PA’PUDIAN 70
70
Passambayang umpalaku pa’tunduan madomi’
70:1-6
1Lu lakona pangala sengo. Pa’pudianna Daud. Ke dipennoloanni tu pemala’ kapengkilalan.
2O Puang Matua, madomi’Komi urrampananna’,
tunduina’ madomi’ o PUANG!
3Melo ke kasirisanni sia pada maila’i
tu mintu’ to undaka’ sunga’ku la naka’tu;
melo ke sorong boko’i sola nasangi sia kasirisan,
tu mintu’ to umporai ke mandasana’.
4Da’ito anna sule leko’ belanna kasirisan,
tu mintu’ to umpa’pallakanna’.
5Melo ke mintu’ to undaka’Komi
umpoparannu sia umpopaimanKomi;
melo ke mintu’ to ungkamali’ kamakarimmanan lu mai Kalemi,
tontong ma’kada: La dipakasalle tu Puang Matua!
6Aku te mandasa sia mase-mase;
madomi’Komi sae lako kaleku, o Puang Matua!
Kamumo To patunduangku sia perinding pala’ku,
da Mimarempa to lamban, o PUANG.
Currently Selected:
PA’PUDIAN 70: SDA
Highlight
Copy
Compare
Share
Want to have your highlights saved across all your devices? Sign up or sign in
Sura' Madatu, Toraja Bible 2009® © Indonesian Bible Society – Lembaga Alkitab Indonesia, 2009
