Mátiyu 14
14
Anwụhu Jọnu baputizimu
(Mak. 6:14-29; Luk. 9:7-9)
1O noo ya, ọ bụru nteke ono bẹ Hẹ́rodu bụ ọ-chị-ọha, l'achị Gálili nụru iwhe Jisọsu l'eme. 2Ọ sụ ndu l'oozhije ozhi: “M'ọ kwa Jọnu baputizimu bẹ tetaru nọdu ndzụ ọdo, o nokwa iwhe meru l'ọoduje ike eme iwhe-awhụrulenya lile ono, l'oomekaa.” 3Iwhe meru bụkwanuru lẹ Hẹ́rodu l'onwiya bẹ zhijeru, e je egude Jọnu kee ya ẹgbu, ye iya l'ụlo mkpọro. Ọ bụru l'okfu ẹka Heródiyasu b'o shi, mbụ nwanyị ono, Hẹ́rodu natarụ nwune iya Fílipu lụlahaa. 4Jọnu l'anọje ekfuru Hẹ́rodu sụ: “Ọ tọ dụkwawho ree, a makwarụ mẹ t'i je anata nwune ghu nyee ya lụlahaa.” 5Ọ dụ-gezhia Hẹ́rodu nke t'o gbua Jọnu, obenu l'o shi anọje atsụ ndu Ju egvu nkele whẹ lile bẹ kwetakotaru lẹ Jọnu bụ onye nkfuchiru Chileke.
6Tọ dụ iya bụ l'ọ bya ebenu mbọku, Hẹ́rodu l'erije iwhe gude anyata mbọku a nwụru iya, nwa Heródiyasu nke nwanyị byabya etee egvu l'atatiwhu ndu ẹbyii Hẹ́rodu. Ẹhu tsọo Hẹ́rodu ụtso. 7O kwobe iya kweta nwata nwamgbọko ono ụkwa, riaru iye ya nte sụ iya l'iwhe ọ sụ-zhiaru tẹ ya nụ iya bẹ ya l'a-nụ iya.
8Ne iya nwuru iya ye, ọ byakfuta Hẹ́rodu bya asụ iya: “Iwhe l'ịi-nụ-zhia mu whọ bụ, t'i ye ishi Jọnu baputizimu l'ọkwa dẹe mu l'ẹka-a.”
9Ẹhu rwụrwuhulekwawho eze ono. Ọle eshi-ọwhu o kwetawaru ụkwa ono, rikwaawho nte tukobe iya l'iwhu ndu ẹbyii iya ono, ọ sụ t'a nụkwa nwata ono iwhe ọ sụru t'a nụ iya. 10O zhi, e je egbuta Jọnu ishi l'ụlo mkpọro l'ẹka ọ nọ, 11ye l'ọkwa bya apẹe nwata nwamgbọko ono. Nwata parụ iya je apẹe ne iya. 12Ndu l'etso ụzo Jọnu bya apata ogweze iya je elia, tụgbua nteke ono je akọoru Jisọsu iwhe meru nụ.
Jisọsu l'anụ ụnu madzụ iri l'ẹbo l'ụmadzu ụkporo ugbo iri nri
(Mak. 6:30-44; Luk. 9:10-17; Jọn. 6:1-14)
13Ọo ya bụ, Jisọsu nụlewho iwhe ono meru nụ, ọ fụta l'ẹka ono bahụ l'ụgbo jeshia ẹka darụ ore nwẹkiya. Igweligwe ndu ono nụlewho lẹ Jisọsu bẹ gudewaa ụgbo tụgbua, whẹ shi lẹ mkpụkpu gẹ mkpụkpu ha gude ọkpa etso iya. 14O shi l'ụgbo ono fụta, ọ whụa igweligwe madzụ, ha shii gẹ whẹ dọru l'ẹka ono, imiko whẹ dụ iya shii. Ọ bya emee ndu ẹhu l'eme whẹ mehukota.
15O rwulewho l'urwẹnyashi, ndu l'etso ụzo iya jekfu iya je asụ iya: “Mẹ ẹka-a kwa echi-ẹgu, tẹmenu ike gvụwaa ụboku; sụkwawho igweligwe ndu-a tẹ whẹ bahụ-gee lẹ mkpụkpu lile-e dụ-wheru anyi mgburumgburu ja akpata nri ria.”
16Jisọsu sụ whẹ: “Ọ to dụkwa ree tẹ whẹ tsoru ejewhe nno. Unubẹdua nụ whẹ nri tẹ whẹ ria.”
17Whẹ sụ iya: “Mẹ mkpakọ iwhe anyi gude l'ẹka-a kwa ishi buredi ise, ọwa ẹma labọ kpụ.”
18Ọ sụ whẹ: “Unu chịtaru mu iya l'ẹka-a.” 19Ọo ya bụ, ọ sụ igwe-ọha ono tẹ whẹ nọdu-gezhia anọdu l'ẹka ono ụnwu irwu ẹwu dụ. Ọ bya achịta ishi buredi ise ono mẹe ẹma labọ ono bya apalia ẹnya imeli, kele Chileke ekele nri ono. Ọ bya anyawashịa ya nụ ndu l'etso ụzo iya. Ndu l'etso ụzo iya kekashiaru iya igweligwe ndu ono. 20Whẹ tụko gẹ whẹ ha rijishikota ẹwho. Whẹ bya atụtua ibiribe iya ọwhu e riwhodoru, o ji nkata iri l'ẹbo. 21Unwoke, lị lẹ ndu riru nri ono bekwaru l'ụnu madzụ iri l'ẹbo l'ụmadzu ụkporo ugbo iri, t'a gụfukwa iya ụnwanyi mẹe ụnwegirima, lị iya nụ.
Jisọsu l'eje ije l'eli mini
(Mak. 6:45-52; Jọn. 6:15-21)
22Nteke onowho, Jisọsu sụ ndu l'etso ụzo iya tẹ whẹ bahụ l'ụgbo vuru iya ụzo dafụ azụ iya ọwhu, tẹ yẹbedua nọdu kfuadaru igweligwe ndu ono tẹ whẹ laa guu. 23Ọ sụ-gelewho ndu ono tẹ whẹ laa guu, ọ tụgbua jeshia je anọdu l'ugvu nwẹkiya tẹ ya kfuru nụ Chileke. Ọochi bya, ọ nọdukwawho l'ẹka ono nwẹkiya. 24Nteke ono, ọwhube ụgbo ono gbee nọduwanu l'echilabọ eze-ẹnyimu ono. Oke akpara-mini l'atụ, o mee; ọnga ụgbo ono l'atsụ whẹ lanụ nkele whẹrewhere l'ewhe iwhewhu. 25O rwulewho l'okọku mbụ ọha ẹnu, Jisọsu jeru ije l'eli mini jekfushia whẹ. 26Ndu l'etso ụzo iya whụle iya whọ gẹ l'ooje ije l'eli mini ono, ẹhu nmalahaa whẹ anma nkele whẹ nọdu nụ g'ọ bụ maa. Whẹ tsụhu egvu chishia mkpu.
27Nteke onowho, Jisọsu kfuru yeru whẹ sụ whẹ: “Obu shihu unu ike, l'ọo mbẹdua. Unu ba atsụshi egvu.”
Pyita l'eje ije l'eli mini
28Pyita sụ iya: “Ọ -bụnuru l'ọo ezhi-okfu l'ọo ghu, sụ nụ mu tẹ mu jee ije l'eli mini byakfuta ghu.”
29Ọ sụ iya: “Ngwa, byanụ!” Ọo ya bụ, Pyita nyifuta l'ime ụgbo ono; jeru ije l'eli mini jekfushia Jisọsu. 30Pyita whụa akpara-mini ono, l'atụ nụ, ọ tsụlahaa egvu. Ọ tsụdelewho egvu ono, ọ damilahaa l'ime mini ono. O chishia sụ: “Onye-Nwe-Ọha, dzọo mu-o!”
31Jisọsu machị-kebe ẹka selia ya sụ iya: “Oowa! Ekwekwe nke ghu ta abazhidua nwishi ilile. ?I kwoberu gụnu bọlahaa obu ẹbo?” 32Yẹle Pyita bya atụko bahụ l'ime ụgbo ono. Oke whẹrewhere ono whebua. 33Ndu l'etso ụzo iya, nọkota l'ụgbo ono tụko baarụ iya ẹja sụ: “Ọo whọ l'ezhi l'ị bụ Nwa Chileke.”
Ndu ẹhu l'emekaa lẹ Gẹnésaretu
(Mak. 6:53-56)
34Tọ dụ iya bụ: whẹ daghalẹwho mini ono bya afụta lẹ Gẹnésaretu. 35Whẹ fụtalewho, ndu ẹka ono hụbekota Jisọsu ama. Whẹ zhi, a gbawhekota l'obutobu ẹka ono mgburumgburu je apafụtaru iya ndu ẹhu l'adụa mma gẹ whẹ hakọta. 36Whẹ l'aryọje iya t'o kwe-e t'ẹka whẹ rwua ya l'ẹhu, mbụkwa e -behuduru ọ bụru-a m'ọo l'ọnu uwe iya. Iwhe bụ ndu chiru uwe iya ẹhu bẹ mehukotaru l'iwhe l'eme whẹ nụ.
Currently Selected:
Mátiyu 14: Ezaa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
Mátiyu 14
14
Anwụhu Jọnu baputizimu
(Mak. 6:14-29; Luk. 9:7-9)
1O noo ya, ọ bụru nteke ono bẹ Hẹ́rodu bụ ọ-chị-ọha, l'achị Gálili nụru iwhe Jisọsu l'eme. 2Ọ sụ ndu l'oozhije ozhi: “M'ọ kwa Jọnu baputizimu bẹ tetaru nọdu ndzụ ọdo, o nokwa iwhe meru l'ọoduje ike eme iwhe-awhụrulenya lile ono, l'oomekaa.” 3Iwhe meru bụkwanuru lẹ Hẹ́rodu l'onwiya bẹ zhijeru, e je egude Jọnu kee ya ẹgbu, ye iya l'ụlo mkpọro. Ọ bụru l'okfu ẹka Heródiyasu b'o shi, mbụ nwanyị ono, Hẹ́rodu natarụ nwune iya Fílipu lụlahaa. 4Jọnu l'anọje ekfuru Hẹ́rodu sụ: “Ọ tọ dụkwawho ree, a makwarụ mẹ t'i je anata nwune ghu nyee ya lụlahaa.” 5Ọ dụ-gezhia Hẹ́rodu nke t'o gbua Jọnu, obenu l'o shi anọje atsụ ndu Ju egvu nkele whẹ lile bẹ kwetakotaru lẹ Jọnu bụ onye nkfuchiru Chileke.
6Tọ dụ iya bụ l'ọ bya ebenu mbọku, Hẹ́rodu l'erije iwhe gude anyata mbọku a nwụru iya, nwa Heródiyasu nke nwanyị byabya etee egvu l'atatiwhu ndu ẹbyii Hẹ́rodu. Ẹhu tsọo Hẹ́rodu ụtso. 7O kwobe iya kweta nwata nwamgbọko ono ụkwa, riaru iye ya nte sụ iya l'iwhe ọ sụ-zhiaru tẹ ya nụ iya bẹ ya l'a-nụ iya.
8Ne iya nwuru iya ye, ọ byakfuta Hẹ́rodu bya asụ iya: “Iwhe l'ịi-nụ-zhia mu whọ bụ, t'i ye ishi Jọnu baputizimu l'ọkwa dẹe mu l'ẹka-a.”
9Ẹhu rwụrwuhulekwawho eze ono. Ọle eshi-ọwhu o kwetawaru ụkwa ono, rikwaawho nte tukobe iya l'iwhu ndu ẹbyii iya ono, ọ sụ t'a nụkwa nwata ono iwhe ọ sụru t'a nụ iya. 10O zhi, e je egbuta Jọnu ishi l'ụlo mkpọro l'ẹka ọ nọ, 11ye l'ọkwa bya apẹe nwata nwamgbọko ono. Nwata parụ iya je apẹe ne iya. 12Ndu l'etso ụzo Jọnu bya apata ogweze iya je elia, tụgbua nteke ono je akọoru Jisọsu iwhe meru nụ.
Jisọsu l'anụ ụnu madzụ iri l'ẹbo l'ụmadzu ụkporo ugbo iri nri
(Mak. 6:30-44; Luk. 9:10-17; Jọn. 6:1-14)
13Ọo ya bụ, Jisọsu nụlewho iwhe ono meru nụ, ọ fụta l'ẹka ono bahụ l'ụgbo jeshia ẹka darụ ore nwẹkiya. Igweligwe ndu ono nụlewho lẹ Jisọsu bẹ gudewaa ụgbo tụgbua, whẹ shi lẹ mkpụkpu gẹ mkpụkpu ha gude ọkpa etso iya. 14O shi l'ụgbo ono fụta, ọ whụa igweligwe madzụ, ha shii gẹ whẹ dọru l'ẹka ono, imiko whẹ dụ iya shii. Ọ bya emee ndu ẹhu l'eme whẹ mehukota.
15O rwulewho l'urwẹnyashi, ndu l'etso ụzo iya jekfu iya je asụ iya: “Mẹ ẹka-a kwa echi-ẹgu, tẹmenu ike gvụwaa ụboku; sụkwawho igweligwe ndu-a tẹ whẹ bahụ-gee lẹ mkpụkpu lile-e dụ-wheru anyi mgburumgburu ja akpata nri ria.”
16Jisọsu sụ whẹ: “Ọ to dụkwa ree tẹ whẹ tsoru ejewhe nno. Unubẹdua nụ whẹ nri tẹ whẹ ria.”
17Whẹ sụ iya: “Mẹ mkpakọ iwhe anyi gude l'ẹka-a kwa ishi buredi ise, ọwa ẹma labọ kpụ.”
18Ọ sụ whẹ: “Unu chịtaru mu iya l'ẹka-a.” 19Ọo ya bụ, ọ sụ igwe-ọha ono tẹ whẹ nọdu-gezhia anọdu l'ẹka ono ụnwu irwu ẹwu dụ. Ọ bya achịta ishi buredi ise ono mẹe ẹma labọ ono bya apalia ẹnya imeli, kele Chileke ekele nri ono. Ọ bya anyawashịa ya nụ ndu l'etso ụzo iya. Ndu l'etso ụzo iya kekashiaru iya igweligwe ndu ono. 20Whẹ tụko gẹ whẹ ha rijishikota ẹwho. Whẹ bya atụtua ibiribe iya ọwhu e riwhodoru, o ji nkata iri l'ẹbo. 21Unwoke, lị lẹ ndu riru nri ono bekwaru l'ụnu madzụ iri l'ẹbo l'ụmadzu ụkporo ugbo iri, t'a gụfukwa iya ụnwanyi mẹe ụnwegirima, lị iya nụ.
Jisọsu l'eje ije l'eli mini
(Mak. 6:45-52; Jọn. 6:15-21)
22Nteke onowho, Jisọsu sụ ndu l'etso ụzo iya tẹ whẹ bahụ l'ụgbo vuru iya ụzo dafụ azụ iya ọwhu, tẹ yẹbedua nọdu kfuadaru igweligwe ndu ono tẹ whẹ laa guu. 23Ọ sụ-gelewho ndu ono tẹ whẹ laa guu, ọ tụgbua jeshia je anọdu l'ugvu nwẹkiya tẹ ya kfuru nụ Chileke. Ọochi bya, ọ nọdukwawho l'ẹka ono nwẹkiya. 24Nteke ono, ọwhube ụgbo ono gbee nọduwanu l'echilabọ eze-ẹnyimu ono. Oke akpara-mini l'atụ, o mee; ọnga ụgbo ono l'atsụ whẹ lanụ nkele whẹrewhere l'ewhe iwhewhu. 25O rwulewho l'okọku mbụ ọha ẹnu, Jisọsu jeru ije l'eli mini jekfushia whẹ. 26Ndu l'etso ụzo iya whụle iya whọ gẹ l'ooje ije l'eli mini ono, ẹhu nmalahaa whẹ anma nkele whẹ nọdu nụ g'ọ bụ maa. Whẹ tsụhu egvu chishia mkpu.
27Nteke onowho, Jisọsu kfuru yeru whẹ sụ whẹ: “Obu shihu unu ike, l'ọo mbẹdua. Unu ba atsụshi egvu.”
Pyita l'eje ije l'eli mini
28Pyita sụ iya: “Ọ -bụnuru l'ọo ezhi-okfu l'ọo ghu, sụ nụ mu tẹ mu jee ije l'eli mini byakfuta ghu.”
29Ọ sụ iya: “Ngwa, byanụ!” Ọo ya bụ, Pyita nyifuta l'ime ụgbo ono; jeru ije l'eli mini jekfushia Jisọsu. 30Pyita whụa akpara-mini ono, l'atụ nụ, ọ tsụlahaa egvu. Ọ tsụdelewho egvu ono, ọ damilahaa l'ime mini ono. O chishia sụ: “Onye-Nwe-Ọha, dzọo mu-o!”
31Jisọsu machị-kebe ẹka selia ya sụ iya: “Oowa! Ekwekwe nke ghu ta abazhidua nwishi ilile. ?I kwoberu gụnu bọlahaa obu ẹbo?” 32Yẹle Pyita bya atụko bahụ l'ime ụgbo ono. Oke whẹrewhere ono whebua. 33Ndu l'etso ụzo iya, nọkota l'ụgbo ono tụko baarụ iya ẹja sụ: “Ọo whọ l'ezhi l'ị bụ Nwa Chileke.”
Ndu ẹhu l'emekaa lẹ Gẹnésaretu
(Mak. 6:53-56)
34Tọ dụ iya bụ: whẹ daghalẹwho mini ono bya afụta lẹ Gẹnésaretu. 35Whẹ fụtalewho, ndu ẹka ono hụbekota Jisọsu ama. Whẹ zhi, a gbawhekota l'obutobu ẹka ono mgburumgburu je apafụtaru iya ndu ẹhu l'adụa mma gẹ whẹ hakọta. 36Whẹ l'aryọje iya t'o kwe-e t'ẹka whẹ rwua ya l'ẹhu, mbụkwa e -behuduru ọ bụru-a m'ọo l'ọnu uwe iya. Iwhe bụ ndu chiru uwe iya ẹhu bẹ mehukotaru l'iwhe l'eme whẹ nụ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust