Malakayi 2
2
Aalọ ndu l'agbajẹ ẹja nụ Chileke ẹka lẹ nchị
1“Unubẹ ndu l'agbajẹ ẹja nụ Chileke; ọ waa bụkwa ẹka mu l'alọ iya unu lẹ nchị. 2Unu -jịka l'unu ta angadụ nchị l'iwhe mu l'ekfu, jịka l'unu te egudedu obu unu akwabẹ mu ugvu, bẹ mu l'a-tụkwa unu ọnu, tụa iwhe ndiwhe l'ewotaje bya anụ unu ọnu. Mu gbekwaa tụwaa ọnu ọbu atụtu dobe, o noo nkele unu te egudedu obu unu akwabẹ mu ugvu. O nokwa iwhe Onye-Nwe-Ọha, bụ Onye-ishi-igwe-ọgu l'ekfu ndono.
3“Leenu, mu l'a-nụ ẹpa unu kpakụduu. Mu l'e-woru nshị anụ ọbu, unu gburu gude gbaa ẹja hua unu l'iwhu. A tụko unu lẹ nshị anụ ọbu mee ntụ ekpofu. 4O noo nteke unu l'a-marụ l'ẹka ono, mu lọru unu lẹ nchị ono bụ ndụge ọgbandzu mu lẹ ndu Lívayi ekeru. O noo iwhe Onye-Nwe-Ọha bụ Onye-ishi-igwe-ọgu l'ekfu ndono.
5“Ọgbandzu mu lẹ ndu Lívayi gbarụ bụ lẹ mu l'a-nụ whẹ ndzụ, nụ whẹ ẹhu-ọdu-guu. Mu mechakwaa nụ whẹ iya gẹ mu kfuru nke ọwhu whẹbedua l'a-kwabẹ mu ugvu. Whẹ kwabẹkwa mu ugvu ọbu bya eyeru mu ẹso. 6Iwhe whẹ shi ezhi bụ ọkpobe okfu. Okfu, bụ okfu urwe ta adụdu whẹ l'ọnu. Mu lẹ ndu Lívayi ono shi tụgba bụru nnanụ, ẹhu dụ whẹ guu, ọ bụru iwhe kfụru nhamụnha bẹ whẹ shi emeje. Igweligwe madzụ bẹ whẹ meru, whẹ sefu ẹka l'ome iwhe-dụ-ẹji.
7“Iwhe gbarụ onye l'agbajẹ ẹja nụ Chileke l'ememe bụ; t'o zhije madzụ t'ọ marụ Chileke ọkpobe amama. Iwhe gbakwanụru madzụ l'ememe bụru; t'ọ chọru onye l'agbajẹ ẹja nụ Chileke jee, je eshi l'ọnu iya nwụta iwhe iwu Chileke kfuru. O noo l'onye l'agbajẹ ẹja nụ Chileke bụ onye ozhi Onye-Nwe-Ọha bụ Onye-ishi-igwe-ọgu. 8Ọle unubẹ ndu ọbu, l'agbajẹ ẹja nụ Chileke bẹ harụ ẹka ụzo ọwhu unu gege anọ eshi shilahaa ụzo ọwhu l'ẹte agbaa unu l'eshishi. Unu gudewaa iwhe unu l'ezhi mee igweligwe madzụ, whẹ ye ẹka l'ome iwhe-dụ-ẹji. Unu mebyiwaru ọgbandzu ono mu lẹ ndu Lívayi gbarụ.” O noo iwhe Onye-Nwe-Ọha bụ Onye-ishi-igwe-ọgu l'ekfu ndono. 9“Ọo ya meru, mu je l'a-gha rii mee unu t'ọ bọ dụ iwhe ndu Ízurẹlu l'a-gụbe unu, unu ta abụdu akụ unu ta abụ ẹkfu l'ẹnya whẹ mẹ unu -nọdu iya-a g'unu nọ iya, haa ome iwhe mu sụru t'unu mee; ọ bụru madzụ bẹ unu l'anọje abọ ẹbo nteke unu l'ezhi iwu mu.”
Ndu Juda te ekwedu t'e gude ire whẹ ẹka
10?Tọ dụ nna lanụ bẹ anyi tụkoru nweru? ?Tọ dụ Chileke lanụ tụkoru anyi kee? ?Ndẹhunu g'ọ nwụru l'ọobuje, anyi kwechaa madzụ ibe anyi ụkwa, anyi te emehedu iwhe ọbu anyi kweru ụkwa iya, e shi nno, anyi emerwua ọgbandzu ono, shi l'ẹka ndụ-ichee anyi whẹ?
11Ndu Juda te emehekwa iwhe whẹ kweru Chileke ụkwa ememe. Ọ bụru ahụma bẹ whẹ l'eme lẹ Jerúsalẹmu mẹe l'alị Ízurẹlu kpaa-whuu. Mbụ lẹ ndu Juda bẹ merwuwaru ụlo-nsọ ono Onye-Nwe-Ọha yeru obu, okfu lẹ whẹ je alwụshia ụnwanyi ndu ọha ọdo, l'aagwa iwhe. 12Sụa, tẹ Onye-Nwe-Ọha mekwaa t'onye meru ẹgube iwhe ono tọhu l'ibe Jékọpu, o beru ọ bụru onye. Mbụ onye l'abụje, o megee ẹgube iwhe ono, ya egudele-e iwhe bya lẹ ya l'agbarụ Onye-Nwe-Ọha, bụ Onye-ishi-igwe-ọgu ẹja.
13Ejo-iwhe ọdo unu l'emeje bụ lẹ unu l'anọje akwashị ẹnya-mini, ẹnya-mini, shi unu l'ẹnya l'anọje asọ gborogboro l'eli ẹnya-mgbẹja Onye-Nwe-Ọha. Unu l'anọje arya ẹkwa echi mkpu, l'iswi lẹ Onye-Nwe-Ọha te elejedu ẹnya lẹ ngwo-ẹja unu l'anụ iya, tọ natajẹ unu ngwo-ẹja unu. 14Ịi-jịkwaro sụ: “?Ishi iya-e?” Ishi iya bụ lẹ Onye-Nwe-Ọha nọdu nteke gụ lẹ nwanyị ono, ị lụru l'okorọbya gbarụ ndzụ lẹ mbọku ono, unu lụru. Yẹbe nwanyị bẹ nọ-turu ghu nụ, ọo nwanyị l'edobeje ọgbandzu gụ l'iya gbarụ gude lụa, ọle gụbedua te emejedu ụkwa ono, i kweru iya.
15?Ọ kwa lẹ Onye-Nwe-Ọha meru unu ẹbo, unu bụru onye lanụ, obu unu bụru nnanụ? ?Ọo gụnu bẹ Onye-Nwe-Ọha kwoberu mee t'unu bụru nnanụ? Iwhe o kwoberu mee ya bụ t'unu nwụshia ụnwegirima, l'a-bụ nke Chileke. Ọo ya bụ, t'unu kwabẹru onwunu ẹnya, t'ọ bọ dụkwa onye l'a-hajẹ ome iwhe o kweru nyee ya l'ụkwa, mbụ nwanyị ono, unu lụru l'okorọbya.
16Onye-Nwe-Ọha, bụ Chileke nke Ízurẹlu l'ekfu sụ: “Ọ dụkwa mu ashị lẹ nwoke chịfuru nyee ya l'iya ta alụhedu. Nwoke, meru nyee ya ẹgube ome-l'iwe ono bẹ dụkwa mu ashị.” O noo iwhe Onye-Nwe-Ọha, bụ Onye-ishi-igwe-ọgu l'ekfu ndono.
Ọo ya bụ, unu kwabẹru onwunu ẹnya, t'unu ba abụ ndu nyee unu l'ẹte egudee ire unu ẹka.
Mbọku ikpe dụakwa ntse
17Unu l'ekfuchinukaakwa Onye-Nwe-Ọha nchị.
Unu l'a-jịkwaro sụ: “?Ndẹhunu ụzo, anyi shi ekfuchi Onye-Nwe-Ọha nchị?”
“G'unu shi ekfuchi iya nchị bụ l'unu l'asụje lẹ ndu l'eme ejo-iwhe bẹ dụkota ree l'ẹnya Onye-Nwe-Ọha, mbụ l'iwhe whẹ l'eme l'atsọ iya ụtso.” Ọdo bụ l'unu l'ajịje sụ: “?Ndẹhunu Chileke ọbu l'ekpeje ikpe kfụru nhamụnha?”
Currently Selected:
Malakayi 2: Ezaa
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
Malakayi 2
2
Aalọ ndu l'agbajẹ ẹja nụ Chileke ẹka lẹ nchị
1“Unubẹ ndu l'agbajẹ ẹja nụ Chileke; ọ waa bụkwa ẹka mu l'alọ iya unu lẹ nchị. 2Unu -jịka l'unu ta angadụ nchị l'iwhe mu l'ekfu, jịka l'unu te egudedu obu unu akwabẹ mu ugvu, bẹ mu l'a-tụkwa unu ọnu, tụa iwhe ndiwhe l'ewotaje bya anụ unu ọnu. Mu gbekwaa tụwaa ọnu ọbu atụtu dobe, o noo nkele unu te egudedu obu unu akwabẹ mu ugvu. O nokwa iwhe Onye-Nwe-Ọha, bụ Onye-ishi-igwe-ọgu l'ekfu ndono.
3“Leenu, mu l'a-nụ ẹpa unu kpakụduu. Mu l'e-woru nshị anụ ọbu, unu gburu gude gbaa ẹja hua unu l'iwhu. A tụko unu lẹ nshị anụ ọbu mee ntụ ekpofu. 4O noo nteke unu l'a-marụ l'ẹka ono, mu lọru unu lẹ nchị ono bụ ndụge ọgbandzu mu lẹ ndu Lívayi ekeru. O noo iwhe Onye-Nwe-Ọha bụ Onye-ishi-igwe-ọgu l'ekfu ndono.
5“Ọgbandzu mu lẹ ndu Lívayi gbarụ bụ lẹ mu l'a-nụ whẹ ndzụ, nụ whẹ ẹhu-ọdu-guu. Mu mechakwaa nụ whẹ iya gẹ mu kfuru nke ọwhu whẹbedua l'a-kwabẹ mu ugvu. Whẹ kwabẹkwa mu ugvu ọbu bya eyeru mu ẹso. 6Iwhe whẹ shi ezhi bụ ọkpobe okfu. Okfu, bụ okfu urwe ta adụdu whẹ l'ọnu. Mu lẹ ndu Lívayi ono shi tụgba bụru nnanụ, ẹhu dụ whẹ guu, ọ bụru iwhe kfụru nhamụnha bẹ whẹ shi emeje. Igweligwe madzụ bẹ whẹ meru, whẹ sefu ẹka l'ome iwhe-dụ-ẹji.
7“Iwhe gbarụ onye l'agbajẹ ẹja nụ Chileke l'ememe bụ; t'o zhije madzụ t'ọ marụ Chileke ọkpobe amama. Iwhe gbakwanụru madzụ l'ememe bụru; t'ọ chọru onye l'agbajẹ ẹja nụ Chileke jee, je eshi l'ọnu iya nwụta iwhe iwu Chileke kfuru. O noo l'onye l'agbajẹ ẹja nụ Chileke bụ onye ozhi Onye-Nwe-Ọha bụ Onye-ishi-igwe-ọgu. 8Ọle unubẹ ndu ọbu, l'agbajẹ ẹja nụ Chileke bẹ harụ ẹka ụzo ọwhu unu gege anọ eshi shilahaa ụzo ọwhu l'ẹte agbaa unu l'eshishi. Unu gudewaa iwhe unu l'ezhi mee igweligwe madzụ, whẹ ye ẹka l'ome iwhe-dụ-ẹji. Unu mebyiwaru ọgbandzu ono mu lẹ ndu Lívayi gbarụ.” O noo iwhe Onye-Nwe-Ọha bụ Onye-ishi-igwe-ọgu l'ekfu ndono. 9“Ọo ya meru, mu je l'a-gha rii mee unu t'ọ bọ dụ iwhe ndu Ízurẹlu l'a-gụbe unu, unu ta abụdu akụ unu ta abụ ẹkfu l'ẹnya whẹ mẹ unu -nọdu iya-a g'unu nọ iya, haa ome iwhe mu sụru t'unu mee; ọ bụru madzụ bẹ unu l'anọje abọ ẹbo nteke unu l'ezhi iwu mu.”
Ndu Juda te ekwedu t'e gude ire whẹ ẹka
10?Tọ dụ nna lanụ bẹ anyi tụkoru nweru? ?Tọ dụ Chileke lanụ tụkoru anyi kee? ?Ndẹhunu g'ọ nwụru l'ọobuje, anyi kwechaa madzụ ibe anyi ụkwa, anyi te emehedu iwhe ọbu anyi kweru ụkwa iya, e shi nno, anyi emerwua ọgbandzu ono, shi l'ẹka ndụ-ichee anyi whẹ?
11Ndu Juda te emehekwa iwhe whẹ kweru Chileke ụkwa ememe. Ọ bụru ahụma bẹ whẹ l'eme lẹ Jerúsalẹmu mẹe l'alị Ízurẹlu kpaa-whuu. Mbụ lẹ ndu Juda bẹ merwuwaru ụlo-nsọ ono Onye-Nwe-Ọha yeru obu, okfu lẹ whẹ je alwụshia ụnwanyi ndu ọha ọdo, l'aagwa iwhe. 12Sụa, tẹ Onye-Nwe-Ọha mekwaa t'onye meru ẹgube iwhe ono tọhu l'ibe Jékọpu, o beru ọ bụru onye. Mbụ onye l'abụje, o megee ẹgube iwhe ono, ya egudele-e iwhe bya lẹ ya l'agbarụ Onye-Nwe-Ọha, bụ Onye-ishi-igwe-ọgu ẹja.
13Ejo-iwhe ọdo unu l'emeje bụ lẹ unu l'anọje akwashị ẹnya-mini, ẹnya-mini, shi unu l'ẹnya l'anọje asọ gborogboro l'eli ẹnya-mgbẹja Onye-Nwe-Ọha. Unu l'anọje arya ẹkwa echi mkpu, l'iswi lẹ Onye-Nwe-Ọha te elejedu ẹnya lẹ ngwo-ẹja unu l'anụ iya, tọ natajẹ unu ngwo-ẹja unu. 14Ịi-jịkwaro sụ: “?Ishi iya-e?” Ishi iya bụ lẹ Onye-Nwe-Ọha nọdu nteke gụ lẹ nwanyị ono, ị lụru l'okorọbya gbarụ ndzụ lẹ mbọku ono, unu lụru. Yẹbe nwanyị bẹ nọ-turu ghu nụ, ọo nwanyị l'edobeje ọgbandzu gụ l'iya gbarụ gude lụa, ọle gụbedua te emejedu ụkwa ono, i kweru iya.
15?Ọ kwa lẹ Onye-Nwe-Ọha meru unu ẹbo, unu bụru onye lanụ, obu unu bụru nnanụ? ?Ọo gụnu bẹ Onye-Nwe-Ọha kwoberu mee t'unu bụru nnanụ? Iwhe o kwoberu mee ya bụ t'unu nwụshia ụnwegirima, l'a-bụ nke Chileke. Ọo ya bụ, t'unu kwabẹru onwunu ẹnya, t'ọ bọ dụkwa onye l'a-hajẹ ome iwhe o kweru nyee ya l'ụkwa, mbụ nwanyị ono, unu lụru l'okorọbya.
16Onye-Nwe-Ọha, bụ Chileke nke Ízurẹlu l'ekfu sụ: “Ọ dụkwa mu ashị lẹ nwoke chịfuru nyee ya l'iya ta alụhedu. Nwoke, meru nyee ya ẹgube ome-l'iwe ono bẹ dụkwa mu ashị.” O noo iwhe Onye-Nwe-Ọha, bụ Onye-ishi-igwe-ọgu l'ekfu ndono.
Ọo ya bụ, unu kwabẹru onwunu ẹnya, t'unu ba abụ ndu nyee unu l'ẹte egudee ire unu ẹka.
Mbọku ikpe dụakwa ntse
17Unu l'ekfuchinukaakwa Onye-Nwe-Ọha nchị.
Unu l'a-jịkwaro sụ: “?Ndẹhunu ụzo, anyi shi ekfuchi Onye-Nwe-Ọha nchị?”
“G'unu shi ekfuchi iya nchị bụ l'unu l'asụje lẹ ndu l'eme ejo-iwhe bẹ dụkota ree l'ẹnya Onye-Nwe-Ọha, mbụ l'iwhe whẹ l'eme l'atsọ iya ụtso.” Ọdo bụ l'unu l'ajịje sụ: “?Ndẹhunu Chileke ọbu l'ekpeje ikpe kfụru nhamụnha?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust