Egvu-ọma 25
25
Egvu, Dévidi deru
1Ọo gụbe Onye-Nwe-Ọha bẹ mu
gude obu mu g'ọ ha ekfu anụ.
2Ọ bụru gụbe Chileke mu bẹ mu dakoberu.
Be ekwekwa t'e kpua mu iwhu lẹ ntụ.
Be ekwekwa tẹ ndu ọhogu mu tụru okoo kpua mu.
3Ọ tọ dụ-zhidua onye ẹnya dụ
l'ẹka ị nọ, a bya l'e-kpu iwhu lẹ ntụ.
Ọle ndu l'eme ụgho l'ẹnya-ọcha bẹ l'ee-kpu iwhu lẹ ntụ.
4Gụbe Onye-Nwe-Ọha, goshinu mu ụzo ghu,
zhinua mu ụzo ghu t'o doo mu ẹnya ree,
5dua mu tẹ mu meje okfu ghu ono, bụ mebyi okfu,
gụ ezhia mu iwhe l'onwoghu,
nkele ọo ghu bụ Chileke, l'adzọje mu nụ.
Ọ bụru l'ẹka ị nọ bẹ ẹnya mu l'adụje ntekenteke.
6Jiko Onye-Nwe-Ọha, nyatakwa
obu-imiko ghu yẹle n-yemobu ghu, shi ghu l'edenwede.
7Ba anyatakwa iwhe-dụ-ẹji, mu megbaberu l'okorọbya.
Gụ eje anyatakwa emeswe, mu shi anọje emeswe ghu.
Gudenu iswi n-yemobu ghu nyata mu
nkele i dụ ree gụbe Onye-Nwe-Ọha.
8Onye-Nwe-Ọha dụ ree, bụru onye obu gụru iwhoro.
Ọo iwhe ono meru g'o gude
l'oozhije ndu l'eme iwhe-dụ-ẹji ụzo yẹbe Onye-Nwe-Ọha.
9Ndu wozeru onwowhe alị l'iwhu
iya bẹ l'ọonoje edu tẹ whẹ mee iwhe kfụru nhamụnha.
L'ọonoje ezhi whẹ ụzo iya.
10Iwhe lile Onye-Nwe-Ọha l'eme
bẹ l'oogoshije lẹ ya nweru
n-yemobu, bụru o-me-g'o-kfuru
l'ẹhu ndu l'eme iwhe ọgbandzu iya
kfuru, mẹe l'ẹhu ndu l'eme iwhe ọ sụru t'e meje.
11A makwarụ-a l'ejo-iwhe, mu meru parụ ẹka.
Ọle ọbu Onye-Nwe-Ọha,
jiko gudenu iswi ẹwha ghu gụaru mu rọ nvụ.
12?Oo onye bụ onye l'atsụ egvu Onye-Nwe-Ọha?
Onye ono bẹ l'ọo-kpoọ-zhiru ụzo, gbarụ iya l'eshishi.
13Onye ono bẹ ẹka l'a-bụru
akpụto-l'ọboroto ntekenteke, ẹpa iya enweru alị ono.
14Ndu Onye-Nwe-Ọha kpọru obu yeru bụ ndu l'atsụ iya egvu.
Ọ bụru ndu ono bẹ l'oomeje
tẹ whẹ marụ ọgbandzu whẹ l'iya.
15Ẹnya mu bụlewho lẹ Onye-Nwe-Ọha bẹ l'ọoduje,
nkele ọ bụ l'iya whọ kpụ bụ onye l'a-dụ ike dzọfu mu l'ọnya.
16Ghaaru mu iwhu, whụaru mu rọ
imiko, nkele mu nọ nkụnyi mu, áwhụ byakwarụ mu whọ.
17Iwhe l'atsụ mu l'ẹhu paakwarụ l'igweligwe.
Dzọo mu rọo l'iwhe-ọtsulanu ono, mu l'eje.
18Lenua ẹnya l'awhụ ono, byarụ mu nụ mẹe ejo ọnodu, mu nọ.
Gụaru mu nvụ l'iwhe-dụ-ẹji lile, mu meru g'ọ ha.
19Lewaro gẹ ndu ọhogu mu habe l'igwe.
Lewaro ẹnya whụ gẹ mu dụ-be whẹ ejo ashị.
20Chejenu mu nche, byiko nafụta mu rọo;
t'e be ekpu mu iwhu lẹ ntụ,
nkele ọo l'ime ghu bẹ mu nọ, ezeru ndzụ.
21T'iwhe, l'a-nọdu echekwa mu nụ
bụru lẹ mu bụ onye l'ẹte amarụ ejo ẹka,
mẹe lẹ mu l'eme iwhe kfụru
nhamụnha, nkele ọo l'ẹka ị nọ bẹ ẹnya mu nọ.
22Jiko Chileke, gbafụtanu ndu
Ízurẹlu l'iwhe-ọtsulanu, whẹ l'ejekota g'ọ ha.
Currently Selected:
Egvu-ọma 25: Ezaa
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
