POISYONIGAP CHE KIYOKTOI 7
7
Amdaetap Stepano
1koteebee anyun tisiindet ne oo kole, “Tos uu chooto tuguuchu?” 2#Tau 12.1 Kowol Stepano kole, “Che kitupche ak kwanisyekyok, ogaso! Ki mong'ji Kamuktaindet ne po toroornatet kwandanyo Abraham, ye ki mi Mesopotamia, kotomo komeny Haran. 3Ki leenji, ‘Mong'u eng' emeng'ung' ak eng' ole mi piiguk, ak inyoo emet neta aboorun.’ 4#Tau 11.31; 12.4 Komong' anyun eng' emetap Kaldeik ak komeny Haran. Kingo kagome kwandanyi, ko uu `Kamuktaindet ineendet, konyo emoniito omenye rani. 5#Tau 12.7; 13.15; 15.18; 17.8 Ki ma igoochi ineendet poroteet eng' olooto, acha, agot ole indoi keldanyi; ak ki iarorchi kole tuun igoochin ineendet ak iyotennyi eng' let, nganda kitom kosich lakwa. 6#Tau 15.13-14 Ak ki mwa Kamuktaindet ko uu ni, kole, Egu lagokyik punootik eng' emetap piik alak, che tuun yaei icheek koek otwogik ak koyachi ne ya eng' kenyiisyek pogol ang'wan. 7#Kom 3.12 Ago arwookyini pororyonooto ne ratei icheek. Ak ye ibata nooto komong' ak koboisyeiwo eng' olito. 8#Tau 17.10-14; 21.2-4; 25.26; 29.31-35.18 Ki igoochi ineendet arorutyet ne po kamuratanet. Ki sich anyun `Abraham Isak ak komuratan ineendet eng' peetuut ne po sisiit. Kosich `Isak Jakobo, ak ki sich `Jakobo kwanisyekyok taman ak aeng'.
9 # Tau 37.11,28; 39.2,21 “Ye kingo am ng'et kong' poisyechooto agobo Joseph, koalda ineendet kwo Misiri. Ago ki mi Kamuktaindet kobooto ineendet, 10#Tau 41.39-41 ak ki sar ineendet eng' nyalilwogikyik tugul, ak kogoochi chameet ak utaatyet eng' taitap Pharaoh laitoryatap Misiri; ne ki inde ineendet koek pounindet eng' Misiri ak koonnyi tugul. 11#Tau 42.1-2 Ki nyo anyun rubeet Misiri komugul ak Kanaan, ak ki piit nyalilda ne oo, ak ma nyoor kwanisyekyok amitwogik. 12Ago ye kingo kas Jakobo kole miitei peek Misiri, koyookto kwanisyekyok eng' panda ne po tai. 13#Tau 45.1,16 Ak eng' panda ne po aeng' koboorchigei `Joseph tupchosyekyik; ak kinaak eng' Pharaoh piigap Joseph. 14#Tau 45.9-10; 17.18; Tau 46.27 Ak ki iyookto Joseph kole keguur kwandanyi Jakobo ak piikyik tugul, piik tamanwogik tisap ak muut. 15#Tau 46.1-7; 49.33 Kochoortagei anyun Jakobo kwo Misiri. Ki me ineendet eng' olooto ko uu kwanisyekyok. 16#Tau 23.3-16; 33.19; 50.7-13; Jos 24.32 Ki kila icheek koba Shekem ak ki kitupchi kererit ne kiga al Abraham eng' kamanuutyetap fedha eng' weeriigap Hamor eng' Shekem.
17 # Kom 1.7-8 “Ye kingo riik peetuut ne po arorutyet, ne ki iyasyechi `Kamuktaindet Abraham, koyabak piik ak kotesagis eng' Misiri, 18agoi kobiit laitoryat age eng' Misiri, ne ki ma kongen Joseph. 19#Kom 1.10-11,22 Ki ng'oomenji ineendet pororyennyo, ak koyachi ne ya kwanisyekyok, si kolakta manyurunikwak si ma sapcho. 20#Kom 2.2 Eng' peetuusyechooto ko ki kisich Musa ak ki karaaran ineendet miising'; ak ki kigu eng' kootap kwandanyi arawek somok; 21#Kom 2.3-10 ak kingo kagemeto, konyo che po Pharaoh, konyo komut ak kogu koek weeriinnyi. 22Ak ki kineet Musa utaatyet tugul ne po Misiriik ak ki kiim eng' ng'aleekyik ak poisyonikyik.
23 # Kom 2.11-15 “Ye kingo it olo po kenyiisyek artam, kobwaat eng' muguleldanyi korutoochi tupchosyekyik, piigap Israel. 24Ye kingo keer kinyaliili age eng' icheek, kotoret ineendet ak koyaaktoochi mugetuut ineendet ne kaginyalili, kokwer Misirindet kobar. 25Ki leen ineendet naei tupchosyekyik kole igoochin Kamuktaindet icheek saruunet eng' eunnyi, ago ma nai. 26Ak eng' peetuut ne isubi nooto kochunji icheek koboortos, ak kimachei ko oiyo icheek, koleenji, Murenju, otupche okweek; kalya si oyachigei ne ya? 27Ago ki toorta ineendet ne ki yachi nin age ne ya, ak kole, Ng'oo ne koindein iegu pounindet ak kirwoogindet kot irwokwech? 28Imache ibara ko uu ye koibar Misirindet amut? 29#Kom 18.3-4 Ki mwee Musa anyun ng'olyoondonooto, kwo komwei ak koek punootyo eng' emetap Midian, ole ki sikyi weeriik aeng'.
30 # Kom 3.1-10 “Kingo pata kenyiisyek artamu, komong'ji ineendet `malaikaiyat eng' surkwen ne po tulweetap Sinai, eng' maat ne lalei eng' keetit ne samum. 31Ak kingo keer Musa, kokwong' eng' kioto kageer; ak kingo riikta kole kogeer, kotwek kutitap Kiptaiyat kole: 32‘Aa Kamuktaindet ne po kwanisyeguk, Kamuktaindet ne po Abraham, ak ne po Isak, ak ne po Jakobo.’ Kobotan Musa ak ko mata kogany kogeer. 33Koleenji Kiptaiyat anyun ineendet, ‘Icheru kweoniguk eng' keelyeguk, amu tiliil ng'wonyut yooto itonone. 34Ki ageer iman nyalildap piikyuk che miitei Misiri, ak ki agas tigenennywa, ak kaachooruge si kobiit asar icheek: nyoo anyun nguno, ayookten iwe Misiri.’
35 # Kom 2.14 “Musa niito ne ki eesyo icheek, koleen, ‘Ng'oo ne koindein iegu pounindet ak kirwoogindet?’ Ineendet ne ki iyookto Kamuktaindet eng' eutap malaikaiyat ne ki mong'ji ineendet eng' keetit si kobiit koek pounindet, ak katyagindet. 36#Kom 7.3; 14.21; Kai 14.33 Ki imut chiichi anyun icheek komanda, ye kingo kagoyai kwang'utik ak kaboorunoik eng' Misiri, ak eng' araraita ne piriir, ak eng' kenyiisyek artam eng' surkwen. 37#NKNg'a 8.15,18 Musa niito ko nooto ne ki leenji piigap Israel, ‘Ing'eetwok Kamuktaindet ne Toroor maotyot ne tuun punu che otupche, ne uu anee.’ 38#Kom 19.1-20.17; NKNg'a 5.1-33 Ye kimi tuiyet eng' surkwen, ko Musa niito ne ki ng'alaalji `malaikaiyat eng' tulweet ne po Sinai ak kobooto kwanisyekyok. Ineendet ne ki taach ng'aleek che saptos si kogoonech. 39Ki ma kas iit kwanisyekyok ineendet, ago ki eesyo ineendet, ak kiweektagei mugulelwekwak Misiri, 40#Kom 32.1 koleenji Aron: ‘Yaiywech kanamonik kondoenech; amu ma kingen ole katepto Musa niito, ne ki imutwech kemang'une emetap Misiri.’ 41#Kom 32.2-6 Ki yai anyun moita eng' peetuusyechooto, ak koipchi tiseiywot kanamwonooto, ak koboiboitu eng' poisyonigap eunekwak. 42#Amo 5.25-27 Ago ki ituktoochi patai Kamuktaindet icheek, ak kogoito icheek koot lugeetap kipsengwet; ko uu ye siraat eng' bukuitap maotik, keele:
‘Tos ki ogoono che kiyagi che kageeny ak tiseiywek
eng' kenyiisyek artam eng' surkwen,
Ee kootap Israel?
43Ki oip okweek emait ne po Molok,
ak kecheiyat ne po kanamwet Repan,
kanamonik che ki oyai si osaa.
Ara amu nooto autok obe Babilon pitoniin.’
44 # Kom 25.9,40 “Ki tinyei kwanisyekyok Emait ne po Paornateet eng' surkwen, ko uu ye kiga koaror ineendet ne ki mwachi Musa, koleenji, koyai ko uu kergeindo ne kiga kogeer. 45#Jos 3.14-17 Ne ki ip kwanisyekyok ak icheek eng' peetuusyekwak, kobooto Joshua, ye kinamei Pororyosyek, che ki oon Kamuktaindet eng' taitap kwanisyekyok. Ki mi yooto agoi peetuusyegap Daudi, 46#2Sam 7.1-16; 1A.Pet 17.1-14 ne kinyoor chameet eng' taitap Kamuktaindet, ak kosoom konyoor meng'ootetap Kamuktaindet ne po Jakobo. 47#1Lai 6.1-38; 2A.Pet 3.1-17 Ago ki Solomon ne kiteekyi ineendet koot.
48“Ago ma menyei Ineendet Ne Toroor Miising' kooriik che kiyae eunek; ko uu ye mwaei maotyot, kole,
49 # Isa 66.1-2 ‘Ng'echerennyu ne po laitornatet kipsengwet,
ak ng'wony ko ng'echereetap keelyekyuk.
Tos oteekwo koot ne uu nee? Mwaei Kiptaiyat,
anan ano ole amuung'e?
50Tos ma eunnyu ne kiyaei tuguuchu tugul?’
51 # Isa 63.10 “Okweek che uui kaat che ma kimuratan mugulelwek ak iitiik, ogirindoi Kabuuset ne Tiliil kotugul, oyae ak okweek ko uu ye kiyaei kwanisyekwok. 52Ng'oo eng' maotik ne ma us kwanisyekwok? Ak ki par che kisip koboor nyonunetap Chiito ne po Imanda; ne kaoegu okweek nguno ng'wektoik ak rumiik. 53Okweek che ki otaach Ng'atuutyet ko uu ye ki king'at eng' malaikaisyek, ak ma oriip.”
Kelachei Stepano
54Ye kingo kas ng'aleechuuto kong'woneegitu miising' eng' mugulelwekwak, ak konyei kelek agobo ineendet. 55Ago ki inyal kipsengwet kochiilji kong' ko nyiitaat ineendet Kabuuset ne Tiliil, ak ki keer liilindap Kamuktaindet ak Jeso kotononi eng' eutap tai ne po Kamuktaindet. 56Ak ki le, “Ogeero, ageere kipsengwet ko kagoyatagis, ak kotononi Weeriitap chii eng' eutap tai ne po Kamuktaindet.”
57Ago ki polyo eng' kutit ne oo, ak koger iitiikwak, ak kotorombenji kibagenge; 58ak ki toorta ineendet komanda eng' nganaseet, ak kolage koik. Ki inde paorinik ngoroikwak keelyegap muren age ne ki kiguure Saulo. 59Kolach anyun Stepano, koguurei Kiptaiyat, koleen, “Kiptaiyat Jeso, taach saboondanyu.” 60Ak kigutuny ak komwa eng' kutit ne oo kole, “Kiptaiyat, ameiityi icheek tengegi.” Ak kingo kagomwa niito, konuuch.
Currently Selected:
POISYONIGAP CHE KIYOKTOI 7: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
POISYONIGAP CHE KIYOKTOI 7
7
Amdaetap Stepano
1koteebee anyun tisiindet ne oo kole, “Tos uu chooto tuguuchu?” 2#Tau 12.1 Kowol Stepano kole, “Che kitupche ak kwanisyekyok, ogaso! Ki mong'ji Kamuktaindet ne po toroornatet kwandanyo Abraham, ye ki mi Mesopotamia, kotomo komeny Haran. 3Ki leenji, ‘Mong'u eng' emeng'ung' ak eng' ole mi piiguk, ak inyoo emet neta aboorun.’ 4#Tau 11.31; 12.4 Komong' anyun eng' emetap Kaldeik ak komeny Haran. Kingo kagome kwandanyi, ko uu `Kamuktaindet ineendet, konyo emoniito omenye rani. 5#Tau 12.7; 13.15; 15.18; 17.8 Ki ma igoochi ineendet poroteet eng' olooto, acha, agot ole indoi keldanyi; ak ki iarorchi kole tuun igoochin ineendet ak iyotennyi eng' let, nganda kitom kosich lakwa. 6#Tau 15.13-14 Ak ki mwa Kamuktaindet ko uu ni, kole, Egu lagokyik punootik eng' emetap piik alak, che tuun yaei icheek koek otwogik ak koyachi ne ya eng' kenyiisyek pogol ang'wan. 7#Kom 3.12 Ago arwookyini pororyonooto ne ratei icheek. Ak ye ibata nooto komong' ak koboisyeiwo eng' olito. 8#Tau 17.10-14; 21.2-4; 25.26; 29.31-35.18 Ki igoochi ineendet arorutyet ne po kamuratanet. Ki sich anyun `Abraham Isak ak komuratan ineendet eng' peetuut ne po sisiit. Kosich `Isak Jakobo, ak ki sich `Jakobo kwanisyekyok taman ak aeng'.
9 # Tau 37.11,28; 39.2,21 “Ye kingo am ng'et kong' poisyechooto agobo Joseph, koalda ineendet kwo Misiri. Ago ki mi Kamuktaindet kobooto ineendet, 10#Tau 41.39-41 ak ki sar ineendet eng' nyalilwogikyik tugul, ak kogoochi chameet ak utaatyet eng' taitap Pharaoh laitoryatap Misiri; ne ki inde ineendet koek pounindet eng' Misiri ak koonnyi tugul. 11#Tau 42.1-2 Ki nyo anyun rubeet Misiri komugul ak Kanaan, ak ki piit nyalilda ne oo, ak ma nyoor kwanisyekyok amitwogik. 12Ago ye kingo kas Jakobo kole miitei peek Misiri, koyookto kwanisyekyok eng' panda ne po tai. 13#Tau 45.1,16 Ak eng' panda ne po aeng' koboorchigei `Joseph tupchosyekyik; ak kinaak eng' Pharaoh piigap Joseph. 14#Tau 45.9-10; 17.18; Tau 46.27 Ak ki iyookto Joseph kole keguur kwandanyi Jakobo ak piikyik tugul, piik tamanwogik tisap ak muut. 15#Tau 46.1-7; 49.33 Kochoortagei anyun Jakobo kwo Misiri. Ki me ineendet eng' olooto ko uu kwanisyekyok. 16#Tau 23.3-16; 33.19; 50.7-13; Jos 24.32 Ki kila icheek koba Shekem ak ki kitupchi kererit ne kiga al Abraham eng' kamanuutyetap fedha eng' weeriigap Hamor eng' Shekem.
17 # Kom 1.7-8 “Ye kingo riik peetuut ne po arorutyet, ne ki iyasyechi `Kamuktaindet Abraham, koyabak piik ak kotesagis eng' Misiri, 18agoi kobiit laitoryat age eng' Misiri, ne ki ma kongen Joseph. 19#Kom 1.10-11,22 Ki ng'oomenji ineendet pororyennyo, ak koyachi ne ya kwanisyekyok, si kolakta manyurunikwak si ma sapcho. 20#Kom 2.2 Eng' peetuusyechooto ko ki kisich Musa ak ki karaaran ineendet miising'; ak ki kigu eng' kootap kwandanyi arawek somok; 21#Kom 2.3-10 ak kingo kagemeto, konyo che po Pharaoh, konyo komut ak kogu koek weeriinnyi. 22Ak ki kineet Musa utaatyet tugul ne po Misiriik ak ki kiim eng' ng'aleekyik ak poisyonikyik.
23 # Kom 2.11-15 “Ye kingo it olo po kenyiisyek artam, kobwaat eng' muguleldanyi korutoochi tupchosyekyik, piigap Israel. 24Ye kingo keer kinyaliili age eng' icheek, kotoret ineendet ak koyaaktoochi mugetuut ineendet ne kaginyalili, kokwer Misirindet kobar. 25Ki leen ineendet naei tupchosyekyik kole igoochin Kamuktaindet icheek saruunet eng' eunnyi, ago ma nai. 26Ak eng' peetuut ne isubi nooto kochunji icheek koboortos, ak kimachei ko oiyo icheek, koleenji, Murenju, otupche okweek; kalya si oyachigei ne ya? 27Ago ki toorta ineendet ne ki yachi nin age ne ya, ak kole, Ng'oo ne koindein iegu pounindet ak kirwoogindet kot irwokwech? 28Imache ibara ko uu ye koibar Misirindet amut? 29#Kom 18.3-4 Ki mwee Musa anyun ng'olyoondonooto, kwo komwei ak koek punootyo eng' emetap Midian, ole ki sikyi weeriik aeng'.
30 # Kom 3.1-10 “Kingo pata kenyiisyek artamu, komong'ji ineendet `malaikaiyat eng' surkwen ne po tulweetap Sinai, eng' maat ne lalei eng' keetit ne samum. 31Ak kingo keer Musa, kokwong' eng' kioto kageer; ak kingo riikta kole kogeer, kotwek kutitap Kiptaiyat kole: 32‘Aa Kamuktaindet ne po kwanisyeguk, Kamuktaindet ne po Abraham, ak ne po Isak, ak ne po Jakobo.’ Kobotan Musa ak ko mata kogany kogeer. 33Koleenji Kiptaiyat anyun ineendet, ‘Icheru kweoniguk eng' keelyeguk, amu tiliil ng'wonyut yooto itonone. 34Ki ageer iman nyalildap piikyuk che miitei Misiri, ak ki agas tigenennywa, ak kaachooruge si kobiit asar icheek: nyoo anyun nguno, ayookten iwe Misiri.’
35 # Kom 2.14 “Musa niito ne ki eesyo icheek, koleen, ‘Ng'oo ne koindein iegu pounindet ak kirwoogindet?’ Ineendet ne ki iyookto Kamuktaindet eng' eutap malaikaiyat ne ki mong'ji ineendet eng' keetit si kobiit koek pounindet, ak katyagindet. 36#Kom 7.3; 14.21; Kai 14.33 Ki imut chiichi anyun icheek komanda, ye kingo kagoyai kwang'utik ak kaboorunoik eng' Misiri, ak eng' araraita ne piriir, ak eng' kenyiisyek artam eng' surkwen. 37#NKNg'a 8.15,18 Musa niito ko nooto ne ki leenji piigap Israel, ‘Ing'eetwok Kamuktaindet ne Toroor maotyot ne tuun punu che otupche, ne uu anee.’ 38#Kom 19.1-20.17; NKNg'a 5.1-33 Ye kimi tuiyet eng' surkwen, ko Musa niito ne ki ng'alaalji `malaikaiyat eng' tulweet ne po Sinai ak kobooto kwanisyekyok. Ineendet ne ki taach ng'aleek che saptos si kogoonech. 39Ki ma kas iit kwanisyekyok ineendet, ago ki eesyo ineendet, ak kiweektagei mugulelwekwak Misiri, 40#Kom 32.1 koleenji Aron: ‘Yaiywech kanamonik kondoenech; amu ma kingen ole katepto Musa niito, ne ki imutwech kemang'une emetap Misiri.’ 41#Kom 32.2-6 Ki yai anyun moita eng' peetuusyechooto, ak koipchi tiseiywot kanamwonooto, ak koboiboitu eng' poisyonigap eunekwak. 42#Amo 5.25-27 Ago ki ituktoochi patai Kamuktaindet icheek, ak kogoito icheek koot lugeetap kipsengwet; ko uu ye siraat eng' bukuitap maotik, keele:
‘Tos ki ogoono che kiyagi che kageeny ak tiseiywek
eng' kenyiisyek artam eng' surkwen,
Ee kootap Israel?
43Ki oip okweek emait ne po Molok,
ak kecheiyat ne po kanamwet Repan,
kanamonik che ki oyai si osaa.
Ara amu nooto autok obe Babilon pitoniin.’
44 # Kom 25.9,40 “Ki tinyei kwanisyekyok Emait ne po Paornateet eng' surkwen, ko uu ye kiga koaror ineendet ne ki mwachi Musa, koleenji, koyai ko uu kergeindo ne kiga kogeer. 45#Jos 3.14-17 Ne ki ip kwanisyekyok ak icheek eng' peetuusyekwak, kobooto Joshua, ye kinamei Pororyosyek, che ki oon Kamuktaindet eng' taitap kwanisyekyok. Ki mi yooto agoi peetuusyegap Daudi, 46#2Sam 7.1-16; 1A.Pet 17.1-14 ne kinyoor chameet eng' taitap Kamuktaindet, ak kosoom konyoor meng'ootetap Kamuktaindet ne po Jakobo. 47#1Lai 6.1-38; 2A.Pet 3.1-17 Ago ki Solomon ne kiteekyi ineendet koot.
48“Ago ma menyei Ineendet Ne Toroor Miising' kooriik che kiyae eunek; ko uu ye mwaei maotyot, kole,
49 # Isa 66.1-2 ‘Ng'echerennyu ne po laitornatet kipsengwet,
ak ng'wony ko ng'echereetap keelyekyuk.
Tos oteekwo koot ne uu nee? Mwaei Kiptaiyat,
anan ano ole amuung'e?
50Tos ma eunnyu ne kiyaei tuguuchu tugul?’
51 # Isa 63.10 “Okweek che uui kaat che ma kimuratan mugulelwek ak iitiik, ogirindoi Kabuuset ne Tiliil kotugul, oyae ak okweek ko uu ye kiyaei kwanisyekwok. 52Ng'oo eng' maotik ne ma us kwanisyekwok? Ak ki par che kisip koboor nyonunetap Chiito ne po Imanda; ne kaoegu okweek nguno ng'wektoik ak rumiik. 53Okweek che ki otaach Ng'atuutyet ko uu ye ki king'at eng' malaikaisyek, ak ma oriip.”
Kelachei Stepano
54Ye kingo kas ng'aleechuuto kong'woneegitu miising' eng' mugulelwekwak, ak konyei kelek agobo ineendet. 55Ago ki inyal kipsengwet kochiilji kong' ko nyiitaat ineendet Kabuuset ne Tiliil, ak ki keer liilindap Kamuktaindet ak Jeso kotononi eng' eutap tai ne po Kamuktaindet. 56Ak ki le, “Ogeero, ageere kipsengwet ko kagoyatagis, ak kotononi Weeriitap chii eng' eutap tai ne po Kamuktaindet.”
57Ago ki polyo eng' kutit ne oo, ak koger iitiikwak, ak kotorombenji kibagenge; 58ak ki toorta ineendet komanda eng' nganaseet, ak kolage koik. Ki inde paorinik ngoroikwak keelyegap muren age ne ki kiguure Saulo. 59Kolach anyun Stepano, koguurei Kiptaiyat, koleen, “Kiptaiyat Jeso, taach saboondanyu.” 60Ak kigutuny ak komwa eng' kutit ne oo kole, “Kiptaiyat, ameiityi icheek tengegi.” Ak kingo kagomwa niito, konuuch.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019