POISYONIGAP CHE KIYOKTOI 6
6
Lewenetap kandoik tisap
1Eng' peetuusyechooto anyun, ye kitesaksei koitetap kasubik, kong'eet kang'unyng'unyet eng' Yahudik che ki kutinnywa ko Yunanik, kong'unyng'ung'ji Yahudik, amu ki kinyasta mosoogikwak eng' tuguuk che ki cham kigoochin kotugul. 2Koguur anyun tamanu ak aeng' tuiyet ne po kasubik ak koleenji, “Ma myee kebagaakte ng'olyootap Kamuktaindet ak keboisye eng' mesosyek. 3Ko uu nooto anyun, che kitupche, ocheeng' piik tisap eng' okweek che taagunotiin keele myachen, che nyiitootiin Kabuuset ne Tiliil ak utaatyet, che kimuuchi kinde poisyoni. 4Ago si ki kiiljige acheek saaet, ak kaneetisyetap ng'olyoot.”
5Ki cham anyun tuiyet komugul ng'olyoondonooto; ak ki lewen Stepano, chiito ne nyiitaat kayaneet ak Kabuuset ne Tiliil, ak Philipu, ak Prokoro, ak Nikanor, ak Timon, ak Parmena, ak Nikola ne po Antiok ne kiwalak koek Yahudyot. 6Ki inde chooto anyun taitap che kiyooktoi, che ki imuuch kosachi ak kogonoor icheek eunekwak.
7Kitesak anyun ng'olyootap Kamuktaindet; ak kotesak miising' koitetap kasubik eng' Jerusalem; ak kogas iit kayaneet tuiyet ne oo ne po tisiik.
Kitaami Stepano
8Ak kinyiitat Stepano myeeindo ak kamuget, koyai anyun kwang'utik che eecheen ak kaboorunoik eng' kwenutap piik. 9Ago king'eetyo alak che po sinagogit ne po Che Ityagotin (ko uu ye ki kiguuree), che ki punu Cyrene, che po Alexandria, ak alak chooto che po piigap Cilicia ak Asia, ak kobelgei ak Stepano. 10Ago ki ma imuuch icheek kogirinda utaatyet ak Kabuuset ne Tiliil ne ki ng'alaale ineendet. 11Kogaigai anyun eng' ung'at piik komwa kole, “Kigegas komwaei ineendet ng'aleek che po chubisyet agobo Musa ak Kamuktaindet.” 12Kong'eetng'eet anyun piik konereekso ak poisyek, ak siriik, kobwonji ineendet ak konam ak komut kwo kapkirwook, 13ak konde paorinik che po lembech, che ki mwa kole, “Mabagaaktoi chiichi komwa ng'aleek che yaach agobo yu tiliil ak Ng'atuutyet; 14amu kigegas ineendet komwaei koleen, tatun kong'emei yuto Jeso niito po Nazareth, ak kowal pitonwek che ki koonech Musa.” 15Ki ichiilji kong' anyun ineendet `piik tugul che kitebyei eng' kapkirwook, kogeer togeennyi ko uu togeetap malaikaiyat.
Currently Selected:
POISYONIGAP CHE KIYOKTOI 6: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
POISYONIGAP CHE KIYOKTOI 6
6
Lewenetap kandoik tisap
1Eng' peetuusyechooto anyun, ye kitesaksei koitetap kasubik, kong'eet kang'unyng'unyet eng' Yahudik che ki kutinnywa ko Yunanik, kong'unyng'ung'ji Yahudik, amu ki kinyasta mosoogikwak eng' tuguuk che ki cham kigoochin kotugul. 2Koguur anyun tamanu ak aeng' tuiyet ne po kasubik ak koleenji, “Ma myee kebagaakte ng'olyootap Kamuktaindet ak keboisye eng' mesosyek. 3Ko uu nooto anyun, che kitupche, ocheeng' piik tisap eng' okweek che taagunotiin keele myachen, che nyiitootiin Kabuuset ne Tiliil ak utaatyet, che kimuuchi kinde poisyoni. 4Ago si ki kiiljige acheek saaet, ak kaneetisyetap ng'olyoot.”
5Ki cham anyun tuiyet komugul ng'olyoondonooto; ak ki lewen Stepano, chiito ne nyiitaat kayaneet ak Kabuuset ne Tiliil, ak Philipu, ak Prokoro, ak Nikanor, ak Timon, ak Parmena, ak Nikola ne po Antiok ne kiwalak koek Yahudyot. 6Ki inde chooto anyun taitap che kiyooktoi, che ki imuuch kosachi ak kogonoor icheek eunekwak.
7Kitesak anyun ng'olyootap Kamuktaindet; ak kotesak miising' koitetap kasubik eng' Jerusalem; ak kogas iit kayaneet tuiyet ne oo ne po tisiik.
Kitaami Stepano
8Ak kinyiitat Stepano myeeindo ak kamuget, koyai anyun kwang'utik che eecheen ak kaboorunoik eng' kwenutap piik. 9Ago king'eetyo alak che po sinagogit ne po Che Ityagotin (ko uu ye ki kiguuree), che ki punu Cyrene, che po Alexandria, ak alak chooto che po piigap Cilicia ak Asia, ak kobelgei ak Stepano. 10Ago ki ma imuuch icheek kogirinda utaatyet ak Kabuuset ne Tiliil ne ki ng'alaale ineendet. 11Kogaigai anyun eng' ung'at piik komwa kole, “Kigegas komwaei ineendet ng'aleek che po chubisyet agobo Musa ak Kamuktaindet.” 12Kong'eetng'eet anyun piik konereekso ak poisyek, ak siriik, kobwonji ineendet ak konam ak komut kwo kapkirwook, 13ak konde paorinik che po lembech, che ki mwa kole, “Mabagaaktoi chiichi komwa ng'aleek che yaach agobo yu tiliil ak Ng'atuutyet; 14amu kigegas ineendet komwaei koleen, tatun kong'emei yuto Jeso niito po Nazareth, ak kowal pitonwek che ki koonech Musa.” 15Ki ichiilji kong' anyun ineendet `piik tugul che kitebyei eng' kapkirwook, kogeer togeennyi ko uu togeetap malaikaiyat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019