ISAIAH 13
13
Ng'olyoot agobo katereteretap Babilon
1 # Isa 47.1-15; Jer 50.1-51.64 Maotenet agobo Babilon, ne ki keer Isaiah weeriitap Amos.
2Olumde penderet eng' tulweet ne churat,
owaakyi,
onde parak eunekwok ye ong'usei koba komoswek tuwai,
si kobiit komandae ormariichogap piik che taagunotiin.
3Koang'at piikyuk che itabaanatiin,
koaguur piikyuk che nyigoonen agobo nereegekyuk,
chechuuget che igasegei etunatennyu.
4Kas polatetap tuiyet eng' tuloonook,
ne uu ne po pororyet ne oo!
Polatetap wasetapkei ne po laitornatosyek, che po pororyosyek che kaiyumgei!
Iyumi Kamuktaindet ne Toroor ne po lugoosyek lugeet agobo pooryeet.
5Punu icheek emet ne loo,
ole pooch tabandap kipsengwet,
ineendet Kamuktaindet ne Toroor, ak kariigap nereegekyik,
si kobiit kong'em emet komugul.
6 # Joel 1.15 Oteiye, amu kagoriik peetuutap Kamuktaindet ne Toroor;
nyoonei ko uu ng'emisyet ne punu Ineendet Ne po Kamuktaet.
7Nyaluldos anyun eunek tugul,
ak kochoot muguleldap chii age tugul,
8ak kotoptobenso.
Namei icheek ng'waninwek ak aragenosyek;
nyooru ng'wanindo ko uu kwondo ne amei moet.
Ak kokwong'ee `age age;
ak koigei togoochikwak togoochigap liplibenetap maat.
9Ogeero, nyoonei peetuutap Kamuktaindet ne Toroor,
ne koroom, kobooto nereeknateet ak nereegek che ng'woneen,
si kobiit koyai emet koguber,
ak kong'em kiptengeginik kogees eng' yooto.
10 # Ezk 32.7; Mat 24.29; Mar 13.24-25; Luk 21.15; Ng'a 6.12-13 Amu kecheigap kipsengwet ak kecheikyik che iyumigei
koma kogoonu lapkeiyennywa;
imenitu asiista komachei kochor,
ak ma kooluu arawet agine.
11Ak abir ng'wony amu yaityennyi,
ak abir kiptengeginik amu tengektonywa;
ak awong'u menoteetap che mendos,
ak anyeroti menoteetap che imuisei.
12Ayae chiito koek ne ki cheeng'ei kosiir thahabu che korooron,
chiito ne siirei thahabu che tiliileen che po Opir.
13Ayae anyun kipsengwet kobotan,
ak kitumdum ng'wony koistogei eng' komostanyi,
eng' nereeknatetap Kamuktaindet ne Toroor ne po lugoosyek,
ak eng' peetuutap nereegekyik che ng'woneen.
14Ko uu kenyeleet ne ki oonei,
anan ko uu keechiirek che ma iyumi chii,
ko koweekyigei chii age tugul piikyik
ak komwei chii age tugul kwo emennyi.
15Kitoorei age tugul ne kinyooru,
ak kibare rotwetap chok age tugul ne kinamei.
16Kitonatoni lagokwak kogeerei;
kiluulei kooriikwak,
ak kesuup osotikwak.
17Ogeero, ang'eeti Medik koba kobargei ak icheek,
che ma iiti fedha kole kiy,
ama poiboitune icheek thahabu.
18Ak kotonaton kwangokwak murenik;
ama tinyei riirge eng' che kisichei;
ma riiree lagok.
19 # Tau 19.24 Ak Babilon, ne ineendet ko toroornatetap laitornatosyek,
ne karaaranindap menoteetap Kaldeik,
koigeitu Sodom ak Gomorah
ye ki igabui Kamuktaindet.
20Ma komenyei piik kogeny,
ama menyei chii kong'etee ibinda agoi ibinda;
ama teechei Arabuuk emaisyek eng' olooto;
amaiyagisye olooto mestoweek.
21 # Isa 34.14; Zep 2.14; Ng'a 18.2 Ago tebee olooto tyong'ik che po surkwen;
ak konyi kooriikwak tyong'ik che irigendos;
menyei olooto tyong'igap songolik,
ak kourerense olooto kwesik.
22Ak koteiyo suik eng' irimoikwak,
ak koteiyo lelwek eng' kooriikwak che korooron che po laitorinik.
Kagoriik peetuunnyi, ama ketesei peetuusyekyik.
Currently Selected:
ISAIAH 13: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ISAIAH 13
13
Ng'olyoot agobo katereteretap Babilon
1 # Isa 47.1-15; Jer 50.1-51.64 Maotenet agobo Babilon, ne ki keer Isaiah weeriitap Amos.
2Olumde penderet eng' tulweet ne churat,
owaakyi,
onde parak eunekwok ye ong'usei koba komoswek tuwai,
si kobiit komandae ormariichogap piik che taagunotiin.
3Koang'at piikyuk che itabaanatiin,
koaguur piikyuk che nyigoonen agobo nereegekyuk,
chechuuget che igasegei etunatennyu.
4Kas polatetap tuiyet eng' tuloonook,
ne uu ne po pororyet ne oo!
Polatetap wasetapkei ne po laitornatosyek, che po pororyosyek che kaiyumgei!
Iyumi Kamuktaindet ne Toroor ne po lugoosyek lugeet agobo pooryeet.
5Punu icheek emet ne loo,
ole pooch tabandap kipsengwet,
ineendet Kamuktaindet ne Toroor, ak kariigap nereegekyik,
si kobiit kong'em emet komugul.
6 # Joel 1.15 Oteiye, amu kagoriik peetuutap Kamuktaindet ne Toroor;
nyoonei ko uu ng'emisyet ne punu Ineendet Ne po Kamuktaet.
7Nyaluldos anyun eunek tugul,
ak kochoot muguleldap chii age tugul,
8ak kotoptobenso.
Namei icheek ng'waninwek ak aragenosyek;
nyooru ng'wanindo ko uu kwondo ne amei moet.
Ak kokwong'ee `age age;
ak koigei togoochikwak togoochigap liplibenetap maat.
9Ogeero, nyoonei peetuutap Kamuktaindet ne Toroor,
ne koroom, kobooto nereeknateet ak nereegek che ng'woneen,
si kobiit koyai emet koguber,
ak kong'em kiptengeginik kogees eng' yooto.
10 # Ezk 32.7; Mat 24.29; Mar 13.24-25; Luk 21.15; Ng'a 6.12-13 Amu kecheigap kipsengwet ak kecheikyik che iyumigei
koma kogoonu lapkeiyennywa;
imenitu asiista komachei kochor,
ak ma kooluu arawet agine.
11Ak abir ng'wony amu yaityennyi,
ak abir kiptengeginik amu tengektonywa;
ak awong'u menoteetap che mendos,
ak anyeroti menoteetap che imuisei.
12Ayae chiito koek ne ki cheeng'ei kosiir thahabu che korooron,
chiito ne siirei thahabu che tiliileen che po Opir.
13Ayae anyun kipsengwet kobotan,
ak kitumdum ng'wony koistogei eng' komostanyi,
eng' nereeknatetap Kamuktaindet ne Toroor ne po lugoosyek,
ak eng' peetuutap nereegekyik che ng'woneen.
14Ko uu kenyeleet ne ki oonei,
anan ko uu keechiirek che ma iyumi chii,
ko koweekyigei chii age tugul piikyik
ak komwei chii age tugul kwo emennyi.
15Kitoorei age tugul ne kinyooru,
ak kibare rotwetap chok age tugul ne kinamei.
16Kitonatoni lagokwak kogeerei;
kiluulei kooriikwak,
ak kesuup osotikwak.
17Ogeero, ang'eeti Medik koba kobargei ak icheek,
che ma iiti fedha kole kiy,
ama poiboitune icheek thahabu.
18Ak kotonaton kwangokwak murenik;
ama tinyei riirge eng' che kisichei;
ma riiree lagok.
19 # Tau 19.24 Ak Babilon, ne ineendet ko toroornatetap laitornatosyek,
ne karaaranindap menoteetap Kaldeik,
koigeitu Sodom ak Gomorah
ye ki igabui Kamuktaindet.
20Ma komenyei piik kogeny,
ama menyei chii kong'etee ibinda agoi ibinda;
ama teechei Arabuuk emaisyek eng' olooto;
amaiyagisye olooto mestoweek.
21 # Isa 34.14; Zep 2.14; Ng'a 18.2 Ago tebee olooto tyong'ik che po surkwen;
ak konyi kooriikwak tyong'ik che irigendos;
menyei olooto tyong'igap songolik,
ak kourerense olooto kwesik.
22Ak koteiyo suik eng' irimoikwak,
ak koteiyo lelwek eng' kooriikwak che korooron che po laitorinik.
Kagoriik peetuunnyi, ama ketesei peetuusyekyik.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019