MATAYO 16
16
Soometap kaboorunet
(Mar 8:11-13; Luk 12:54-56)
1 # Mat 12.38; Luk 11.16 Ki pwa Pharisaik ak Sadukaik, ak kotyem ineendet kole koboorchi kaboorunet kobun kipsengwet. 2Ago ki wolji icheeget koleenji, “Ngo ek koskoleny, omwae oleen, ‘Moeni mutai, amu piriir parak,’ 3ak ngo ek karon omwa ole, ‘Usei ra, amu piriir ak kotulungenot parak.’ Ongen obesye ole teptoi soet parak, ago momuuchi obesye kaboorunoigap peetuusyechu. 4#Mat 12.39; Luk 11.29 Cheeng'ei kaboorunet ibinda ne ya, ak ne po ibeetapkei, ago ma kiboorchin kaboorunet kobatee kaboorunetap Jona.” Ki pagaakta icheek ak kwo kowechigei.
Kotechin Jeso piik
(Mar 8:14-21)
5Ye kingo kagolanda pitetap araraita, kogiutye kasubik koip magatiinik. 6#Luk 12.1 Ki leenji `Jeso icheek, “Oep iit ak oriibegei mermereegap Pharisaik ak Sadukaik.” 7Ki ng'alaaljigei icheegei ak kobwaatyigei koleen, “Abeere amu ma kiibu magatiinik.” 8Ki nai Jeso kabwaatutikwak ak ki leenji, “Ee okweek che otinye kayaneet ne ming'in, kalya si ong'alaali agobo magatiinik che ma mi? 9#Mat 14.17-21 Moguitosi agoi nguno? Mobwaati magatiinik muut eng' piik eliphuusyek muut, ak mesendoigap amitwogik che tee che ki oyum? 10#Mat 15.34-38 Anan magatiinik tisap eng' piik eliphuusyek ang'wan, ak mesendoigap magatiinik che tee che ki oyum? 11Lyon si moguiye ole ka ma ng'alaalwok agobo magatiinik? Ago oriibegei mermereegap Pharisaik ak Sadukaik.” 12Ki nai anyun kole kamamwochi icheek koriibegei mermereek che kichobe magatinik, ago kaneetisyosyegap Pharisaik ak Sadukaik.
Teebutyet agobo weeriiitap Chii
(Mar 8:27-30; Luk 9:18-21)
13Ye kingo nyo Jeso komostap Kaisarea Philippi, koteebe kasubikyik koleenji, “Mwaei piik koleen ng'oo Weeriitap chii?” 14#Mat 14.1-2; Mar 6.14-15; Luk 9.7-8 Kowol icheek kole, “Mwaei alak koleen Johana Kabatisanindet, koleen alage Elijah, ko alak koleen Jeremiah anan ko age eng' maotik.” 15koteebee koleenji, “Ago oleen okweek aa ng'oo?” 16#Jhn 6.68-69 Ki wol Simion Petero kole, “Ii Kristo, weeriitap Kamuktaindet ne sabei.” 17Kowol Jeso kole, “Iberuurot inyee, Simion Barjona, amu mang'ang'un niito poorto anan korotiik, ago Abbannyu ne mi kipsengwet. 18Amwaun anee ale ii Petero, ak eng' rwandani ateeche kanisennyu, ak ma neneti kimnatosyegap ye mi che ki kobek. 19#Mat 18.18; Jhn 20.23 Agoonin yaateiwegap pounatetap kipsengwet, ak kiy age tugul ne irate eng' ng'wony, keratei eng' kipsengwet; ak kiy age tugul ne ityaachi eng' ng'wony, kityaachi eng' kipsengwet.” 20Ki ng'at kasubik kole amat komwachi chii kole ineendet ko Kristo.
Sip komwau Jeso agobo meennyi ak ng'eetyeennyi
(Mar 8:31-9:1; Luk 9:22-27)
21Kobooch yooto anyun, kotoi Jeso koboorchi kasubikyik kole wendi ineendet Jerusalem, ak nyooru kanyaliilet ne oo eng' eunegap poisyek, tisiik che eecheen ak siriik, ak kebar, ak eng' peetuutap somok, king'eet. 22Ki nam Petero ineendet komut taban ak kotoi koger kong' koleen, “Achicha Kiptaiyat! Ma nyoonjin niito agoi.” 23Ago kiweleljigei ak koleenji Petero, “Istoenongei, Setani! Ii kanagut eng' anee; amu ma ibwaati inyee tuguugap Kamuktaindet, ago ibwaati che po kipkosabei.”
24 # Mat 10.38; Luk 14.27 Kingo pata koleenji Jeso kasubikyik, “Ngo machei chii kosubwo, ko nyolu koeesyogei, ak kosut koip kimurtoiyondennyi, ak kosubwo. 25#Mat 10.39; Luk 17.33; Jhn 12.25 Amu age tugul ne machei kosar saboondanyi, kobeeti, ak age tugul ne ibeeti saboondanyi agobo anee, konyooru. 26Keljino nee ne nyooru chii, ngo nyoor ng'wony komugul, ak kobeet saboondanyi? Anan tos igoito nee chii kowale saboondanyi? 27#Mat 25.31; Rom 2.6 Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik. 28Amwaiwok iman ale, mi alak eng' che tonondos eng' yu che ma chamchami meet kot kogeer konyonei Weeriitap chii eng' pounatennyi.”
Currently Selected:
MATAYO 16: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019