ISAIAH 14
14
Kimutu Israel koweek emennywa
1Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo. 2Ak komut pororyosyek icheek agoi oldanywa, ak kobunji kootap Israel pichooto eng' emetap Kamuktaindet ne Toroor, koek otwogik ak tiibiik che otwogik. Ak koluul Israel icheek che kiga luul icheek; ak koboi usiikwak.
Meetap laitoryatap Babilon
3Ak imwa kalewenoni agobo laitoryatap Babilon eng' peetuut ne koonin Kamuktaindet ne Toroor kamuung'et eng' arageneng'ung', ak eng' nyalildang'ung', ak eng' otisyet ne uui ne ki kibirchin, 4ile,
haa, ki kowong'kei usiindet!
Ki kowong'kei koroomnateet!
5Kigoiri Kamuktaindet ne Toroor kirokta kiptengeginik,
kirokto ne po pounik,
6che kibir pororyosyek eng' nereegek
eng' piretap kotugul,
che kiboi pororyosyek eng' nereegek,
eng' usiisyet ne ma kirinda chii.
7Mi ng'wony komugul kamuung'et ak kaalyeet;
tyendos icheek kogeny.
8Ee, poiboitu piribirinik eng' inyee,
ak taragonigap Lebanon, koleen,
“Kobooch ngap iru,
koma ebech chii.”
9Kagotumdumgei ye mi che ki kobek eng' oriit
kotorogun ye inyone;
ing'eetun piik che ki kobek,
agot piik che eecheen che po ng'wony;
kagong'eet eng' ng'echerokwak che po laitornatet
laitorinik tugul che po pororyosyek.
10Waluun tugul koleenjinin,
“Tos keegu ne nyalulat ko uu acheek?
Keige acheek?”
11Kagichoorta etunateng'ung' kwo ye mi che ki kobek,
kobooto cheetap kibugandiniguk.
Isyebe kuutik,
ak kotuchin kuutik.
12 # Ng'a 8.10; 9.1 Ha-a, kaibut eng' kipsengwet,
inyee, kecheiyatap peet, weeriitap karon!
Ha-a, kagiebin ibut,
inyee ne ki inyerat pororyosyek!
13 # Mat 11.23; Luk 10.15 Ki imwa eng' muguleldang'ung' ile,
“Atogostoi kipsengwet,
atoroori ng'echerennyu ne po laitornatet kosiir kecheigap Kamuktaindet;
atebee tulweetap tuiyet,
eng' komoswek che looen che po murot kaataam.
14Atogostoi asiir poolik;
aigeitu Ineendet Ne Toroor Miising'.”
15Ago anyun, kichoortoin iwe ye mi che ki kobek,
agoi komoswek che looen che po keriinget.
16Injururin che keerin,
kobwaatin kole:
“Tos chiichito ne ki igoochi ng'wony kobotan,
chiichito ne kiitumdum laitornatosyek,
17ne ki yai ng'wony koek surkwen,
ak koluul nganasookyik,
ne ma ityaach kimonjororinikyik koba kooriikwak?”
18Ruitos laitorinik tugul che po pororyosyek eng' toroornatet,
ruei age tugul eng' koonnyi.
19Ago kagiwiirchin saang' eng' kerering'ung' ko uu temeet ne kiwechei,
ko uu ngoroigap che ki kibar,
che ki kitoore rotwetap chok,
che rektoi agoi koigap keriinget;
ko uu muusto ne kityechei.
20Motuitosi kobooto icheek eng' tubeet,
amu ki ing'em emeng'ung',
ki ibar piiguk.
Ma kemwaei koigeny iyoteetap piik che yaei yaityo.
21Ochopchi lagokyik parisyet
amu ng'oogistap kwanisyekwak;
si mang'eetyo ak konam ng'wony kobunji,
ak konyiit nganasook ng'wonyuni.
Ng'emisyet ne king'emei Babilon
22Mwaei Kamuktaindet ne Toroor ne po lugoosyek kole: “Ang'eete agirinde icheek ak aiste eng' Babilon kainet ak icheek che ki ng'et, weeriit, ak weeriitap weeriit. 23Ak agoochi komeny emonooto chepswererinik, ak tamboinigap peek. Ak abuge kabugoitap ng'emisyet, mwaei Kamuktaindet ne Toroor ne po lugoosyek.”
Ng'emisyet ne king'emei Assyria
24 # Isa 10.5-34; Nah 1.1-3.19; Zep 2.13-15 Ki koyoosyo Kamuktaindet ne Toroor ne po lugoosyek, kole,
ko uu ye ki abwaat iman,
ko yaaksei ko uu nooto;
ak ko uu ye ki achop,
kotebyei ko uu nooto,
25ale atonatoni piigap Assyria eng' emennyu,
ak atyech eng' tuloonookyuk;
koistoegei eng' icheek choginnyi,
ak koistoegei lautyennyi tigikyennywa.
26Niito chobeet ne kigechop
agobo ng'wony komugul;
ak ni ko euut ne ki kichuulji
pororyosyek tugul.
27Amu Ki kochop Kamuktaindet ne Toroor ne po lugoosyek,
ko tos ng'oo ne walei koek puch?
Chuulaat eunnyi,
tos ng'oo ne arunyi?
Kiit ne ya ne nyoonjin Philistia
28 # 2Lai 16.20; 2A.Pet 28.27 Ki piit lautyoni eng' kenyiit ne kimee Laitoryat Ahaz.
29 # Jer 47.1-7; Ezk 25.15-17; Amo 1.6-8; Zep 2.4-7; Zek 9.5-7 Amebaibaitu, inyee tugul, ee Philistia,
amu kagoil kirokto ne kibirin;
amu mang'une tigityotap ndaret ereneet,
ak egu iyotennyi ereneet ne tirireni, ne uu maat.
30Ak koamis kiboretook che po kibananook,
ak koruiyo eng' chametapkei che ma tinyei kiy;
ak abare rubeet tigityondeng'ung',
ak kebar cheguuk che ng'etu.
31Itee, ee ormariichet; riir, ee nganaseet;
kaichoot, ee Philistia, inyee tugul;
amu mang'une iyeto murot kaataam,
ama tononi chii ineegei eng' peetuusyekyik che ki king'at.
32Kiwoljin nee anyun piik che kiyooktoi, che po pororyet?
Kele, “Kagolumda Kamuktaindet ne Toroor Zion,
ak komwechi olooto piikyik che ki kius.”
Kiit ne ya ne nyoonjin Moab
Currently Selected:
ISAIAH 14: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ISAIAH 14
14
Kimutu Israel koweek emennywa
1Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo. 2Ak komut pororyosyek icheek agoi oldanywa, ak kobunji kootap Israel pichooto eng' emetap Kamuktaindet ne Toroor, koek otwogik ak tiibiik che otwogik. Ak koluul Israel icheek che kiga luul icheek; ak koboi usiikwak.
Meetap laitoryatap Babilon
3Ak imwa kalewenoni agobo laitoryatap Babilon eng' peetuut ne koonin Kamuktaindet ne Toroor kamuung'et eng' arageneng'ung', ak eng' nyalildang'ung', ak eng' otisyet ne uui ne ki kibirchin, 4ile,
haa, ki kowong'kei usiindet!
Ki kowong'kei koroomnateet!
5Kigoiri Kamuktaindet ne Toroor kirokta kiptengeginik,
kirokto ne po pounik,
6che kibir pororyosyek eng' nereegek
eng' piretap kotugul,
che kiboi pororyosyek eng' nereegek,
eng' usiisyet ne ma kirinda chii.
7Mi ng'wony komugul kamuung'et ak kaalyeet;
tyendos icheek kogeny.
8Ee, poiboitu piribirinik eng' inyee,
ak taragonigap Lebanon, koleen,
“Kobooch ngap iru,
koma ebech chii.”
9Kagotumdumgei ye mi che ki kobek eng' oriit
kotorogun ye inyone;
ing'eetun piik che ki kobek,
agot piik che eecheen che po ng'wony;
kagong'eet eng' ng'echerokwak che po laitornatet
laitorinik tugul che po pororyosyek.
10Waluun tugul koleenjinin,
“Tos keegu ne nyalulat ko uu acheek?
Keige acheek?”
11Kagichoorta etunateng'ung' kwo ye mi che ki kobek,
kobooto cheetap kibugandiniguk.
Isyebe kuutik,
ak kotuchin kuutik.
12 # Ng'a 8.10; 9.1 Ha-a, kaibut eng' kipsengwet,
inyee, kecheiyatap peet, weeriitap karon!
Ha-a, kagiebin ibut,
inyee ne ki inyerat pororyosyek!
13 # Mat 11.23; Luk 10.15 Ki imwa eng' muguleldang'ung' ile,
“Atogostoi kipsengwet,
atoroori ng'echerennyu ne po laitornatet kosiir kecheigap Kamuktaindet;
atebee tulweetap tuiyet,
eng' komoswek che looen che po murot kaataam.
14Atogostoi asiir poolik;
aigeitu Ineendet Ne Toroor Miising'.”
15Ago anyun, kichoortoin iwe ye mi che ki kobek,
agoi komoswek che looen che po keriinget.
16Injururin che keerin,
kobwaatin kole:
“Tos chiichito ne ki igoochi ng'wony kobotan,
chiichito ne kiitumdum laitornatosyek,
17ne ki yai ng'wony koek surkwen,
ak koluul nganasookyik,
ne ma ityaach kimonjororinikyik koba kooriikwak?”
18Ruitos laitorinik tugul che po pororyosyek eng' toroornatet,
ruei age tugul eng' koonnyi.
19Ago kagiwiirchin saang' eng' kerering'ung' ko uu temeet ne kiwechei,
ko uu ngoroigap che ki kibar,
che ki kitoore rotwetap chok,
che rektoi agoi koigap keriinget;
ko uu muusto ne kityechei.
20Motuitosi kobooto icheek eng' tubeet,
amu ki ing'em emeng'ung',
ki ibar piiguk.
Ma kemwaei koigeny iyoteetap piik che yaei yaityo.
21Ochopchi lagokyik parisyet
amu ng'oogistap kwanisyekwak;
si mang'eetyo ak konam ng'wony kobunji,
ak konyiit nganasook ng'wonyuni.
Ng'emisyet ne king'emei Babilon
22Mwaei Kamuktaindet ne Toroor ne po lugoosyek kole: “Ang'eete agirinde icheek ak aiste eng' Babilon kainet ak icheek che ki ng'et, weeriit, ak weeriitap weeriit. 23Ak agoochi komeny emonooto chepswererinik, ak tamboinigap peek. Ak abuge kabugoitap ng'emisyet, mwaei Kamuktaindet ne Toroor ne po lugoosyek.”
Ng'emisyet ne king'emei Assyria
24 # Isa 10.5-34; Nah 1.1-3.19; Zep 2.13-15 Ki koyoosyo Kamuktaindet ne Toroor ne po lugoosyek, kole,
ko uu ye ki abwaat iman,
ko yaaksei ko uu nooto;
ak ko uu ye ki achop,
kotebyei ko uu nooto,
25ale atonatoni piigap Assyria eng' emennyu,
ak atyech eng' tuloonookyuk;
koistoegei eng' icheek choginnyi,
ak koistoegei lautyennyi tigikyennywa.
26Niito chobeet ne kigechop
agobo ng'wony komugul;
ak ni ko euut ne ki kichuulji
pororyosyek tugul.
27Amu Ki kochop Kamuktaindet ne Toroor ne po lugoosyek,
ko tos ng'oo ne walei koek puch?
Chuulaat eunnyi,
tos ng'oo ne arunyi?
Kiit ne ya ne nyoonjin Philistia
28 # 2Lai 16.20; 2A.Pet 28.27 Ki piit lautyoni eng' kenyiit ne kimee Laitoryat Ahaz.
29 # Jer 47.1-7; Ezk 25.15-17; Amo 1.6-8; Zep 2.4-7; Zek 9.5-7 Amebaibaitu, inyee tugul, ee Philistia,
amu kagoil kirokto ne kibirin;
amu mang'une tigityotap ndaret ereneet,
ak egu iyotennyi ereneet ne tirireni, ne uu maat.
30Ak koamis kiboretook che po kibananook,
ak koruiyo eng' chametapkei che ma tinyei kiy;
ak abare rubeet tigityondeng'ung',
ak kebar cheguuk che ng'etu.
31Itee, ee ormariichet; riir, ee nganaseet;
kaichoot, ee Philistia, inyee tugul;
amu mang'une iyeto murot kaataam,
ama tononi chii ineegei eng' peetuusyekyik che ki king'at.
32Kiwoljin nee anyun piik che kiyooktoi, che po pororyet?
Kele, “Kagolumda Kamuktaindet ne Toroor Zion,
ak komwechi olooto piikyik che ki kius.”
Kiit ne ya ne nyoonjin Moab
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019