Malakayi 3
3
Onye-Nwe-Ọha l'ezhi onye l'e-vu ụzo bya emechaaru iya ụzo
1Onye-Nwe-Ọha, bụ Onye-ishi-igwe-ọgu bẹ l'ekfu sụ: “Unu lekwa, mu l'e-zhi onye ozhi mu t'o vuru mu ụzo je emechaaru mu ụzo. O noo nteke bụ ejia ekfu, Onye-Nwe-Ọha ono, unu shi leta ẹnya iya ono abụru whẹrekete l'eze-ụlo iya. Onye ozhi ono, ẹnya dụ unu t'unu whụa l'a-bya aryaa nke ọgbandzu mu aryarya. Leenu, ọobyakwaa.”
2Ọle ọbu ?Ọo onye l'a-dụ ike atakeru tẹ yẹle iya mee mbọku ono? ?Ọo onye l'a-dụ ike kfụru kpọ iya iwhu mẹ ọ byalẹwho? Nkele ọ byalẹwho bẹ l'ọo-dụ g'ọo ọku, dụ l'iwhu otiti, ọ-kpụ-ụzu gude anụcha igwe, dụkwawho g'ọo ọkpobe ncha ọ-sa-uwe, l'egudeje asa uwe. 3Ẹpa Lívayi bẹ l'ọo-nụcha anụcha, mee whẹ tẹ whẹ gbuchafu dụ g'ọo mkpọla-ododo mẹe mkpọla-ọcha, a hụru l'ọku nke ọwhu whẹ l'a-nọ agbarụ Onye-Nwe-Ọha ọkpobe ẹja, gbarụ iya nụ. 4O noo nteke, ngwo-ẹja ndu Juda mẹe ọwhu ndu Jerúsalẹmu l'anụ Onye-Nwe-Ọha l'a-bya atsọlahaa Onye-Nwe-Ọha ụtso g'o shihawaa atsọje iya lẹ mbụ l'oge ndụ-ichee.
5“Mu l'a-kpịlitakwaru unu ntse bya ekpee unu ikpe. Mu l'e-me kọrokoro tụa unu jalaa, mbụ unubẹ ndu ono, l'agwọ ọgvu mẹe ndu l'eri ogori mẹe ndu l'akpapyabẹje iwhe whẹ meru gụa ẹnwa mẹe ndu l'esebofuje iwhe l'aswa ozhi ndu jeru whẹ ozhi mẹe ndu l'anọje akpa ụnwanyi-mbunu mẹe ụnwu-ogbee ẹhu mẹe ndu l'anafụje ndu mbyambya iwhe rwuberu whẹ nụ, mbụ unubẹ ndu ono, l'ẹte atsụ Onye-Nwe-Ọha egvu. O noo iwhe Onye-Nwe-Ọha bụ Onye-ishi-igwe-ọgu l'ekfu ndono.
Ụzo lanụ l'ụzo iri
6“Sụa, mụbe Onye-Nwe-Ọha ta agbanwejekwa agbanwe. Ọ kwa iya meru unubẹ ẹpa Jékọpu tẹke echihua. 7Unu shi l'oge nke nna unu oche whẹ gbakụta mu azụ jịka ome iwhe mu tọru ọkpa iya t'e meje. Unu lwakfutawhu mu azụ nke ọwhu mu l'a-lwakfuta unubẹdua.” O noo iwhe Onye-Nwe-Ọha bụ Onye-ishi-igwe-ọgu l'ekfu ndono.
“Unu l'a-jịkwa sụ: ‘?Ndẹe ụzo anyi l'e-shi lwakfutawhu ghu azụ?’
8“?Ọo dụ ree lẹ madzụ gude ụgho ezhi Chileke oshi? Unubẹdua l'ezhikwa mu rọo oshi.
“Unu l'a-jịkwa sụ: ‘?Ndẹe ụzo anyi shi ezhi ghu oshi?’
“Oshi unu l'ezhi mụbe Onye-Nwe-Ọha bụ l'unu te ekejedu iwhe unu nweru ụzo iri nụ mu ụzo lanụ, unu ta anụje mu iwhe. 9Sụa, unu bụakwa ndu a tụru ọnu nkele unubẹ mba owhu tụkoru ezhi mụbe Onye-Nwe-Ọha oshi. 10Unu tụko ụzo-lanụ-l'ụzo-iri unu g'ọ ha wobata l'ụlo, l'aakwakọbeje ẹku mu nke ọwhu nri l'a-dụ l'eze-ụlo mụbe Chileke. Unu mee ya nno gude dalee mu, unu awhụ lẹ mu l'a-gụharu unu ụzo l'imigwe wụaru unu iwhe-ọma, wụa ya nke etsutsu iya. O noo iwhe Onye-Nwe-Ọha bụ Onye-ishi-igwe-ọgu l'ekfu ndono. 11Mu l'a-dachi ụnwehu tẹ whẹ ba atapyashịshi iwhe unu kọberu l'alị, mu emee tẹ mebyi vayịnu unu ba anọ erishihu l'okurutu. O noo iwhe Onye-Nwe-Ọha bụ Onye-ishi-igwe-ọgu l'ekfu ndono. 12Nteke ono bẹ mba nọnu l'e-ku unu ndu Chileke gọru ọnu-ọma nụ nkele alị unu l'a-nọ atsọ ụtso ebubu.” O noo iwhe Onye-Nwe-Ọha bụ Onye-ishi-igwe-ọgu l'ekfu ndono.
Ọdu l'iche dụru ndu dụ chịriri mẹe ndu l'eme ejo-ememe
13Onye-Nwe-Ọha bẹ l'ekfu sụ: “Unu kfuakwaru mu ejo okfu shii.
“Unu l'a-jịkwaro sụ: ‘?Ọo ẹgube ejo okfu gụnu bẹ anyi kfuru ghu?’
14“Iwhe unu kfuru bụ l'ojeru mụbe Chileke ozhi bụ iwhe mmaanụ. Unu kfua sụ: ‘?Ọo gụnu bẹ anyi l'erita l'anyi l'eme iwhe Onye-Nwe-Ọha kfuru yẹle anọno, anyi l'anọduje tsụyoo l'iwhu Onye-Nwe-Ọha, bụ Onye-ishi-igwe-ọgu, goshi l'iwhe-dụ-ẹji, anyi meru l'atsụ anyi lanụ? 15Ụzo anyi whụtaru iya ntaa bẹ bụ l'ọo ndu l'eku onwowhe eku bụ ndu ẹhu l'atsọ ụtso. Mbụ l'ọo ndu l'eme ejo-iwhe bẹ iwhe l'ejeru ree, ọ tọ bụlekwaa ono, whẹ l'egudeje ome ejo-iwhe data Chileke, ya eje adụ iwhe l'oo-me whẹ.’ ”
16Tọ dụ iya bụ lẹ ndu ọwhu l'atsụkwanu Onye-Nwe-Ọha egvu bya ekfuru okfu yeru ibe whẹ. Onye-Nwe-Ọha gebelekwawho nchị nụ iwhe whẹ l'ekfu. A bya edee ẹkwo l'iwhu Onye-Nwe-Ọha, dee iwhe l'ee-gudeje nyata ndu ono, l'atsụ egvu Onye-Nwe-Ọha akwabẹ iya ugvu ono.
17Onye-Nwe-Ọha, bụ Onye-ishi-igwe-ọgu l'ekfu sụ: “Whẹ l'a-bụru ndu nkemu. Mbọku mu l'a-bya ọgba-zhi ẹku mu bẹ mu l'a-gụkwaru whẹ ye lẹ ndu bụ nkemu. Mu l'e-meru whẹ obu-imiko ẹgube ono, nna l'emejeru nwa, kweru nkiya. 18Nteke ono bẹ unu l'a-whụ ọdu iche dụ lẹ ndu dụ chịriri mẹe lẹ ndu l'eme ejo-ememe. Unu awhụkwawho ọdu iche dụ lẹ ndu l'ejeru Chileke ozhi yẹle ndu l'ete ejeru Chileke ozhi.
Currently Selected:
Malakayi 3: Ezaa
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
Malakayi 3
3
Onye-Nwe-Ọha l'ezhi onye l'e-vu ụzo bya emechaaru iya ụzo
1Onye-Nwe-Ọha, bụ Onye-ishi-igwe-ọgu bẹ l'ekfu sụ: “Unu lekwa, mu l'e-zhi onye ozhi mu t'o vuru mu ụzo je emechaaru mu ụzo. O noo nteke bụ ejia ekfu, Onye-Nwe-Ọha ono, unu shi leta ẹnya iya ono abụru whẹrekete l'eze-ụlo iya. Onye ozhi ono, ẹnya dụ unu t'unu whụa l'a-bya aryaa nke ọgbandzu mu aryarya. Leenu, ọobyakwaa.”
2Ọle ọbu ?Ọo onye l'a-dụ ike atakeru tẹ yẹle iya mee mbọku ono? ?Ọo onye l'a-dụ ike kfụru kpọ iya iwhu mẹ ọ byalẹwho? Nkele ọ byalẹwho bẹ l'ọo-dụ g'ọo ọku, dụ l'iwhu otiti, ọ-kpụ-ụzu gude anụcha igwe, dụkwawho g'ọo ọkpobe ncha ọ-sa-uwe, l'egudeje asa uwe. 3Ẹpa Lívayi bẹ l'ọo-nụcha anụcha, mee whẹ tẹ whẹ gbuchafu dụ g'ọo mkpọla-ododo mẹe mkpọla-ọcha, a hụru l'ọku nke ọwhu whẹ l'a-nọ agbarụ Onye-Nwe-Ọha ọkpobe ẹja, gbarụ iya nụ. 4O noo nteke, ngwo-ẹja ndu Juda mẹe ọwhu ndu Jerúsalẹmu l'anụ Onye-Nwe-Ọha l'a-bya atsọlahaa Onye-Nwe-Ọha ụtso g'o shihawaa atsọje iya lẹ mbụ l'oge ndụ-ichee.
5“Mu l'a-kpịlitakwaru unu ntse bya ekpee unu ikpe. Mu l'e-me kọrokoro tụa unu jalaa, mbụ unubẹ ndu ono, l'agwọ ọgvu mẹe ndu l'eri ogori mẹe ndu l'akpapyabẹje iwhe whẹ meru gụa ẹnwa mẹe ndu l'esebofuje iwhe l'aswa ozhi ndu jeru whẹ ozhi mẹe ndu l'anọje akpa ụnwanyi-mbunu mẹe ụnwu-ogbee ẹhu mẹe ndu l'anafụje ndu mbyambya iwhe rwuberu whẹ nụ, mbụ unubẹ ndu ono, l'ẹte atsụ Onye-Nwe-Ọha egvu. O noo iwhe Onye-Nwe-Ọha bụ Onye-ishi-igwe-ọgu l'ekfu ndono.
Ụzo lanụ l'ụzo iri
6“Sụa, mụbe Onye-Nwe-Ọha ta agbanwejekwa agbanwe. Ọ kwa iya meru unubẹ ẹpa Jékọpu tẹke echihua. 7Unu shi l'oge nke nna unu oche whẹ gbakụta mu azụ jịka ome iwhe mu tọru ọkpa iya t'e meje. Unu lwakfutawhu mu azụ nke ọwhu mu l'a-lwakfuta unubẹdua.” O noo iwhe Onye-Nwe-Ọha bụ Onye-ishi-igwe-ọgu l'ekfu ndono.
“Unu l'a-jịkwa sụ: ‘?Ndẹe ụzo anyi l'e-shi lwakfutawhu ghu azụ?’
8“?Ọo dụ ree lẹ madzụ gude ụgho ezhi Chileke oshi? Unubẹdua l'ezhikwa mu rọo oshi.
“Unu l'a-jịkwa sụ: ‘?Ndẹe ụzo anyi shi ezhi ghu oshi?’
“Oshi unu l'ezhi mụbe Onye-Nwe-Ọha bụ l'unu te ekejedu iwhe unu nweru ụzo iri nụ mu ụzo lanụ, unu ta anụje mu iwhe. 9Sụa, unu bụakwa ndu a tụru ọnu nkele unubẹ mba owhu tụkoru ezhi mụbe Onye-Nwe-Ọha oshi. 10Unu tụko ụzo-lanụ-l'ụzo-iri unu g'ọ ha wobata l'ụlo, l'aakwakọbeje ẹku mu nke ọwhu nri l'a-dụ l'eze-ụlo mụbe Chileke. Unu mee ya nno gude dalee mu, unu awhụ lẹ mu l'a-gụharu unu ụzo l'imigwe wụaru unu iwhe-ọma, wụa ya nke etsutsu iya. O noo iwhe Onye-Nwe-Ọha bụ Onye-ishi-igwe-ọgu l'ekfu ndono. 11Mu l'a-dachi ụnwehu tẹ whẹ ba atapyashịshi iwhe unu kọberu l'alị, mu emee tẹ mebyi vayịnu unu ba anọ erishihu l'okurutu. O noo iwhe Onye-Nwe-Ọha bụ Onye-ishi-igwe-ọgu l'ekfu ndono. 12Nteke ono bẹ mba nọnu l'e-ku unu ndu Chileke gọru ọnu-ọma nụ nkele alị unu l'a-nọ atsọ ụtso ebubu.” O noo iwhe Onye-Nwe-Ọha bụ Onye-ishi-igwe-ọgu l'ekfu ndono.
Ọdu l'iche dụru ndu dụ chịriri mẹe ndu l'eme ejo-ememe
13Onye-Nwe-Ọha bẹ l'ekfu sụ: “Unu kfuakwaru mu ejo okfu shii.
“Unu l'a-jịkwaro sụ: ‘?Ọo ẹgube ejo okfu gụnu bẹ anyi kfuru ghu?’
14“Iwhe unu kfuru bụ l'ojeru mụbe Chileke ozhi bụ iwhe mmaanụ. Unu kfua sụ: ‘?Ọo gụnu bẹ anyi l'erita l'anyi l'eme iwhe Onye-Nwe-Ọha kfuru yẹle anọno, anyi l'anọduje tsụyoo l'iwhu Onye-Nwe-Ọha, bụ Onye-ishi-igwe-ọgu, goshi l'iwhe-dụ-ẹji, anyi meru l'atsụ anyi lanụ? 15Ụzo anyi whụtaru iya ntaa bẹ bụ l'ọo ndu l'eku onwowhe eku bụ ndu ẹhu l'atsọ ụtso. Mbụ l'ọo ndu l'eme ejo-iwhe bẹ iwhe l'ejeru ree, ọ tọ bụlekwaa ono, whẹ l'egudeje ome ejo-iwhe data Chileke, ya eje adụ iwhe l'oo-me whẹ.’ ”
16Tọ dụ iya bụ lẹ ndu ọwhu l'atsụkwanu Onye-Nwe-Ọha egvu bya ekfuru okfu yeru ibe whẹ. Onye-Nwe-Ọha gebelekwawho nchị nụ iwhe whẹ l'ekfu. A bya edee ẹkwo l'iwhu Onye-Nwe-Ọha, dee iwhe l'ee-gudeje nyata ndu ono, l'atsụ egvu Onye-Nwe-Ọha akwabẹ iya ugvu ono.
17Onye-Nwe-Ọha, bụ Onye-ishi-igwe-ọgu l'ekfu sụ: “Whẹ l'a-bụru ndu nkemu. Mbọku mu l'a-bya ọgba-zhi ẹku mu bẹ mu l'a-gụkwaru whẹ ye lẹ ndu bụ nkemu. Mu l'e-meru whẹ obu-imiko ẹgube ono, nna l'emejeru nwa, kweru nkiya. 18Nteke ono bẹ unu l'a-whụ ọdu iche dụ lẹ ndu dụ chịriri mẹe lẹ ndu l'eme ejo-ememe. Unu awhụkwawho ọdu iche dụ lẹ ndu l'ejeru Chileke ozhi yẹle ndu l'ete ejeru Chileke ozhi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust