YEHEZKIEL 15
15
Yerusalem ditibe sangtinti garonto’ anggoro’ tae’ gai’na
15:1-8
1Rampomi tu kadanNa PUANG lako kaleku Nakua:
2E ma’rupa tau, apara napolosong tu kayu garonto’ anggoro’ na iatu mintu’ kayu mentangke dio lu mintu’ kayu lan lu pangala’?
3Ma’dinraka diala tu kayunna la digaraga parea, ba’tu ma’dinraka la dipotangki’, dinii ussedan apa-apa.
4Tiromi, dipakandei api; pu’pu’mo tu tampakna patomali napurai api, sia iatu tangngana mampu’mo, ma’dinparaka digaragai parea?
5Moi iatonna kalebupa, tae’ apa ma’din digaragai, ondong pole’pi, ke mangkami nakande api sia mampu’; ma’dinparaka digaragai misa’ parea?
6Iamoto, inde sia tu kadanNa Puangta PUANG, kumua: Susi Aku mangka umpakandei api tu kayu garonto’ anggoro’ tu dio lu mintu’ kayu pangala’, la susi dukaNa’ to ussorongi tu to lan Yerusalem.
7La Kupatampa’i lindoKu tu tau iato mai la unnukungi; moi anna tassu’ lan mai to’ api misa’, manassa la nakandeo api misa’. Ammi tandai, kumua Akumo tu PUANG, ke Kupatampa’i lindoKu tu tau iato mai la unnukungi.
8Na iatu tondok iato la Kupopempadang lo’bang, belanna membalimo tang maruru’ tu tau iato mai, kadanNa Puangta PUANG.
Currently Selected:
YEHEZKIEL 15: SDA
Highlight
Copy
Compare
Share
Want to have your highlights saved across all your devices? Sign up or sign in
Sura' Madatu, Toraja Bible 2009® © Indonesian Bible Society – Lembaga Alkitab Indonesia, 2009
