PA’PUDIAN 12
12
Pangando malaku dirinding pala’ dio mai to kadake
12:1-9
1Lu lakona pangala sengo. Diala madiong. Pa’pudianna Daud.
2Karitutui, PUANG, belanna tae’mo to mengkaola,
sia madarang sa’pemo tu to maruru’ dio lu mintu’ ma’rupa tau.
3Tau iato mai ma’ulelean leko’ sola solana,
sia pudukna ussa’bu’ passede situang penaa kera.
4Sanggangimi, PUANG, tu mintu’ puduk passede sia mintu’ lila ma’kada madongnga’.
5Iamotu mintu’ to ma’kada nakua: Lilaki la kipopatalo!
Sia pudukki umpangeaikan;
mindapara tu la umparentakan?
6Tu belanna kamaparrisanna to dipandasa sia belanna sarrona to mase-mase,
la ke’de’Na’ totemo, Nakua kadanNa PUANG,
la Kupalan tang nalambi’na peroso kalando tu to ungkamali’i dikarimmanni.
7Iatu kadanNa PUANG, iamo kada madatu,
susi salaka, disudi lan pa’paredean dio padang,
sia pempitu disa’po.
8O PUANG, Kamumo la ungkampaikan to makario-rio,
sia Kamumo la tontong urrinding
pala’kan dio mai to tama bilangan iate.
9Mintu’na to tang mekaaluk lumiling palong.
Sia patompo’mo tu kamegi’giran dio lu ma’rupa tau.
Currently Selected:
PA’PUDIAN 12: SDA
Highlight
Copy
Compare
Share
Want to have your highlights saved across all your devices? Sign up or sign in
Sura' Madatu, Toraja Bible 2009® © Indonesian Bible Society – Lembaga Alkitab Indonesia, 2009
