Mátiyu 19
19
Jisọsu l'ekfu nke ebukahu nwoke yẹle nyee ya
(Mak. 10:1-12)
1Tọ dụ iya bụ lẹ Jisọsu ekfugelewho iwhe lile ono l'ookfu ọ palihu lẹ Gálili, ọ bụru iya atụgbu. O jeshia alị Judíya, dụ l'azụ ẹnyimu Jọ́danu azụ iya ọwhu. 2Igwe-ọha wụ-tsoru iya. O mee, ẹhu dụkota ndu ọwhu ẹhu l'eme mma.
3Ndu Fárisii byatashia ya adata. Whẹ bya ajịlahaa ya sụ: “?Ọ dụ ree tẹ nwoke chịfuje nyee ya m'e behuduru gụnu mee?” 4Ọ sụ whẹ: “?Unu tẹke agụbudua l'onye meru madzụ eshi mbụlembu bẹ meru nwoke, mee nwanyị; 5sụ whẹ: ‘O noo iwhe meru nwoke je l'a-ha nna iya, haa ne iya yẹle nyee ya atụgba. Whẹ ẹbo abya atụko bụru onye lanụ.’ 6Ọo ya bụ lẹ whẹ ta abụhedu ụmadzu labọ. Whẹ bụwaa onye lanụ. Ọo ya bụ, iwhe Chileke tụgbaberu nnanụ, t'ọ bọ dụkwa onye l'e-je iya okekahu ẹbo ọdo.”
7Whẹ sụ iya: “?Ọ bụhunuru gụnu meru iwhe Mósisu tụru iwu sụ t'onye byajẹkwa l'achịfuje nyee ya, vujekwaru ụzo deru ẹkwo nụ iya lẹ ya ta alụhedu iya, tẹmenu ya achịfuwa iya rọo?”
8Jisọsu sụ whẹ: “Ọle unu bụ ndu ejo obu meru iwhe Mósisu kwetaru t'unu chịfu nyee unu. Ọle shitalekwawho lẹ mbụlembu bẹ l'ọoto dụjekwaaru nno. 9Iwhe mu l'ekfuru unu ntaa bụkwanuru: onye chịfuru nyee ya je alụa nwanyị ọdo bẹ bụkwa ogori bẹ l'oori. Gbahakwaa lẹ nwanyị ọbu bẹ l'eri ogori.”
10Ndu l'etso ụzo iya sụ iya: “Ọ -bụru l'o noo g'ọ dụ l'ẹka nwoke yẹle nyee ya nọ, b'ọ kalẹkwawho mma t'a haa nke ọolu nwanyị l'owhu l'owhu.”
11Ọ sụ whẹ: “Ọ tọ bụkwa madzụ l'ọha bẹ okfu mu ono l'e-dokota ẹnya. Ndu l'oo-do ẹnya bụlekwawho ndu ono, Chileke goshiru iya. 12L'iwhe kparụ iwhe madzụ l'ẹte alụje nwanyị dụkwa l'iche l'iche. O nweru ndu l'ẹte adụa l'iwhe, ọ bụru nno bụ gẹ whẹ dụ shi l'ẹwho ne whẹ. O nweru ndu ọwhu bụ madzụ harụ whẹ aha. O nweru ndu ọwhu rwuchiru obu whẹ lẹ whẹ te emedu nke nwanyị nke ọwhu whẹ l'a-nọ ejeru Chileke ozhi ree. T'onye l'a-dụ ike nata okfu ono natakwa iya.”
Jisọsu l'agọru ụnwegirima ọnu
(Mak. 10:13-16; Luk. 18:15-17)
13Ndu madzụ l'ekutakaaru iya ụnwegirima nteke ono t'o byigee whẹ ẹka, kfuru nụ Chileke l'iswi ẹhu whẹ. Ndu l'etso ụzo iya l'aabarụ ndu ono, l'ekutaru iya ụnwegirima ono mba.
14Jisọsu sụ whẹ: “Unu haa ụnwegirima tẹ whẹ byakfuta mu. Unu ba akpọshishi whẹ abyabya, l'ọo ndu dụ nno bẹ Chileke bụ eze whẹ.”
15Ọ bya ebyigbaru ụnwegirima ono ẹka megee, tụgbua lụfu l'ẹka ono.
Onye nweru iwhe
(Mak. 10:17-31; Luk. 18:18-30)
16O be nteke lanụ, nwoke lanụ byakfuta Jisọsu bya asụ iya: “O-zhi-iwhe ?ndẹ-zhia iwhe bụ iwhe dụ ree mu l'e-me nggẹ mu nweru ndzụ tututu-mịmimi?”
17Jisọsu sụ iya: “?I kwoberu gụnu ajị mu ajị nke iwhe dụ ree. Ọlekwawho onye lanụ kpụ bẹ bụ onye dụkota ree. Ọle nteke bụkwa l'ọogu ghu t'ị bahụ l'ọkpobe ndzụ, ọ kwa iya bụ t'i meje iwhe iwu Chileke kfuru.”
18Nwoke ono sụ: “Iwu ?bụhunu iwu ole?”
Jisọsu sụ iya: “Be egbukwa ọchi, be erikwa ogori, be ezhikwa oshi, ba adzụkwa ejire tukobe madzụ ibe ghu. 19Kwabẹ ne lẹ nna, nwụru ghu nụ ugvu, gụ eye madzụ ibe ghu obu g'i yeru iya onwoghu.”
20Nwokorọbya ono sụ iya: “Iwhe lile ono ta adụkwa ọwhu kpujeru mu ẹka l'ẹnya. ?Ndẹ-zhihunua iwhe ọdo whuduru mu l'ememe?”
21Jisọsu sụ iya: “Ọ -bụru l'ọogu ghu t'ị dụkota ree, ọo ya bụ t'ị lanụ je ereshigezhia iwhe ị nwe enwe, chịta iwhe i retaru iya keshiaru ndu ụkpa. Ọo ya bụ gụ enweru ọkpobe iwhe l'imigwe. I -megee ya nno, gụ abya etsoru mu.”
22Nwata nwokoro ono nụlewho ọnu, Jisọsu yeru, ẹhu rwụrwuhulekwa iya whọ arwụrwuhu. Ọ nyịgobelekwawho ala ibe iya nkele yẹbe nwata-nwoke nwenukaru iwhe shii.
23Jisọsu sụ ndu l'etso ụzo iya: “Tẹ mu kfuru iya unu, iwhe l'ọotsukwanu l'ọo lanụ tẹ ndu nweru iwhe haa tẹ Chileke bụru eze lẹ ndzụ whẹ! 24Iwhe ọdo, mu l'ekfufuaru unu bụ: l'ọ kakwa ntse tẹ ịnya pyoghata l'ẹnya aga, amamẹ t'onye nweru iwhe haa tẹ Chileke bụru eze lẹ ndzụ iya.”
25Ndu l'etso ụzo iya nụle iya whọ, ọ kpụbe whẹ ọnu okfu mebyi shii, whẹ sụ: “?Ọ hụnuru onye bẹ Chileke l'a-dzọfuta?” 26Jisọsu bya elee whẹ ẹnya sụ whẹ: “L'ẹka madzụ nọ b'ọ bụkwa ama-gẹ-l'ee-me, ọle ọ tọ dụdu nno l'ẹka Chileke nọ nkele Chileke ta adụdu iwhe kpọru iya ẹka ememe.”
27Ọo ya bụ, Pyita sụ iya: “Lekwa lẹ anyịbedua hakọtaakwaru iwhe lile anyi nwe tsolahaa ghu ?ọ hụnu gụnu bẹ anyịbedua l'e-nwe?” 28Jisọsu sụ whẹ: “Iwhe mu l'ekfuru unu bụ lẹ nteke Abụbu-Ndiwhe l'a-bya anọdu l'oshi-eze iya, l'egbu zaazaa chịlahaa mgboko ọwhuu, l'a-byanụ bẹ kwa unubẹ ụmadzu iri l'ẹbo ono, l'etso ụzo mu l'a-nọdu-gekwawho l'oshi-eze iri l'ẹbo, kpee ikfu iri l'ẹbo ndu Ízurẹlu ikpe. 29Iwhe ọdo bụ, iwhe bụ onye kwoberu iswi ẹhu mụbe Jisọsu hakọta-gee ụlo iya, ọdua l'ọo unwune iya nwoke, ọdua l'ọo unwune iya nke nwanyị, ọdua l'ọo nna iya, ọbu l'ọo ne iya, ọdua l'ọo ụnwu iya, ọdua l'ọo alị iya; onye ono bẹ Chileke l'a-kfụkwa ụgwo iwhe ha g'ọo iwhe ono ọ harụ ugbo ụkporo ugbo ise, tẹhenu e megekwaaro, ya anụ iya ndzụ tututu-mịmimi. 30Ọle igweligwe ndu bụ ndu ivurụzo ntaa l'ee-bekochaa bụru ndu ikpazụ, ndu ikpazụ ebechakwanua bya abụru ndu ivurụzo.”
Currently Selected:
Mátiyu 19: Ezaa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
Mátiyu 19
19
Jisọsu l'ekfu nke ebukahu nwoke yẹle nyee ya
(Mak. 10:1-12)
1Tọ dụ iya bụ lẹ Jisọsu ekfugelewho iwhe lile ono l'ookfu ọ palihu lẹ Gálili, ọ bụru iya atụgbu. O jeshia alị Judíya, dụ l'azụ ẹnyimu Jọ́danu azụ iya ọwhu. 2Igwe-ọha wụ-tsoru iya. O mee, ẹhu dụkota ndu ọwhu ẹhu l'eme mma.
3Ndu Fárisii byatashia ya adata. Whẹ bya ajịlahaa ya sụ: “?Ọ dụ ree tẹ nwoke chịfuje nyee ya m'e behuduru gụnu mee?” 4Ọ sụ whẹ: “?Unu tẹke agụbudua l'onye meru madzụ eshi mbụlembu bẹ meru nwoke, mee nwanyị; 5sụ whẹ: ‘O noo iwhe meru nwoke je l'a-ha nna iya, haa ne iya yẹle nyee ya atụgba. Whẹ ẹbo abya atụko bụru onye lanụ.’ 6Ọo ya bụ lẹ whẹ ta abụhedu ụmadzu labọ. Whẹ bụwaa onye lanụ. Ọo ya bụ, iwhe Chileke tụgbaberu nnanụ, t'ọ bọ dụkwa onye l'e-je iya okekahu ẹbo ọdo.”
7Whẹ sụ iya: “?Ọ bụhunuru gụnu meru iwhe Mósisu tụru iwu sụ t'onye byajẹkwa l'achịfuje nyee ya, vujekwaru ụzo deru ẹkwo nụ iya lẹ ya ta alụhedu iya, tẹmenu ya achịfuwa iya rọo?”
8Jisọsu sụ whẹ: “Ọle unu bụ ndu ejo obu meru iwhe Mósisu kwetaru t'unu chịfu nyee unu. Ọle shitalekwawho lẹ mbụlembu bẹ l'ọoto dụjekwaaru nno. 9Iwhe mu l'ekfuru unu ntaa bụkwanuru: onye chịfuru nyee ya je alụa nwanyị ọdo bẹ bụkwa ogori bẹ l'oori. Gbahakwaa lẹ nwanyị ọbu bẹ l'eri ogori.”
10Ndu l'etso ụzo iya sụ iya: “Ọ -bụru l'o noo g'ọ dụ l'ẹka nwoke yẹle nyee ya nọ, b'ọ kalẹkwawho mma t'a haa nke ọolu nwanyị l'owhu l'owhu.”
11Ọ sụ whẹ: “Ọ tọ bụkwa madzụ l'ọha bẹ okfu mu ono l'e-dokota ẹnya. Ndu l'oo-do ẹnya bụlekwawho ndu ono, Chileke goshiru iya. 12L'iwhe kparụ iwhe madzụ l'ẹte alụje nwanyị dụkwa l'iche l'iche. O nweru ndu l'ẹte adụa l'iwhe, ọ bụru nno bụ gẹ whẹ dụ shi l'ẹwho ne whẹ. O nweru ndu ọwhu bụ madzụ harụ whẹ aha. O nweru ndu ọwhu rwuchiru obu whẹ lẹ whẹ te emedu nke nwanyị nke ọwhu whẹ l'a-nọ ejeru Chileke ozhi ree. T'onye l'a-dụ ike nata okfu ono natakwa iya.”
Jisọsu l'agọru ụnwegirima ọnu
(Mak. 10:13-16; Luk. 18:15-17)
13Ndu madzụ l'ekutakaaru iya ụnwegirima nteke ono t'o byigee whẹ ẹka, kfuru nụ Chileke l'iswi ẹhu whẹ. Ndu l'etso ụzo iya l'aabarụ ndu ono, l'ekutaru iya ụnwegirima ono mba.
14Jisọsu sụ whẹ: “Unu haa ụnwegirima tẹ whẹ byakfuta mu. Unu ba akpọshishi whẹ abyabya, l'ọo ndu dụ nno bẹ Chileke bụ eze whẹ.”
15Ọ bya ebyigbaru ụnwegirima ono ẹka megee, tụgbua lụfu l'ẹka ono.
Onye nweru iwhe
(Mak. 10:17-31; Luk. 18:18-30)
16O be nteke lanụ, nwoke lanụ byakfuta Jisọsu bya asụ iya: “O-zhi-iwhe ?ndẹ-zhia iwhe bụ iwhe dụ ree mu l'e-me nggẹ mu nweru ndzụ tututu-mịmimi?”
17Jisọsu sụ iya: “?I kwoberu gụnu ajị mu ajị nke iwhe dụ ree. Ọlekwawho onye lanụ kpụ bẹ bụ onye dụkota ree. Ọle nteke bụkwa l'ọogu ghu t'ị bahụ l'ọkpobe ndzụ, ọ kwa iya bụ t'i meje iwhe iwu Chileke kfuru.”
18Nwoke ono sụ: “Iwu ?bụhunu iwu ole?”
Jisọsu sụ iya: “Be egbukwa ọchi, be erikwa ogori, be ezhikwa oshi, ba adzụkwa ejire tukobe madzụ ibe ghu. 19Kwabẹ ne lẹ nna, nwụru ghu nụ ugvu, gụ eye madzụ ibe ghu obu g'i yeru iya onwoghu.”
20Nwokorọbya ono sụ iya: “Iwhe lile ono ta adụkwa ọwhu kpujeru mu ẹka l'ẹnya. ?Ndẹ-zhihunua iwhe ọdo whuduru mu l'ememe?”
21Jisọsu sụ iya: “Ọ -bụru l'ọogu ghu t'ị dụkota ree, ọo ya bụ t'ị lanụ je ereshigezhia iwhe ị nwe enwe, chịta iwhe i retaru iya keshiaru ndu ụkpa. Ọo ya bụ gụ enweru ọkpobe iwhe l'imigwe. I -megee ya nno, gụ abya etsoru mu.”
22Nwata nwokoro ono nụlewho ọnu, Jisọsu yeru, ẹhu rwụrwuhulekwa iya whọ arwụrwuhu. Ọ nyịgobelekwawho ala ibe iya nkele yẹbe nwata-nwoke nwenukaru iwhe shii.
23Jisọsu sụ ndu l'etso ụzo iya: “Tẹ mu kfuru iya unu, iwhe l'ọotsukwanu l'ọo lanụ tẹ ndu nweru iwhe haa tẹ Chileke bụru eze lẹ ndzụ whẹ! 24Iwhe ọdo, mu l'ekfufuaru unu bụ: l'ọ kakwa ntse tẹ ịnya pyoghata l'ẹnya aga, amamẹ t'onye nweru iwhe haa tẹ Chileke bụru eze lẹ ndzụ iya.”
25Ndu l'etso ụzo iya nụle iya whọ, ọ kpụbe whẹ ọnu okfu mebyi shii, whẹ sụ: “?Ọ hụnuru onye bẹ Chileke l'a-dzọfuta?” 26Jisọsu bya elee whẹ ẹnya sụ whẹ: “L'ẹka madzụ nọ b'ọ bụkwa ama-gẹ-l'ee-me, ọle ọ tọ dụdu nno l'ẹka Chileke nọ nkele Chileke ta adụdu iwhe kpọru iya ẹka ememe.”
27Ọo ya bụ, Pyita sụ iya: “Lekwa lẹ anyịbedua hakọtaakwaru iwhe lile anyi nwe tsolahaa ghu ?ọ hụnu gụnu bẹ anyịbedua l'e-nwe?” 28Jisọsu sụ whẹ: “Iwhe mu l'ekfuru unu bụ lẹ nteke Abụbu-Ndiwhe l'a-bya anọdu l'oshi-eze iya, l'egbu zaazaa chịlahaa mgboko ọwhuu, l'a-byanụ bẹ kwa unubẹ ụmadzu iri l'ẹbo ono, l'etso ụzo mu l'a-nọdu-gekwawho l'oshi-eze iri l'ẹbo, kpee ikfu iri l'ẹbo ndu Ízurẹlu ikpe. 29Iwhe ọdo bụ, iwhe bụ onye kwoberu iswi ẹhu mụbe Jisọsu hakọta-gee ụlo iya, ọdua l'ọo unwune iya nwoke, ọdua l'ọo unwune iya nke nwanyị, ọdua l'ọo nna iya, ọbu l'ọo ne iya, ọdua l'ọo ụnwu iya, ọdua l'ọo alị iya; onye ono bẹ Chileke l'a-kfụkwa ụgwo iwhe ha g'ọo iwhe ono ọ harụ ugbo ụkporo ugbo ise, tẹhenu e megekwaaro, ya anụ iya ndzụ tututu-mịmimi. 30Ọle igweligwe ndu bụ ndu ivurụzo ntaa l'ee-bekochaa bụru ndu ikpazụ, ndu ikpazụ ebechakwanua bya abụru ndu ivurụzo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust