ISAIAH Ng'aleek che indou
Ng'aleek che indou
Ki maoten Isaiah eng' olo po 740-700 kotom kesich Kristo. Ki mi kosabei inee ye ki ibuti Israel ye kimi pounateet ne kiim kot ne po Assyria. Ki ng'alaalji `Isaiah piik che ki timotin itiik ak ko koryotiin (6:10) kiyesyo icheek kogas kateunoik agobo ng'emet ne kiga koriik. Ki iteechi agobo kirwoogetap Kamuktaindet ne Toroor ne nyoonei amu tengektap Judah. Ki mwachi kogeny agobo toroornatetap Kamuktaindet ne Toroor ne imuuchi koboisyee Laitoryatap piigap Syria nooto ko Cyrus komut piik koweek eng' emet ne kiga kiluulji. Ki aror kora agobo chii ne otwogiin, chii ne po aragenosyek ne tuun kimuuchi ki koten amu yaitwogik. Tuun itwoisye iman tokyinosyegapkei che po Kamuktaindet ne Toroor agobo saruunet (52:13—53:12). Kurgotik che po let kogoonech kaarorunet ne karaaran agobo yaeet ne leel ne eng' nooto kotun egu Kamuktaindet ne Toroor Laitoryat, korwookyin che yae yaityo ak kotoi kolumda pounateetap kaalyeet ne po koigeny.
Teteetap Kaneetutik
Kateunoik ak kayomisutik 1:1—12:6
Kergong'yet ne ityin pororyosyek 13:1—23:18
Kirwoogetap Kamuktaindet ak saruunennyi 24:1—27:13
Kateunoik ak kayomisutik alak 28:1—33:24
Kergong'yet ak kaweegunet 34:1—35:10
Laitoryat Hezekiah ak piigap Assyria 36:1—39:8
Ng'aleegap kagaigaet ak cheerseet 40:1—55:13
Sabeet eng' Jerusalem 56:1—66:24
Currently Selected:
ISAIAH Ng'aleek che indou: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019