Egvu-ọma 26
26
Egvu-ọma, Dévidi deru
1Haarụ mu rọ enge jiko Onye-Nwe-Ọha,
nkele mu ta abụdu onye l'aamarụ ejo ẹka.
Ọo ghu bẹ mu dakoberu Onye-Nwe-Ọha,
ọ tọ dụdu nteke obu bọjeru mu ẹbo.
2Dalee mu Onye-Nwe-Ọha. Nyochaa mu.
Lerwee mu ẹnya elerwe l'ime obu mẹe lẹ mgbamego mu.
3O noo lẹ mu ta anyazọjedu obu,
i yeru mu anyazọ; mu l'anọje eme iwhe i kfuru.
4Mu lẹ ndu l'eme ụgho ta anọgbajekwa.
Mu l'iwe-l'obu-ọchi-l'ọnu-eze whẹ ta atụ ọli.
5Ọtu ọli lẹ ndu l'eme ejo-iwhe bẹ mu kpọru ashị.
Mu lẹ ndu ejo-ememe ta anọgbaru.
6Mu l'akwọje ẹka gude goshi l'iswi
dụ mu mma, bya ejewhee
ẹnya-mgbẹja gụbe Onye-Nwe-Ọha mgburumgburu,
7agụshi egvu ike gude ekele ghu,
ekfukashi iwhe dụ biribiri, l'ịinoje eme.
8Ụlo gụbe Onye-Nwe-Ọha bẹ mu
yeru obu, mbụ ẹka ono, o-gbu-zaazaa ghu dụ.
9Be emekobekwa mu lẹ ndu l'eme iwhe-dụ-ẹji ọzara-l'ukpo.
Be edobekwa mu lẹ ndu l'egbu ọchi l'oshi lanụ,
10mbụ ndu bụlewho ejo-iwhe bẹ
whẹ marụ ememe, ọ bụru oori n-wọlazu bẹ whẹ marụ kpụ.
11Ọle mbẹdua bẹ l'ẹte amadụru ejo ẹka ilile ilile.
Ọo ya bụ, gudenu obu imiko dụ ghu nụ gbafụta mu.
12Mu kfụru l'ẹka ọkpa rwuru mu alị.
Mu je l'anọdu l'edzudu-ọha jaa Onye-Nwe-Ọha ajaja.
Currently Selected:
Egvu-ọma 26: Ezaa
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
