Mátiyu 17
17
Jisọsu l'egbu zaa-zaa l'eli ugvu
(Mak. 9:2-13; Luk. 9:28-36)
1A nọlewho abalị ishii, Jisọsu duta Pyita yẹle Jémusu mẹe Jọnu, bụ nwune Jémusu yeru onwiya; whẹ je enyikota eze ugvu ọbu, ha l'eli shii je anọdu nkụnyi whẹ. 2Chileke mee Jisọsu, ọ chanwee l'atatiwhu whẹ. Atatiwhu iya l'egbulewho zaazaa g'ọo ẹnyanwu, ọwhube uwe iya kelahaa whoriwhori g'ọo anwụ eswe. 3A bya l'eledeshia ẹnya, whẹ whụa Mósisu yẹle Eláyija gẹ whẹ lẹ Jisọsu l'edzu idzu.
4Ọo ya bụ, Pyita bukorohu sụ Jisọsu: “Onye-Nwe-Ọha, ọ dụlekwawho ree l'anyi nọ l'ẹka-a. Ọ -bụru l'ọo dụ ghu ree bẹ mu byakwa l'a-tụ mkpuumkpu ẹto l'ẹka-a, nnanụ nke ghu, nnanụ nke Mósisu, nnanụ abụru nke Eláyija.”
5Ọ kpụkwaduru-a okfu ono l'ọnu ekfu, urwukpu, l'achalẹwho kpalakpala bya asọ-kputa whẹ. Olu okfu shi l'urwukpu ono ekfuje sụ: “Onye ọwa bụ Nwa mu nwoke, mu yeru obu, ọo ya l'emeje ẹhu atsọ mu ụtso. Unu nụjeeru iya okfu.”
6Ndu l'etso ụzo iya ono nụlewho olu-okfu ono, whẹ daa kpube iwhu l'alị. Whẹ l'atsụ egvu atsụshi iya ike. 7Jisọsu bya ebyigee whẹ ẹka sụ whẹ: “Unu gbashi, t'unu ba atsụshi egvu.” 8Whẹ bya agbashi bya achịkaa ẹnya, chịkaa ẹnya, tọ dụhe onye ọdo whẹ whụru, t'a gụfulewho Jisọsu nwẹkiya.
9Whẹ nyizetalewho l'eli ugvu ono, Jisọsu kfushiaru whẹ iya ike sụ whẹ: “Tọ bọ dụkwa onye unu l'e-kfuru iwhe ono unu whụru jeye nteke Abụbu-Ndiwhe l'e-shiada l'ọnwu teta nọdu ndzụ.”
10Ndu l'etso ụzo iya sụ iya: “?Ọo hụnu gụnu kpatarụ ndu o-zhi-iwu l'asụje lẹ Eláyija vufutaje ụzo byaada?”
11O yeeru whẹ iya ọnu sụ whẹ: “Ọ kwa ezhi-okfu lẹ Eláyija vufutaje ụzo bya bya edozhia iwhe lile t'ọ dụkota ree g'ọ dụhawaa lẹ mbụ. 12Ọle tẹ mu kfulekwaru iya-a unu: lẹ Eláyija bẹ gbee byahaakwanụ, whẹ ta ama l'ọo ya, whẹ kpụta iya mee gẹ dụ whẹ mma. O nokwawho gẹ whẹ l'e-me tẹ Abụbu-Ndiwhe shi whẹ l'ẹka jee iwhe-ọtsulanu.” 13Ọ bụru nteke ono bẹ ndu l'etso ụzo iya bya amarụ l'ọo Jọnu baputizimu bẹ l'ookfuru whẹ okfu iya.
Jisọsu l'eme t'onye ndakfụkfu l'atụ mehu
(Mak. 9:14-29; Luk. 9:37-43a)
14Whẹ byakfutalewho igwe-ọha ono, o nweru nwoke, byakfutaru iya bya ebyishi ikpere l'iwhu iya sụ iya: 15“Onye-Nwe-Ọha, menuaru nwa mu nwoke obu-imiko, lẹ ndakfụkfu l'atụje iya, mbụ l'ọotu iya atụshi iya ike. Ọ tụakwaru iya chee l'ọku mẹe lẹ mini ugbo olemole. 16Mu gbẹenu dutawa iya dukfuta ndu l'etso ụzo ghu, whẹ ta adụ ike mee ya t'o mehu.”
17Jisọsu sụ whẹ: “Oowa! Unubẹ ọgbo ejo obu ọwa, bụ ndu l'ẹte ekwetaje nke Chileke. ?O zhia nteke ole bẹ mu l'unu l'a-nọ-beru? ?O zhia nteke ole bẹ mu l'a-tata nshi ẹhu unu taberu? Unu dutaru mu nwata iya ọbu l'ẹka-a.” 18Jisọsu bya abaarụ ọgvu ono mba. Ọgvu ono shi l'ẹhu nwata ono lụfu. Wata nteke ono, ọ bụru nwata ono emehu.
19E megelewho, ndu l'etso ụzo Jisọsu wụru byakfuta iya nteke ọ nọ nwẹkiya bya asụ iya: “?Ọo gụnu meru anyi ta adụ ike chịfu ọgvu ono?”
20Ọ sụ whẹ: “Iwhe kparụ iya nụ bụ lẹ ekwekwe unu te eshihudu ike. O noo l'iwhe mu l'eme tẹ mu kfuru unu bụ: ekwekwe unu -habezhiwaa shii g'ọo nwọrikirikwekwe akpụru mọsutadu bẹ unu l'a-sụkwa eze ugvu-a: ‘Ugvu, whọfu onwoghu l'ẹka-a je egvuru l'ẹka whọ.’ Ya awholia onwiya ọbu. Ọ tọ dụkwa iwhe l'akpọ unu ẹka ememe. 21Ọ lẹkwawho ọswi ẹgu mẹe okfu anụ Chileke bẹ l'eegudeje chiwhua ẹgube ọgvu ọwa#17:21 Ụwhodu l'ẹkwo gbarụ lẹ mbụ, e deru l'okfu Giríku bẹ l'ẹte ededuaru vẹsu 21 yekobe iya ẹgube, e deru iya l'ẹka-a..”
Jisọsu l'ekfu ọdo lẹ ya l'a-nwụhu, teta nọdu ndzụ
(Mak. 9:30-32; Luk. 9:43b-45)
22O be ujiku lanụ, ndu l'etso ụzo Jisọsu dzukobe lẹ Gálili, Jisọsu sụ whẹ: “Abụbu-Ndiwhe bẹ l'ee-megekwaa kpụru kpẹe ndiwhe l'ẹka, 23whẹ emegbua ya. Ọ nọlewho abalị labọ ọwhu l'e-kwe iya ẹto, Chileke emee ya, ya eshi l'ọnwu teta nọdu ndzụ ọdo.” O rwua whẹ l'ẹhu shii.
Ọtu akịriko eze-ụlo Chileke
24Tọ dụ iya bụ lẹ Jisọsu mẹe ndu l'etso ụzo iya abyarwulewho Kapániyọmu. Ndu l'anajẹ akịriko eze-ụlo Chileke bya abyakfuta Pyita bya ajị iya: “?Tọ tụjedu akịriko mbụ onye l'ezhije unu iwhe?”
25Pyita sụ whẹ: “Waawa, ọotujekwa-a.”
Pyita batalẹwho l'ụlo, Jisọsu vuru ụzo tụfu ọnu sụ iya: “?Ndẹe, gụbedua yeru ọnu agha Sáyịmonu? ?Ọ dụ ghu g'ọo ndu ole bẹ l'atụje akịriko mẹwaro ụtu mmaanụ ọdo nụ ndu eze nke mgboko-o? ?Ọo ndibe eze, tọo ndu ọdo mmaanụ?”
26Pyita sụ iya l'ọo ndu ọdo.
Jisọsu sụ iya: “Ọo ya bụ lẹ ndibe ndu eze ta alịdu iya. 27Ọle ọbu, nnta gẹ l'ee-shi t'ọ bọ bụ l'anyi l'akpatsu whẹ iwe! Tụgbukwaa ntaa je ewota aga-ẹma ghu jeshia l'eze-ẹnyimu je awata ọnma ẹma. Ẹma mbụ, l'a-byarụ ghu l'aga, nmata iya, gụ avọhaa ya ọnu. Ịi-whụ iya okpoga l'e-dzu akịriko nke mu lẹ ghu. Wota iya je atụa ya.”
Currently Selected:
Mátiyu 17: Ezaa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
Mátiyu 17
17
Jisọsu l'egbu zaa-zaa l'eli ugvu
(Mak. 9:2-13; Luk. 9:28-36)
1A nọlewho abalị ishii, Jisọsu duta Pyita yẹle Jémusu mẹe Jọnu, bụ nwune Jémusu yeru onwiya; whẹ je enyikota eze ugvu ọbu, ha l'eli shii je anọdu nkụnyi whẹ. 2Chileke mee Jisọsu, ọ chanwee l'atatiwhu whẹ. Atatiwhu iya l'egbulewho zaazaa g'ọo ẹnyanwu, ọwhube uwe iya kelahaa whoriwhori g'ọo anwụ eswe. 3A bya l'eledeshia ẹnya, whẹ whụa Mósisu yẹle Eláyija gẹ whẹ lẹ Jisọsu l'edzu idzu.
4Ọo ya bụ, Pyita bukorohu sụ Jisọsu: “Onye-Nwe-Ọha, ọ dụlekwawho ree l'anyi nọ l'ẹka-a. Ọ -bụru l'ọo dụ ghu ree bẹ mu byakwa l'a-tụ mkpuumkpu ẹto l'ẹka-a, nnanụ nke ghu, nnanụ nke Mósisu, nnanụ abụru nke Eláyija.”
5Ọ kpụkwaduru-a okfu ono l'ọnu ekfu, urwukpu, l'achalẹwho kpalakpala bya asọ-kputa whẹ. Olu okfu shi l'urwukpu ono ekfuje sụ: “Onye ọwa bụ Nwa mu nwoke, mu yeru obu, ọo ya l'emeje ẹhu atsọ mu ụtso. Unu nụjeeru iya okfu.”
6Ndu l'etso ụzo iya ono nụlewho olu-okfu ono, whẹ daa kpube iwhu l'alị. Whẹ l'atsụ egvu atsụshi iya ike. 7Jisọsu bya ebyigee whẹ ẹka sụ whẹ: “Unu gbashi, t'unu ba atsụshi egvu.” 8Whẹ bya agbashi bya achịkaa ẹnya, chịkaa ẹnya, tọ dụhe onye ọdo whẹ whụru, t'a gụfulewho Jisọsu nwẹkiya.
9Whẹ nyizetalewho l'eli ugvu ono, Jisọsu kfushiaru whẹ iya ike sụ whẹ: “Tọ bọ dụkwa onye unu l'e-kfuru iwhe ono unu whụru jeye nteke Abụbu-Ndiwhe l'e-shiada l'ọnwu teta nọdu ndzụ.”
10Ndu l'etso ụzo iya sụ iya: “?Ọo hụnu gụnu kpatarụ ndu o-zhi-iwu l'asụje lẹ Eláyija vufutaje ụzo byaada?”
11O yeeru whẹ iya ọnu sụ whẹ: “Ọ kwa ezhi-okfu lẹ Eláyija vufutaje ụzo bya bya edozhia iwhe lile t'ọ dụkota ree g'ọ dụhawaa lẹ mbụ. 12Ọle tẹ mu kfulekwaru iya-a unu: lẹ Eláyija bẹ gbee byahaakwanụ, whẹ ta ama l'ọo ya, whẹ kpụta iya mee gẹ dụ whẹ mma. O nokwawho gẹ whẹ l'e-me tẹ Abụbu-Ndiwhe shi whẹ l'ẹka jee iwhe-ọtsulanu.” 13Ọ bụru nteke ono bẹ ndu l'etso ụzo iya bya amarụ l'ọo Jọnu baputizimu bẹ l'ookfuru whẹ okfu iya.
Jisọsu l'eme t'onye ndakfụkfu l'atụ mehu
(Mak. 9:14-29; Luk. 9:37-43a)
14Whẹ byakfutalewho igwe-ọha ono, o nweru nwoke, byakfutaru iya bya ebyishi ikpere l'iwhu iya sụ iya: 15“Onye-Nwe-Ọha, menuaru nwa mu nwoke obu-imiko, lẹ ndakfụkfu l'atụje iya, mbụ l'ọotu iya atụshi iya ike. Ọ tụakwaru iya chee l'ọku mẹe lẹ mini ugbo olemole. 16Mu gbẹenu dutawa iya dukfuta ndu l'etso ụzo ghu, whẹ ta adụ ike mee ya t'o mehu.”
17Jisọsu sụ whẹ: “Oowa! Unubẹ ọgbo ejo obu ọwa, bụ ndu l'ẹte ekwetaje nke Chileke. ?O zhia nteke ole bẹ mu l'unu l'a-nọ-beru? ?O zhia nteke ole bẹ mu l'a-tata nshi ẹhu unu taberu? Unu dutaru mu nwata iya ọbu l'ẹka-a.” 18Jisọsu bya abaarụ ọgvu ono mba. Ọgvu ono shi l'ẹhu nwata ono lụfu. Wata nteke ono, ọ bụru nwata ono emehu.
19E megelewho, ndu l'etso ụzo Jisọsu wụru byakfuta iya nteke ọ nọ nwẹkiya bya asụ iya: “?Ọo gụnu meru anyi ta adụ ike chịfu ọgvu ono?”
20Ọ sụ whẹ: “Iwhe kparụ iya nụ bụ lẹ ekwekwe unu te eshihudu ike. O noo l'iwhe mu l'eme tẹ mu kfuru unu bụ: ekwekwe unu -habezhiwaa shii g'ọo nwọrikirikwekwe akpụru mọsutadu bẹ unu l'a-sụkwa eze ugvu-a: ‘Ugvu, whọfu onwoghu l'ẹka-a je egvuru l'ẹka whọ.’ Ya awholia onwiya ọbu. Ọ tọ dụkwa iwhe l'akpọ unu ẹka ememe. 21Ọ lẹkwawho ọswi ẹgu mẹe okfu anụ Chileke bẹ l'eegudeje chiwhua ẹgube ọgvu ọwa#17:21 Ụwhodu l'ẹkwo gbarụ lẹ mbụ, e deru l'okfu Giríku bẹ l'ẹte ededuaru vẹsu 21 yekobe iya ẹgube, e deru iya l'ẹka-a..”
Jisọsu l'ekfu ọdo lẹ ya l'a-nwụhu, teta nọdu ndzụ
(Mak. 9:30-32; Luk. 9:43b-45)
22O be ujiku lanụ, ndu l'etso ụzo Jisọsu dzukobe lẹ Gálili, Jisọsu sụ whẹ: “Abụbu-Ndiwhe bẹ l'ee-megekwaa kpụru kpẹe ndiwhe l'ẹka, 23whẹ emegbua ya. Ọ nọlewho abalị labọ ọwhu l'e-kwe iya ẹto, Chileke emee ya, ya eshi l'ọnwu teta nọdu ndzụ ọdo.” O rwua whẹ l'ẹhu shii.
Ọtu akịriko eze-ụlo Chileke
24Tọ dụ iya bụ lẹ Jisọsu mẹe ndu l'etso ụzo iya abyarwulewho Kapániyọmu. Ndu l'anajẹ akịriko eze-ụlo Chileke bya abyakfuta Pyita bya ajị iya: “?Tọ tụjedu akịriko mbụ onye l'ezhije unu iwhe?”
25Pyita sụ whẹ: “Waawa, ọotujekwa-a.”
Pyita batalẹwho l'ụlo, Jisọsu vuru ụzo tụfu ọnu sụ iya: “?Ndẹe, gụbedua yeru ọnu agha Sáyịmonu? ?Ọ dụ ghu g'ọo ndu ole bẹ l'atụje akịriko mẹwaro ụtu mmaanụ ọdo nụ ndu eze nke mgboko-o? ?Ọo ndibe eze, tọo ndu ọdo mmaanụ?”
26Pyita sụ iya l'ọo ndu ọdo.
Jisọsu sụ iya: “Ọo ya bụ lẹ ndibe ndu eze ta alịdu iya. 27Ọle ọbu, nnta gẹ l'ee-shi t'ọ bọ bụ l'anyi l'akpatsu whẹ iwe! Tụgbukwaa ntaa je ewota aga-ẹma ghu jeshia l'eze-ẹnyimu je awata ọnma ẹma. Ẹma mbụ, l'a-byarụ ghu l'aga, nmata iya, gụ avọhaa ya ọnu. Ịi-whụ iya okpoga l'e-dzu akịriko nke mu lẹ ghu. Wota iya je atụa ya.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust