Mátiyu 21
21
Jisọsu l'abahụ lẹ Jerúsalẹmu
(Mak. 11:1-11; Luk. 19:28-40; Jọn. 12:12-19)
1Whẹ rwulewho l'ugvu Ólivu mẹe lẹ mgboro mkpụkpu Betuféji, dụwaa Jerúsalẹmu ntse, Jisọsu zhi ụmadzu labọ lẹ ndu l'etso ụzo iya sụ whẹ: 2“Unu bahụ lẹ mkpụkpu ono, dụ unu l'iwhu. Unu rwulewho l'ọma mkpụkpu ono bẹ unu l'a-whụa ne nkakfụ-ịgara yẹle nwa iya e libegeeru elibe l'ẹka ono. Unu tọtakota iya chịtaru mu. 3E tebekwaroo t'a ma, o -nwederu onye dụ iwhe o kfuru yeru unu, t'unu sụ onye ọbu: ‘Lẹ mkpa iya dụ Onye-Nwe-Ọha,’ unu kfuwaa nno bẹ l'aa-halẹkwa iya whọ nteke onowho.”
4Iwhe ono meru nke ọwhu iwhe ono, onye nkfuchiru Chileke kfuru l'a-vụkota, bụ ọwhu sụru:
5“Unu kfuru obodo Záyọnu t'o lee:
L'onye bụ Eze iya l'abyakfutaakwa iya.
O wozeru onwiya alị, nokoru l'eli nkakfụ-ịgara eje abya,
mbụ l'ọo l'eli ọwhube nwa nkakfụ-ịgara ono b'ọ nọ.”
6Tọ dụ iya bụ, ndu l'etso ụzo Jisọsu ono tụgbulekwaruwho jeshia je mee ya g'o zhiru whẹ iya. 7Whẹ kpụtashiaru Jisọsu nkakfụ-ịgara ono yẹle nwa iya ono, bya achịta uwe whẹ wukobegee whẹ l'eli okpurukpu, Jisọsu je anọ-koru. 8Ndu ọwhu ka l'igwe lẹ ndu ono chịta uwe whẹ tọsaa l'echi-ụzo. Ndu ọwhua jitagee ẹkali oshi tọsaaru iya l'ụzo. 9Igweligwe ndu ọwhu nọ iya l'ụzo iwhu mẹe ndu ọwhu l'awụ etso iya l'azụ tụko atụkaa orooroo asụje: “Ndo-o! Ndo-o! Nwa Dévidi! Onye Chileke gọru ọnu-ọma nụ b'ọ bụ mbụ onye ono, Onye-Nwe-Ọha zhiru t'ọ bya. Ndo-o! Ndo-o! Ọkalibe-Kangokotaru-Nu, bu l'imigwe!”
10Tọ dụ iya bụ, ọ batalẹwho lẹ Jerúsalẹmu, mkpụkpu ono l'owhu swọkobe. A tụko ajịkashi sụ: “?Ọo onye ndono? ?Ọo onye ndono?” 11Igweligwe ndu ono l'awụ etso iya sụ: “Ọ kwa Jisọsu, mbụ onye nkfuchiru Chileke. Ẹka o shi bya kwa Názaretu, dụ l'alị Gálili.”
Jisọsu l'achịshi ndu nghọ l'eze-ụlo Chileke
(Mak. 11:15-19; Luk. 19:45-48; Jọn. 2:13-22)
12Jisọsu bya abahụ l'ime eze-ụlo Chileke je achịshi-gezhia iwhe bụ ndu nọ l'ẹka ono ere iwhe, mẹe ndu ọwhu l'azụ azụ l'ime eze-ụlo ono. O nwutsushikota teburu ndu l'agbanweje okpoga, kpube iya iwhu l'alị mẹe ekwechi ndu lile, l'ere ndo nọdu-gee. 13Ọ sụ whẹ: “E deru iya l'ẹkwo Okfu Chileke lẹ Chileke sụru: ‘Ụlo mu bẹ l'ee-kuje ụlo, l'aanọduje ekfu anụ mu.’ Ọle unubẹdua gbẹenu wotawa iya mebe ụlo ẹka ndu l'ana nfụ l'edomije onwowhe.” 14E megee, ndu l'atsọ ishi mẹe ndu ngvụru wụkfuta iya l'eze-ụlo Chileke ono, o mee whẹ, whẹ mehukota. 15Ndu ishi ndu l'agbajẹ ẹja nụ Chileke mẹe ndu o-zhi-iwu whụlewho iwhe ono dụ biribiri, l'oomeshikaa, nụkwaawho gẹ ụnwegirima, dọru l'ime eze-ụlo Chileke ono asụje: “Ndo-o! Nwa Dévidi!” Ẹhu ghulahaa whẹ eghu.
16Whẹ sụ iya: “?Ọ kwa l'ịinua iwhe ono, l'aarya?”
Jisọsu sụ whẹ: “Ee!” Woo whẹ: “?Unu tẹke agurwudua ẹka ono e deru l'ẹkwo Okfu Chileke sụ: ‘Ọo l'ọnu ụnwegirima nshịi mẹe ụnwegirima, l'angụ ẹra bẹ l'ee-shi jaa ghu ọkpobe ajaja!’ ” 17Jisọsu ghaa whẹ l'ẹka ono lụfu l'obodo ono jeshia Bétani je aradụ.
Jisọsu l'atụ figu ọnu
(Mak. 11:12-14,20-24)
18O be l'ụtsu iya, ẹgu l'agụ Jisọsu nteke l'ọoda-whu azụ lẹ obodo ono. 19Ọ whụa figu, gvuru l'agụga echi-ụzo. O jerwua ukfu oshi ono. O rwua ẹka ono, tọ dụ mebyi ọ whụru iya ilile, gbahalẹwho ẹkwo jiru iya kpimu. Ọ sụ figu ono: “Ị tị byadụ l'amịtabaa mebyi ọdo lẹ mgboko jeye lẹ tututu-mịmimi.” E jia ekfu, oshi ono nwụkota lwaa. 20Ndu l'etso ụzo iya whụa ya, ọ kpụbe whẹ ọnu okfu. Whẹ sụ: “?Ndẹhunu g'ọ nwụru ọwhu oshi figu-a mewaru-a nno nwụ-kebewaa lwaa?”
21Jisọsu sụ whẹ: “Iwhe mu l'emelewho tẹ mu kfuru unu bụ: ọ -bụru l'unu kwezhiwaru ekwekwe, unu ta abọ obu ẹbo; ọ tọ bụlekwaa iwhe mu meru oshi figu-a bẹ unu l'a-dụ ike mee nwẹkiya, ọ tọ dụkwa m'e -beru m'ọo unu sụ ugvu-a: ‘Wholia onwoghu je echee l'eze-ẹnyimu, ya emelekwaa l'olu unu.’ 22Ọo ya bụ, l'iwhe lile unu gude jekfu Chileke, je ekfuru iya sụ iya t'ọ nụ unu, unu kweta l'ọo-nụ unu iwhe ono, bẹ l'ọo-nụkwa iya unu.”
Aajị Jisọsu onye ọ dẹru ike emekota iwhe lile, l'oome
(Mak. 11:27-33; Luk. 20:1-8)
23Tọ dụ iya bụ l'ọ bya ebe nteke Jisọsu batalẹruwho l'eze-ụlo Chileke, ndu ishi ndu l'agbajẹ ẹja nụ Chileke mẹe ndu bụ ọgurenya mkpụkpu wụru byakfutashia ya gẹ l'oozhi iwhe, bya asụ iya: “?Ọo onye b'ị dẹru ike l'ẹka eme iwhe ọwa l'iime? ?O zhia onye zhiru ghu t'ị bya iya ememe?”
24Jisọsu yeru whẹ ọnu sụ whẹ: “Unu ngabẹkwa tẹ mu jịada unu nwa ajị lanụ bu: ọ -bụru l'unu yeeru mu iya ọnu, mbẹdua akakwarụwho unu onye mu dẹru ike l'ẹka eme iwhe lile ono. 25Sụa ?ọo onye zhiru Jọnu t'ọ bya emee ndiwhe baputizimu? ?Ọo Chileke zhiru iya tọo madzụ?”
Ọo ya bụ, whẹ ghakashịde iya l'ime onwowhe sụ: “Anyi -sụ l'ọo Chileke zhiru iya, ya asụ anyi: ‘?Ọ kwanụru gụnu meru, unu te ekweta iwhe o kfuru?’ 26Nteke bụ l'anyi sụkwanuru l'ọo madzụ zhiru iya, anyi l'atsụkwa ọha-a egvu. O noo lẹ madzụ kpamụ kpamụ bẹ kwetakotaru lẹ Jọnu bụ ọkpobe onye nkfuchiru Chileke.”
27Ọo ya bụ, whẹ sụ Jisọsu: “Anyi ta amadụ-o.”
Jisọsu sụkwanu whẹ: “Mu ta afụnua karụ unu onye mu dẹru ike eme iwhe lile ono.
Ẹtu, e gude nwoke yẹle ụnwu iya anma
28“?Ndẹhunu g'ọ dụ unu mbụ iwhe-e mu l'abya ekfukfu-a? L'o nweru nwoke lanụ, nwụtaru ụnwegirima unwoke labọ. O be ujiku lanụ, ọ sụ nke ọgurenya: ‘Nwa mu, byiko, jekwaaru mu ozhi lẹ mgbabu vayịnu ntanụ.’ 29Ọ jịka sụ iya: ‘Waawa, mu te ejedu,’ ọle e megeeru, ọ bya adaa onwiya ụta, tụgbua jeshia ozhi ono. 30Nwoke ono bya ejekfushia nke nwata je ekfukwaaru iya who g'o kfuru onye ọwhu. Nwata ono sụ iya: ‘Mu l'ejekwaa.’ E megee t'o jehe. 31Sụa, ?ọo onye ole l'ime ụmadzu labọ ono meru uche-obu nna iya?”
Whẹ sụ iya: “Ọo onye nke ọgurenya whọ.”
Jisọsu sụ whẹ: “Iwhe mu l'emelewho tẹ mu kfuru unu bụ: ndu akịriko mẹe ụnwanyi ọkpara bẹ l'e-vukotakwa unu ụzo bụru ndu Chileke bụ eze whẹ. 32O noo lẹ Jọnu byarụ bya egoshi unu ọkpobe ụzo, unu l'e-tso, unu te ekweta nkiya. Ọle ndu akịriko mẹe ụnwanyi ọkpara bẹ kwetaru nkiya. Unu gudeekwa ẹnya unu whụkwaa lẹ whẹ kwetaru, unu ta ada onwunu ụta, haa ome iwhe-dụ-ẹji unu l'emegbabe, kweta nke Jọnu ono g'o megeeru?”
Ẹtu onye gbarụ mgbabu vayịnu
(Mak. 12:1-12; Luk. 20:9-19)
33“Sụa, unu gbebekwaro nchị tẹ mu nmaarụ unu ẹtu ọdo. L'ọo nwoke lanụ bụwaa oke-nwe-uwhu bẹ kụru vayịnu l'ẹgu, ọ gbaa ya ụwho, bya ebua iduma ẹka l'aa-nọje adzọshi mmẹe l'akpụru vayịnu ono. Ọ bya atụa nwụlo ha l'eli shii, bụ ẹka l'aanọduje eche mgbabu ono. Ọ bya ewota ẹka ono ye l'ẹka ndu-n-nwamụ, o butaru ebuta tẹ whẹ letaru iyẹ ya ẹnya. Yẹbedua tụgbua jeshia ọha ọdo. 34O rwudelewho nteke l'aawọje akpụru vayịnu, o zhi ndu ozhi iya tẹ whẹ jekfu ndu-n-nwamụ ono, je anatarụ iya akpụru vayịnu nkiya.
35“Whẹ gude ndu ono, e zhiru ozhi, chia onye lanụ iwhe, gbua onye ọwhu egbu, onye ọwhu bụ ẹwhuru bẹ whẹ tụru iya. 36Ọ byakwa ezhi ndu ozhi ọdo, gbẹenu ka ndu nke mbụ whọ l'igwe. Ndu n-nwamụ ono mekwaa whẹ whọ gẹ whẹ meru ndu ọwhu. 37E megee, ọ bya ezhi nwa iya t'o jekfu whẹ, asụjenu lẹ ya marụ-a l'onye ọwa, bụ nwa iya bẹ whẹ l'a-kabẹe yeru ẹso.
38“Ndu n-nwamụ ono whụlewho nwa nwoke ono, whẹ tụa l'ishi l'ishi sụ: ‘Ẹhee! Ọo onye ọwa l'e-mekochaa nweru alị-a mẹ nna iya nwụhu. Unu bya t'anyi gbua ya woru iwhe ọbu, rwuberu iya nụ.’ 39Whẹ kpụta iya kpụfu azụ mgbabu ono je egbua ya.
40“Sụa, onye nwe mgbabu ono -lwalẹwho ?ọo gụnu bẹ l'oo-me ndu-n-nwamụ ono?”
41Whẹ sụ iya: “Ọo-bya egbushia ndu-n-nwamụ ono, ejo obu l'egbu egbu ono, mbụ gbua whẹ ejo egbugbu gẹ whẹ ha, wota mgbabu vayịnu ono ye l'ẹka ndu-n-nwamụ ọdo, bụkwanu ndu l'a-wọje akpụru iya vutaru iya lẹ mgbe iya.”
42Jisọsu sụ whẹ: “?Unu tẹke agụbudua iwhe ono, e deru l'ẹkwo Okfu Chileke sụ:
“ ‘Ọo ẹwhuru ono gẹdegede, ndu l'atụ ụlo jịkaru, l'ọo ọ-ga-lẹ-mkpa
bẹ bekochaaru bya abụru ẹwhuru, gude ụlo.
O noo bụru iwhe Onye-Nwe-Ọha meru,
ọ dụ anyi biribiri l'ẹnya!’
43“O noo iwhe meru mu sụ unu lẹ: abụbu ono, Chileke bụ eze unu bẹ yẹbe Chileke l'a-nafụ unu woru nụ-chia ndu ọdo, umere whẹ l'e-goshi lẹ whẹ l'eme iwhe ya kfuru. 44Onye ngabuhukwanuru daa l'eli ẹwhuru ono bẹ l'e-tsu onwiya ngworingwo, nteke bụ l'ọo madzụ b'ọ dapyabẹru, ya egwee onye ọbu aryaka eryune.”#21:44 Ụwhodu l'ẹkwo gbarụ lẹ mbụ, e deru l'okfu Giríku bẹ l'ẹte ededuaru vẹsu 44 yekobe iya ẹgube, e deru iya l'ẹka-a.
45Tọ dụ iya bụ lẹ ndu ishi ndu l'agbajẹ ẹja nụ Chileke mẹe ndu Fárisii anụlewho ẹtu ono, whẹ marụ l'ọo whẹ bẹ Jisọsu nmaturu iya. 46Whẹ melahaa tẹ whẹ gude iya. Ọle whẹ tsụhuru igwe-ọha ono egvu nkele ọha ono l'owhu bẹ kwetakotaru l'ọ bụ onye nkfuchiru Chileke.
Currently Selected:
Mátiyu 21: Ezaa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
Mátiyu 21
21
Jisọsu l'abahụ lẹ Jerúsalẹmu
(Mak. 11:1-11; Luk. 19:28-40; Jọn. 12:12-19)
1Whẹ rwulewho l'ugvu Ólivu mẹe lẹ mgboro mkpụkpu Betuféji, dụwaa Jerúsalẹmu ntse, Jisọsu zhi ụmadzu labọ lẹ ndu l'etso ụzo iya sụ whẹ: 2“Unu bahụ lẹ mkpụkpu ono, dụ unu l'iwhu. Unu rwulewho l'ọma mkpụkpu ono bẹ unu l'a-whụa ne nkakfụ-ịgara yẹle nwa iya e libegeeru elibe l'ẹka ono. Unu tọtakota iya chịtaru mu. 3E tebekwaroo t'a ma, o -nwederu onye dụ iwhe o kfuru yeru unu, t'unu sụ onye ọbu: ‘Lẹ mkpa iya dụ Onye-Nwe-Ọha,’ unu kfuwaa nno bẹ l'aa-halẹkwa iya whọ nteke onowho.”
4Iwhe ono meru nke ọwhu iwhe ono, onye nkfuchiru Chileke kfuru l'a-vụkota, bụ ọwhu sụru:
5“Unu kfuru obodo Záyọnu t'o lee:
L'onye bụ Eze iya l'abyakfutaakwa iya.
O wozeru onwiya alị, nokoru l'eli nkakfụ-ịgara eje abya,
mbụ l'ọo l'eli ọwhube nwa nkakfụ-ịgara ono b'ọ nọ.”
6Tọ dụ iya bụ, ndu l'etso ụzo Jisọsu ono tụgbulekwaruwho jeshia je mee ya g'o zhiru whẹ iya. 7Whẹ kpụtashiaru Jisọsu nkakfụ-ịgara ono yẹle nwa iya ono, bya achịta uwe whẹ wukobegee whẹ l'eli okpurukpu, Jisọsu je anọ-koru. 8Ndu ọwhu ka l'igwe lẹ ndu ono chịta uwe whẹ tọsaa l'echi-ụzo. Ndu ọwhua jitagee ẹkali oshi tọsaaru iya l'ụzo. 9Igweligwe ndu ọwhu nọ iya l'ụzo iwhu mẹe ndu ọwhu l'awụ etso iya l'azụ tụko atụkaa orooroo asụje: “Ndo-o! Ndo-o! Nwa Dévidi! Onye Chileke gọru ọnu-ọma nụ b'ọ bụ mbụ onye ono, Onye-Nwe-Ọha zhiru t'ọ bya. Ndo-o! Ndo-o! Ọkalibe-Kangokotaru-Nu, bu l'imigwe!”
10Tọ dụ iya bụ, ọ batalẹwho lẹ Jerúsalẹmu, mkpụkpu ono l'owhu swọkobe. A tụko ajịkashi sụ: “?Ọo onye ndono? ?Ọo onye ndono?” 11Igweligwe ndu ono l'awụ etso iya sụ: “Ọ kwa Jisọsu, mbụ onye nkfuchiru Chileke. Ẹka o shi bya kwa Názaretu, dụ l'alị Gálili.”
Jisọsu l'achịshi ndu nghọ l'eze-ụlo Chileke
(Mak. 11:15-19; Luk. 19:45-48; Jọn. 2:13-22)
12Jisọsu bya abahụ l'ime eze-ụlo Chileke je achịshi-gezhia iwhe bụ ndu nọ l'ẹka ono ere iwhe, mẹe ndu ọwhu l'azụ azụ l'ime eze-ụlo ono. O nwutsushikota teburu ndu l'agbanweje okpoga, kpube iya iwhu l'alị mẹe ekwechi ndu lile, l'ere ndo nọdu-gee. 13Ọ sụ whẹ: “E deru iya l'ẹkwo Okfu Chileke lẹ Chileke sụru: ‘Ụlo mu bẹ l'ee-kuje ụlo, l'aanọduje ekfu anụ mu.’ Ọle unubẹdua gbẹenu wotawa iya mebe ụlo ẹka ndu l'ana nfụ l'edomije onwowhe.” 14E megee, ndu l'atsọ ishi mẹe ndu ngvụru wụkfuta iya l'eze-ụlo Chileke ono, o mee whẹ, whẹ mehukota. 15Ndu ishi ndu l'agbajẹ ẹja nụ Chileke mẹe ndu o-zhi-iwu whụlewho iwhe ono dụ biribiri, l'oomeshikaa, nụkwaawho gẹ ụnwegirima, dọru l'ime eze-ụlo Chileke ono asụje: “Ndo-o! Nwa Dévidi!” Ẹhu ghulahaa whẹ eghu.
16Whẹ sụ iya: “?Ọ kwa l'ịinua iwhe ono, l'aarya?”
Jisọsu sụ whẹ: “Ee!” Woo whẹ: “?Unu tẹke agurwudua ẹka ono e deru l'ẹkwo Okfu Chileke sụ: ‘Ọo l'ọnu ụnwegirima nshịi mẹe ụnwegirima, l'angụ ẹra bẹ l'ee-shi jaa ghu ọkpobe ajaja!’ ” 17Jisọsu ghaa whẹ l'ẹka ono lụfu l'obodo ono jeshia Bétani je aradụ.
Jisọsu l'atụ figu ọnu
(Mak. 11:12-14,20-24)
18O be l'ụtsu iya, ẹgu l'agụ Jisọsu nteke l'ọoda-whu azụ lẹ obodo ono. 19Ọ whụa figu, gvuru l'agụga echi-ụzo. O jerwua ukfu oshi ono. O rwua ẹka ono, tọ dụ mebyi ọ whụru iya ilile, gbahalẹwho ẹkwo jiru iya kpimu. Ọ sụ figu ono: “Ị tị byadụ l'amịtabaa mebyi ọdo lẹ mgboko jeye lẹ tututu-mịmimi.” E jia ekfu, oshi ono nwụkota lwaa. 20Ndu l'etso ụzo iya whụa ya, ọ kpụbe whẹ ọnu okfu. Whẹ sụ: “?Ndẹhunu g'ọ nwụru ọwhu oshi figu-a mewaru-a nno nwụ-kebewaa lwaa?”
21Jisọsu sụ whẹ: “Iwhe mu l'emelewho tẹ mu kfuru unu bụ: ọ -bụru l'unu kwezhiwaru ekwekwe, unu ta abọ obu ẹbo; ọ tọ bụlekwaa iwhe mu meru oshi figu-a bẹ unu l'a-dụ ike mee nwẹkiya, ọ tọ dụkwa m'e -beru m'ọo unu sụ ugvu-a: ‘Wholia onwoghu je echee l'eze-ẹnyimu, ya emelekwaa l'olu unu.’ 22Ọo ya bụ, l'iwhe lile unu gude jekfu Chileke, je ekfuru iya sụ iya t'ọ nụ unu, unu kweta l'ọo-nụ unu iwhe ono, bẹ l'ọo-nụkwa iya unu.”
Aajị Jisọsu onye ọ dẹru ike emekota iwhe lile, l'oome
(Mak. 11:27-33; Luk. 20:1-8)
23Tọ dụ iya bụ l'ọ bya ebe nteke Jisọsu batalẹruwho l'eze-ụlo Chileke, ndu ishi ndu l'agbajẹ ẹja nụ Chileke mẹe ndu bụ ọgurenya mkpụkpu wụru byakfutashia ya gẹ l'oozhi iwhe, bya asụ iya: “?Ọo onye b'ị dẹru ike l'ẹka eme iwhe ọwa l'iime? ?O zhia onye zhiru ghu t'ị bya iya ememe?”
24Jisọsu yeru whẹ ọnu sụ whẹ: “Unu ngabẹkwa tẹ mu jịada unu nwa ajị lanụ bu: ọ -bụru l'unu yeeru mu iya ọnu, mbẹdua akakwarụwho unu onye mu dẹru ike l'ẹka eme iwhe lile ono. 25Sụa ?ọo onye zhiru Jọnu t'ọ bya emee ndiwhe baputizimu? ?Ọo Chileke zhiru iya tọo madzụ?”
Ọo ya bụ, whẹ ghakashịde iya l'ime onwowhe sụ: “Anyi -sụ l'ọo Chileke zhiru iya, ya asụ anyi: ‘?Ọ kwanụru gụnu meru, unu te ekweta iwhe o kfuru?’ 26Nteke bụ l'anyi sụkwanuru l'ọo madzụ zhiru iya, anyi l'atsụkwa ọha-a egvu. O noo lẹ madzụ kpamụ kpamụ bẹ kwetakotaru lẹ Jọnu bụ ọkpobe onye nkfuchiru Chileke.”
27Ọo ya bụ, whẹ sụ Jisọsu: “Anyi ta amadụ-o.”
Jisọsu sụkwanu whẹ: “Mu ta afụnua karụ unu onye mu dẹru ike eme iwhe lile ono.
Ẹtu, e gude nwoke yẹle ụnwu iya anma
28“?Ndẹhunu g'ọ dụ unu mbụ iwhe-e mu l'abya ekfukfu-a? L'o nweru nwoke lanụ, nwụtaru ụnwegirima unwoke labọ. O be ujiku lanụ, ọ sụ nke ọgurenya: ‘Nwa mu, byiko, jekwaaru mu ozhi lẹ mgbabu vayịnu ntanụ.’ 29Ọ jịka sụ iya: ‘Waawa, mu te ejedu,’ ọle e megeeru, ọ bya adaa onwiya ụta, tụgbua jeshia ozhi ono. 30Nwoke ono bya ejekfushia nke nwata je ekfukwaaru iya who g'o kfuru onye ọwhu. Nwata ono sụ iya: ‘Mu l'ejekwaa.’ E megee t'o jehe. 31Sụa, ?ọo onye ole l'ime ụmadzu labọ ono meru uche-obu nna iya?”
Whẹ sụ iya: “Ọo onye nke ọgurenya whọ.”
Jisọsu sụ whẹ: “Iwhe mu l'emelewho tẹ mu kfuru unu bụ: ndu akịriko mẹe ụnwanyi ọkpara bẹ l'e-vukotakwa unu ụzo bụru ndu Chileke bụ eze whẹ. 32O noo lẹ Jọnu byarụ bya egoshi unu ọkpobe ụzo, unu l'e-tso, unu te ekweta nkiya. Ọle ndu akịriko mẹe ụnwanyi ọkpara bẹ kwetaru nkiya. Unu gudeekwa ẹnya unu whụkwaa lẹ whẹ kwetaru, unu ta ada onwunu ụta, haa ome iwhe-dụ-ẹji unu l'emegbabe, kweta nke Jọnu ono g'o megeeru?”
Ẹtu onye gbarụ mgbabu vayịnu
(Mak. 12:1-12; Luk. 20:9-19)
33“Sụa, unu gbebekwaro nchị tẹ mu nmaarụ unu ẹtu ọdo. L'ọo nwoke lanụ bụwaa oke-nwe-uwhu bẹ kụru vayịnu l'ẹgu, ọ gbaa ya ụwho, bya ebua iduma ẹka l'aa-nọje adzọshi mmẹe l'akpụru vayịnu ono. Ọ bya atụa nwụlo ha l'eli shii, bụ ẹka l'aanọduje eche mgbabu ono. Ọ bya ewota ẹka ono ye l'ẹka ndu-n-nwamụ, o butaru ebuta tẹ whẹ letaru iyẹ ya ẹnya. Yẹbedua tụgbua jeshia ọha ọdo. 34O rwudelewho nteke l'aawọje akpụru vayịnu, o zhi ndu ozhi iya tẹ whẹ jekfu ndu-n-nwamụ ono, je anatarụ iya akpụru vayịnu nkiya.
35“Whẹ gude ndu ono, e zhiru ozhi, chia onye lanụ iwhe, gbua onye ọwhu egbu, onye ọwhu bụ ẹwhuru bẹ whẹ tụru iya. 36Ọ byakwa ezhi ndu ozhi ọdo, gbẹenu ka ndu nke mbụ whọ l'igwe. Ndu n-nwamụ ono mekwaa whẹ whọ gẹ whẹ meru ndu ọwhu. 37E megee, ọ bya ezhi nwa iya t'o jekfu whẹ, asụjenu lẹ ya marụ-a l'onye ọwa, bụ nwa iya bẹ whẹ l'a-kabẹe yeru ẹso.
38“Ndu n-nwamụ ono whụlewho nwa nwoke ono, whẹ tụa l'ishi l'ishi sụ: ‘Ẹhee! Ọo onye ọwa l'e-mekochaa nweru alị-a mẹ nna iya nwụhu. Unu bya t'anyi gbua ya woru iwhe ọbu, rwuberu iya nụ.’ 39Whẹ kpụta iya kpụfu azụ mgbabu ono je egbua ya.
40“Sụa, onye nwe mgbabu ono -lwalẹwho ?ọo gụnu bẹ l'oo-me ndu-n-nwamụ ono?”
41Whẹ sụ iya: “Ọo-bya egbushia ndu-n-nwamụ ono, ejo obu l'egbu egbu ono, mbụ gbua whẹ ejo egbugbu gẹ whẹ ha, wota mgbabu vayịnu ono ye l'ẹka ndu-n-nwamụ ọdo, bụkwanu ndu l'a-wọje akpụru iya vutaru iya lẹ mgbe iya.”
42Jisọsu sụ whẹ: “?Unu tẹke agụbudua iwhe ono, e deru l'ẹkwo Okfu Chileke sụ:
“ ‘Ọo ẹwhuru ono gẹdegede, ndu l'atụ ụlo jịkaru, l'ọo ọ-ga-lẹ-mkpa
bẹ bekochaaru bya abụru ẹwhuru, gude ụlo.
O noo bụru iwhe Onye-Nwe-Ọha meru,
ọ dụ anyi biribiri l'ẹnya!’
43“O noo iwhe meru mu sụ unu lẹ: abụbu ono, Chileke bụ eze unu bẹ yẹbe Chileke l'a-nafụ unu woru nụ-chia ndu ọdo, umere whẹ l'e-goshi lẹ whẹ l'eme iwhe ya kfuru. 44Onye ngabuhukwanuru daa l'eli ẹwhuru ono bẹ l'e-tsu onwiya ngworingwo, nteke bụ l'ọo madzụ b'ọ dapyabẹru, ya egwee onye ọbu aryaka eryune.”#21:44 Ụwhodu l'ẹkwo gbarụ lẹ mbụ, e deru l'okfu Giríku bẹ l'ẹte ededuaru vẹsu 44 yekobe iya ẹgube, e deru iya l'ẹka-a.
45Tọ dụ iya bụ lẹ ndu ishi ndu l'agbajẹ ẹja nụ Chileke mẹe ndu Fárisii anụlewho ẹtu ono, whẹ marụ l'ọo whẹ bẹ Jisọsu nmaturu iya. 46Whẹ melahaa tẹ whẹ gude iya. Ọle whẹ tsụhuru igwe-ọha ono egvu nkele ọha ono l'owhu bẹ kwetakotaru l'ọ bụ onye nkfuchiru Chileke.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust