Yona 4
4
Yona a wok shom na nemwishish Dagwi Darwey
1Yêy Yona ya lashe hɛ tyɔng wɛt na pyɛ de ya té ko a tɛ̀ shom sizɔng. 2Yaga ano, a ra won na Dagwi Darwey a ye, “À Dagwi Darwey, e pyɛ ma yemo de ma tɔk hwô ra gyam me sè rɔngɔl e vwel hom wɛt a? E pyɛ ma yemo de ya tɛ̀ ma ye ngyɛ́k na me tele vɔk e Tarshish. Ma tɔk hwà sé Dagwi wo nerat, wo toshô reyɔm, hwó ra shom ziri wɛt, hwó dura a bemat nerat mō ding-ding, ko hwà sé e yóng o kayɛ jeng na hwo tik barê yey mo hê râ shɔt. 3Yaga ano, à Dagwi Darwey, me ra won na hwo, jut neken hom, yaga a remo, a dal a me na me ku de mê sè kwen.”
4Dagwi Darwey a toyo a yɛ a ye, “A sé tyɛng na hwo ra shom arɛt?”
5Yona a nusu yi e repomo mo, ko a wɔ̀ sangal e rwa rak rɛ. A yong a tó mɛ kebuk ko a sangal e necam o, a sé gyeng na a di pyɛ de yê té na repomo mo. 6Ko Dagwi Darwey a tɛ̀ tîn cɔ̀ hak he tulu, he ras e dem de Yona a sé sangal ɛ, na he tɛ̀ a yɛ necam e ra rato mɛ, na a wok naka. Yona a vɔk yey pyɛng na tîn cɔ mo tyɔng wɛt. 7Ko nusu hwol jeng de gwi gwa hwo ta, ko Dagwi a tɛ̀ gwokut gwo re tîn cɔ mo ko ha hworok. 8Jeng de gwi gwa vey e rak o, ko Dagwi a tɛ̀ gûl rak de gwa fes vɛ̌t gwa hwo pɛsɛl. Yona a wok sede ê kushu yaga nevɛ̌t gwi de na tá a yɛ rato. Ko a dal na simo a ku, a ye, “A dal a me na me ku de mê sè kwen.”
9Ko Dagwi a yang ɛ, “A sé tyɛng na hwo ra shom yaga retîn cɔ mo a?”
Yona a toyo a yɛ a ye, “Ey, mwin, a sé a me tyɛng na me ra shom, yerê yemo de yê vey a me na me ku!”
10Dagwi Darwey a toyo a yɛ a yang ɛ, “Di, tîn cɔ hemo a sé e ji turuk hining de ha ras, ko nusû hwol ha ku, hwà re yɔ́m hak yaga hɛ wɛt, e hwo de hwà tɛ̀ hɛ he ras wɛt, ko mwa ano, yey mo ya lashe hɛ yaga hɛ! 11Ko a sé gbing-gbing na me arɔng, me wok nemwishish Nineve, gbɔng repomo de ra vɔk nèy de na dal gu naga na gu kuru baba (120,000) de nà tɔk pyɛ cak wɛt, mwa na yas pyak sizɔng arɔng.”
Currently Selected:
Yona 4: bomBI
Highlight
Copy
Compare
Share
Want to have your highlights saved across all your devices? Sign up or sign in
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust
