Po bakimilila pamulyango uwa lupaso. 18Bakitizya nukulalusya ukuti, “Nkimba aliko kuno, umuyeni yumo, yuyo itabwa lyache we Simoni Pitala?”
19Bo u Pitala achili akuyezya pakwivwisya iching'anamulo icha chisetuka chila, u Muzimu Umuzelu akati, “Ivwa kuno! Abantu batatu bali kuno bakukulonda. 20Po nyamuka nukwika, sona ubuke nabo umwakusita ukuzyelazyela pakuti nene nabatuma.” 21Po u Pitala akika nukubabuzya abantu bala ukuti, “Umuntu yuyo mukumulonda, nene. Nkimba choni chicho mwiza kuno?”
22Bakamula bakati, “Usongo u Kolineliya atutuma. Umwene muntu mugholosu, yuyo akumwiputa u Chala, sona achindikiwe nkani naba Yuda bosi. Uwantumi uwakumwanya uwa Chala akamubuzya ukuti akwitizye awe ukuti ubuke kunyumba yache, ukuti ivwe zizyo ukulonda pakunena.” 23U Pitala akabapokela abantu bala munyumba mula pakuba bayeni bache.
Indabi yache akanyamuka nukubuka nabo, sona bope abitiki bamo aba mu Yopa bakabuka poka nawe. 24Indabi yache akafika mu Kesaliya, kuko u Kolineliya akamulindililagha, poka na bakamu bache, sona na bamanyani babo akabitizya. 25Bo u Pitala ali papipi pakwinjila, u Kolineliya akiza ukuti amupokele. Po akamufughamilila muvinama vyache. 26Loli u Pitala akamunyamusya nukuti, “Imilila, ane ne muntu bulo.” 27U Pitala akendelela pakunena kwa Kolineliya, bo akwinjila munyumba, mumo akabagha abantu abinji babunganite poka. 28Akababuzya akati, “Amwe mwebene muzimenye akiza nkani ukuti umu Yuda atakwitikiziwa pakwendelana pamo ukwangalilana na bantu babo bate ba Yuda. Loli u Chala andanjizya ukuti umuntu yuyo amupaghula ukuti muzelu intakamupimaye pakuba muntu yuyo ate muzelu pamo munyazu. 29Bo wanyitizya intakazyelazyelapo pakwiza, loli nkulonda pakuti imanye ichifukwa chicho ukanyitizizya?”
30U Kolineliya akati, “Amasiku matatu ghagho ghachilapo, pakabalilo ngati ko kanaka, aka fili koloko pachamabwila, bo nkwiputa#10.30 nkwiputa: Amasimbo ghamo aghakale ghasimbite ukuti ukwiputa nukutuzya pakulya. munyumba yane, umwakuchenusya umuntu yumo yuyo akavwala amenda amazelu akimilila pamaso papane 31nukumubuzya ukuti, ‘Wee Kolineliya! U Chala ivwa inyiputo zyako, sona akumbuka imbombo zyako inyiza pakasi pabantu abapina. 32Po tuma umuntu yumo mu Yopa ukuti amwitizye u Simoni Pitala. Muntu muyeni munyumba iya Simoni, umuvukutamakwela, yuyo akwikala mulubazu ulwa nyanja.’ 33Panapo na panapo nkakutumila amazyu, po chaba chiza nkani ukuti wiza. Polelo twebosi tuli pano pamaso pa Chala tukulindilila ukwivwa chosi chicho u Mwene akulinganizye pakunena.”
Amazyu agha Pitala
34 #
Ukk. 10.17
U Pitala akanda pakunena akati, “Ilelo nazyaghannya ukuti naloli u Chala atakwennya icheni icha muntu, 35loli akumupokela umuntu wesi yuyo akumwiputa nukubomba chicho chigholosu ukusita pakwennya uluko lwache. 36Mughamenye amazyu ghagho u Chala akabatumila aba Izilayeli, pakubabuzya Amazyu Amiza aghamutende ukwendela mwa Yesu Kilisitu, yuyo we Mwene uwa bosi. 37Muvimenye ivintu ivikulu vivyo vikabombiwa muchisu chosi icha Izilayeli, ukwandila muchigaba icha Galileya, bo u Yohani alumbilila ukuti abantu boziwe. 38Muzimenye izya Yesu uwamu Nazaleti, sona namumo u Chala akamupakazya nu Muzimu Umuzelu na maka. Akabuka kosi na kosi, akabomba inyiza nukupozya abantu bosi babo bakaba pasi pabulaghili ubwa Satana, pakuti u Chala akaba nawe. 39Aswe twe bakaboni aba vyosi vivyo akabomba mu Izilayeli na mu Yelusalemu. Polelo bakamughogha pakumukomela pachipinjika. 40Loli u Chala akamuzyusya kubufwe bo ghachilapo amasiku matatu nukumulanjizya pabuzelu. 41Atakababonekela abantu bosi, loli abakaboni bene babo u Chala akabasala kale, kokuti aswe sweswe tukalya nukung'wela poka nawe bo azyuka kubufwe. 42Po akatulamula ukuti tulumbilile Amazyu Amiza pakasi bantu nukubasimikizya ukuti weyuyo u Chala amusalite pakuba mulongi uwa bantu abumi na bafwe. 43Abalaghuzi bosi bakasimikizya nizya yuyo, ukunena ukuti umuntu wesi yuyo akusubila mumwache, u Chala akwiza pakumuhobokela imbibi zyache ukwendela mwitabwa lyache.”
Abantu babo bate ba Yuda bakupokela u Muzimu Umuzelu
44Bo u Pitala achili akunena, u Muzimu Umuzelu akabikila bosi babo bakateghelezyanga amazyu ghache. 45Abitiki aba Chiyuda babo bakafuma mu Yopa poka nu Pitala bakaswigha ukuti u Chala apungulila ichabupi chache icha Muzimu Umuzelu mubantu babo bate ba Yuda bope. 46Pakuti bakabivwa bakunenela mundimi injeni nukubupala ubukulu ubwa Chala. U Pitala akati, 47“Abantu banaba bapokela u Muzimu Umuzelu ukuyana namumo naswe bulo tukapokelela. Nkimba alipo umuntu yumo yuyo angabakanizya pakoziwa na mizi?” 48Po akabalamula ukuti boziwe mwitabwa ilya Yesu Kilisitu. Sona bakamulaba ukuti ikale nabo amasiku amanandi bulo.
Currently Selected:
Imbombo 10: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaImbombo 10
10
U Pitala nu Kolineliya
1Mukaya aka Kesaliya mukabamo umuntu yumo yuyo akaba we Kolineliya, yuyo akaba we songo uwa basilikali aba Chiloma, akabukatila kako bakatinji, “Akabukatila aka Itale.” 2Umwene ni mbumba yache yosi bakaba bantu abakumwiputa u Chala. Akabomba imbombo inkulu pakubavwa bantu abapina aba Chiyuda, sona akabalilo na kabalilo akamwiputagha u Chala. 3Isiku limo akabalilo aka fili koloko pachamabwila akennya ichisetuka. Muchisetuka chilachila akamwennya akiza nkani uwantumi uwakumwanya uwa Chala akwiza kukwache nukuti, “Kolineliya!”
4Akamwenelezya uwantumi yula nubogha nukumulalusya ukuti, “Wee Mwene, nkimba cho choni ichi?”
Uwantumi akamula akati, “U Chala ahobokite ni nyiputo zyako, sona akumbuka imbombo zyako inyiza pakasi pabantu abapina. 5Po losi ulu utume abantu bamo mu Yopa ukuti bamwitizye umuntu yumo yuyo we Simoni Pitala. 6Umuntu uyu muyeni munyumba iya Simoni, umuvukutamakwela, yuyo akwikala mulubazu ulwa nyanja.” 7Bo uwantumi yuyo akanenagha nawe abuka, u Kolineliya akabitizya abambombo bache babili, poka nu musilikali, yuyo akaba muntu uwakumwiputa u Chala. 8Bo u Kolineliya abalingannya zyosi zizyo zikabombiwa, akabatuma mu Yopa.
9Indabi yache, bo bali muzila, sona bo bakupalamila mu Yopa, u Pitala akakwela pachisonje ukuti ipute bo izuba lili pamutu. 10Izala yikamubaba po akalonda ichakulya. Loli bo bali pakuyannya ichakulya, akennya ichisetuka. 11Akennya kumwanya kwighukite, sona ichintu chimo chicho chikaboneka ngati chimwenda ichikulu, chicho chikalemiwa munkuto zyache zyosi folo chikwisiwa pasi. 12Mulamula mukaba ivinyamana ivyakulekanalekana; ivinyamana ivya vinama folo, ni vyakwavula, sona ni viyuni. 13Po izyu likivwika likati, “Pitala, nyamuka. Ghogha ulye.”
14Loli u Pitala akati, “Mwene, awe! Intaliye nalumolumo ichintu chicho chamwiko sona chinyazu.” 15Izyu lila likivwika sona likati, “Chicho u Chala achipaghula ukuti chizelu, utakinong'onaye ukuti chinyazu.” 16Zinizi zikabombiwa katatu, panapo na panapo ichimwenda chila chikasendiwa pakunyokela kumwanya. 17Bo u Pitala akuswigha nizya ching'anamulo icha vintu vivyo akavyennya muchisetuka chila, abantu babo bakatumiwa nu Kolineliya bakamanya kuko inyumba iya Simoni yikaba. Po bakimilila pamulyango uwa lupaso. 18Bakitizya nukulalusya ukuti, “Nkimba aliko kuno, umuyeni yumo, yuyo itabwa lyache we Simoni Pitala?”
19Bo u Pitala achili akuyezya pakwivwisya iching'anamulo icha chisetuka chila, u Muzimu Umuzelu akati, “Ivwa kuno! Abantu batatu bali kuno bakukulonda. 20Po nyamuka nukwika, sona ubuke nabo umwakusita ukuzyelazyela pakuti nene nabatuma.” 21Po u Pitala akika nukubabuzya abantu bala ukuti, “Umuntu yuyo mukumulonda, nene. Nkimba choni chicho mwiza kuno?”
22Bakamula bakati, “Usongo u Kolineliya atutuma. Umwene muntu mugholosu, yuyo akumwiputa u Chala, sona achindikiwe nkani naba Yuda bosi. Uwantumi uwakumwanya uwa Chala akamubuzya ukuti akwitizye awe ukuti ubuke kunyumba yache, ukuti ivwe zizyo ukulonda pakunena.” 23U Pitala akabapokela abantu bala munyumba mula pakuba bayeni bache.
Indabi yache akanyamuka nukubuka nabo, sona bope abitiki bamo aba mu Yopa bakabuka poka nawe. 24Indabi yache akafika mu Kesaliya, kuko u Kolineliya akamulindililagha, poka na bakamu bache, sona na bamanyani babo akabitizya. 25Bo u Pitala ali papipi pakwinjila, u Kolineliya akiza ukuti amupokele. Po akamufughamilila muvinama vyache. 26Loli u Pitala akamunyamusya nukuti, “Imilila, ane ne muntu bulo.” 27U Pitala akendelela pakunena kwa Kolineliya, bo akwinjila munyumba, mumo akabagha abantu abinji babunganite poka. 28Akababuzya akati, “Amwe mwebene muzimenye akiza nkani ukuti umu Yuda atakwitikiziwa pakwendelana pamo ukwangalilana na bantu babo bate ba Yuda. Loli u Chala andanjizya ukuti umuntu yuyo amupaghula ukuti muzelu intakamupimaye pakuba muntu yuyo ate muzelu pamo munyazu. 29Bo wanyitizya intakazyelazyelapo pakwiza, loli nkulonda pakuti imanye ichifukwa chicho ukanyitizizya?”
30U Kolineliya akati, “Amasiku matatu ghagho ghachilapo, pakabalilo ngati ko kanaka, aka fili koloko pachamabwila, bo nkwiputa#10.30 nkwiputa: Amasimbo ghamo aghakale ghasimbite ukuti ukwiputa nukutuzya pakulya. munyumba yane, umwakuchenusya umuntu yumo yuyo akavwala amenda amazelu akimilila pamaso papane 31nukumubuzya ukuti, ‘Wee Kolineliya! U Chala ivwa inyiputo zyako, sona akumbuka imbombo zyako inyiza pakasi pabantu abapina. 32Po tuma umuntu yumo mu Yopa ukuti amwitizye u Simoni Pitala. Muntu muyeni munyumba iya Simoni, umuvukutamakwela, yuyo akwikala mulubazu ulwa nyanja.’ 33Panapo na panapo nkakutumila amazyu, po chaba chiza nkani ukuti wiza. Polelo twebosi tuli pano pamaso pa Chala tukulindilila ukwivwa chosi chicho u Mwene akulinganizye pakunena.”
Amazyu agha Pitala
34 #
Ukk. 10.17
U Pitala akanda pakunena akati, “Ilelo nazyaghannya ukuti naloli u Chala atakwennya icheni icha muntu, 35loli akumupokela umuntu wesi yuyo akumwiputa nukubomba chicho chigholosu ukusita pakwennya uluko lwache. 36Mughamenye amazyu ghagho u Chala akabatumila aba Izilayeli, pakubabuzya Amazyu Amiza aghamutende ukwendela mwa Yesu Kilisitu, yuyo we Mwene uwa bosi. 37Muvimenye ivintu ivikulu vivyo vikabombiwa muchisu chosi icha Izilayeli, ukwandila muchigaba icha Galileya, bo u Yohani alumbilila ukuti abantu boziwe. 38Muzimenye izya Yesu uwamu Nazaleti, sona namumo u Chala akamupakazya nu Muzimu Umuzelu na maka. Akabuka kosi na kosi, akabomba inyiza nukupozya abantu bosi babo bakaba pasi pabulaghili ubwa Satana, pakuti u Chala akaba nawe. 39Aswe twe bakaboni aba vyosi vivyo akabomba mu Izilayeli na mu Yelusalemu. Polelo bakamughogha pakumukomela pachipinjika. 40Loli u Chala akamuzyusya kubufwe bo ghachilapo amasiku matatu nukumulanjizya pabuzelu. 41Atakababonekela abantu bosi, loli abakaboni bene babo u Chala akabasala kale, kokuti aswe sweswe tukalya nukung'wela poka nawe bo azyuka kubufwe. 42Po akatulamula ukuti tulumbilile Amazyu Amiza pakasi bantu nukubasimikizya ukuti weyuyo u Chala amusalite pakuba mulongi uwa bantu abumi na bafwe. 43Abalaghuzi bosi bakasimikizya nizya yuyo, ukunena ukuti umuntu wesi yuyo akusubila mumwache, u Chala akwiza pakumuhobokela imbibi zyache ukwendela mwitabwa lyache.”
Abantu babo bate ba Yuda bakupokela u Muzimu Umuzelu
44Bo u Pitala achili akunena, u Muzimu Umuzelu akabikila bosi babo bakateghelezyanga amazyu ghache. 45Abitiki aba Chiyuda babo bakafuma mu Yopa poka nu Pitala bakaswigha ukuti u Chala apungulila ichabupi chache icha Muzimu Umuzelu mubantu babo bate ba Yuda bope. 46Pakuti bakabivwa bakunenela mundimi injeni nukubupala ubukulu ubwa Chala. U Pitala akati, 47“Abantu banaba bapokela u Muzimu Umuzelu ukuyana namumo naswe bulo tukapokelela. Nkimba alipo umuntu yumo yuyo angabakanizya pakoziwa na mizi?” 48Po akabalamula ukuti boziwe mwitabwa ilya Yesu Kilisitu. Sona bakamulaba ukuti ikale nabo amasiku amanandi bulo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya