PA’PUDIAN 61
61
Passambayangna misa’ to diali’ umpalakuan kamalamberan sunga’ datu
61:1-9
1Lu lakona pangala sengo. Dipasiala oni katapi. Pa’pudianna Daud.
2Perangii, o Puang Matua, tu pengkamoyaku,
sia palan ara’i tu passambayangku.
3Dio mai tampakna padang kunii meongli’ mati’ Kalemi, belanna rosso tu penaangku;
solanna’ langngan buntu batu tu tang kusara kalena ullangnganni.
4Belanna Kamumo tu pentionganangku,
menara matoto’ untulak uali.
5La mari’pina’ lan tendaMi sae lakona,
sia la mentilindungna’ diong to’ ongan pani’Mi. Sela
6Belanna Miperangii nasangmo tu pangallonangku, o Puang Matua,
sia Mibenmo’ tu la napomana’ to ungkasiri’ sangamMi.
7Sangapaoi amMi pamalambe’i tu sunga’na datu,
anna tiro lanto mimi’na.
8Sangapaoi anna unnisung tontong sae lakona dio oloNa Puang Matua,
pasakka’i tu kamasokanan sia kamarurusan la ungkaduttu’i.
9Susimoto la kunii tontong sae lakona umpakendekan pa’pudian sangamMi;
angku palesso’i kiallo-kiallo tu mintu’ pangallonangku.
Currently Selected:
PA’PUDIAN 61: SDA
Highlight
Copy
Compare
Share
Want to have your highlights saved across all your devices? Sign up or sign in
Sura' Madatu, Toraja Bible 2009® © Indonesian Bible Society – Lembaga Alkitab Indonesia, 2009
