POISYONIGAP CHE KIYOKTOI 12
12
Kebarei Jakobo
1Ye ki neegit peetuusyechooto kotoi laitoryat Herod kous alak che po kaniset. 2Ki par Jakobo ng'eetap kametap Johana eng' rotwetap chok. 3Ak ye kingo keer kole ki ibaibai nooto Yahudik, kotoi konam Petero agine. Ak kibetusyegap magatyat ne ma kinde mermereek, peetuusyechooto. 4#Kom 12.1-27 Kingo kagonam ineendet, konde korgoreet, ak kogoochi kiplugotinik ang'wan konyil ang'wan koriip ineendet, koleen ye ibata Paska komutyi piik. 5Ye ki kiriipe Petero anyun eng' korgoreet, ko ki saaei kaniset Kamuktaindet miising' agobo ineendet.
Komandoi Petero eng' korgoreet
6Eng' kemounooto ki machei `Herod komoong' ineendet, ko ki rue `Petero kwenutap asigarik aeng', koratatee nyororosyek aeng'. Ak ki riip korgoreet riibiik eng' taitap kurgeet. 7Ak ogeero, ki tonon malaikaiyatap Kiptaiyat eng' ye neegitee ineendet ak ki ikweny lapkeiyet koot. Ki irabaach karaastap Petero ak kong'eet koleenji, “Ng'eet chokyi.” Ak ki ibutyo nyororosyek che ki mi eunekyik. 8Ak koleenji malaikaiyat ineendet, “Ratkei, indegei kweoniguk ak irat.” Ak ki yai ko uu nooto. Ak ki leenji, “Ilaach ngoryeeng'ung' ak isubwo.” 9Ak ki wo Petero saang' ak koosup ineendet; ak ki ma nai kole iman kiit ne kayai malaikaiyat, ago kileen kageer ng'ang'utyet. 10Kingo kagosiir riipseet ne po tai ak ne po aeng', kobwa agoi ormariichet ne po karnet ne kibunei kebendi nganaseet, koyaatak ineegei. Ak kimanda saang' ak koba kobun ooreet agenge; ak eng' sainooto kobagaakta ineendet `malaikaiyat kwo.
11Ye kingo pwaat Petero, komwa kole, “Kaanai nguno iman, ale, kagoyok `Kiptaiyat malaikaiyandennyi ak kasarwo eng' eutap Herod, ak eng' kagenisyet tugul ne po piigap Yahudik.”
12Ara ye kingo kagobwaat komyee, konyo kootap Maria kametap Johana ne kiguure kainennyi ne po aeng' Mariko, ole kiga koyumjigei che chaang' ak kosaaei. 13Ak ye kingo kongony kurgeetap ormariichet, konyo chepto ne ki kiguure Roda kogas. 14Ak kingo nai chebooto kutitap Petero, koma koyaat ormariichet amu poiboiyet ago kilabat ko, ak komwaita kole tononi Petero eng' ormariichet. 15Ki leenji `icheek ineendet, “Amin iywek!” Ago ki mwa eng' kimnateet kole, uu nooto. Ak ki mwa icheek kole, “Malaikaiyandennyi.” 16Ago kites Petero kogongony; ak kingo kagoyat, kogeer ineendet ak kokwong'yo. 17Ago ki iboorchine `ineendet icheek euut kosiisyo, ak kotetyi ole kagomutunda `Kiptaiyat ineendet komong' eng' korgoreet. Ak ki mwa kole, “Omwachi ng'aleechu Jakobo ak tupchosyek.” Ak ki wo agoi komosta age.
18Ak kingo kagoeech, kotoptobenso kiplugotinik miising', kole katepto ano Petero. 19Ye kingo kagocheeng' `Herod ineendet, ama konyoor, kogin riibiik ak kong'at kole kanyool kebar. Ak kichoortagei eng' Judea kwo Caesarea ak kotebee olooto.
Meetap Herod
20Ki nereekyi miising' `Herod piigap Tyro ak Sidon. Ara ki pwanji `icheek ineendet eng' kabwaatet agenge, ak kingo nam chorwandi ak Blasto ne ki riibei ole kirue laitoryat, kosoom kaalyeet amu kibaei `emetap laitoryat emennywa.
21Ak eng' peetuut ne ki king'at, kolaach Herod ngoroigap laitornatet, ak kotebee ng'echereetap kirwooget, ak kong'alaalji pichooto. 22Ak ki polyo piik kole, “Kutitap kamuktain niito, ma po chii.” 23Eng' sainooto anyun kobir ineendet `malaikaiyatap Kiptaiyat, amu ma konyit Kamuktaindet. Ara ki am ineendet kuutik ak kime. 24Ago ki testai ng'olyootap Kamuktaindet, ak koityi che chaang'.
25Ye kingo kagogees poisyennywa Barnaba ak Saulo, koweektagei Jerusalem, komuti Johana ne ki kainennyi ne po aeng' ko Mariko.
Currently Selected:
POISYONIGAP CHE KIYOKTOI 12: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
POISYONIGAP CHE KIYOKTOI 12
12
Kebarei Jakobo
1Ye ki neegit peetuusyechooto kotoi laitoryat Herod kous alak che po kaniset. 2Ki par Jakobo ng'eetap kametap Johana eng' rotwetap chok. 3Ak ye kingo keer kole ki ibaibai nooto Yahudik, kotoi konam Petero agine. Ak kibetusyegap magatyat ne ma kinde mermereek, peetuusyechooto. 4#Kom 12.1-27 Kingo kagonam ineendet, konde korgoreet, ak kogoochi kiplugotinik ang'wan konyil ang'wan koriip ineendet, koleen ye ibata Paska komutyi piik. 5Ye ki kiriipe Petero anyun eng' korgoreet, ko ki saaei kaniset Kamuktaindet miising' agobo ineendet.
Komandoi Petero eng' korgoreet
6Eng' kemounooto ki machei `Herod komoong' ineendet, ko ki rue `Petero kwenutap asigarik aeng', koratatee nyororosyek aeng'. Ak ki riip korgoreet riibiik eng' taitap kurgeet. 7Ak ogeero, ki tonon malaikaiyatap Kiptaiyat eng' ye neegitee ineendet ak ki ikweny lapkeiyet koot. Ki irabaach karaastap Petero ak kong'eet koleenji, “Ng'eet chokyi.” Ak ki ibutyo nyororosyek che ki mi eunekyik. 8Ak koleenji malaikaiyat ineendet, “Ratkei, indegei kweoniguk ak irat.” Ak ki yai ko uu nooto. Ak ki leenji, “Ilaach ngoryeeng'ung' ak isubwo.” 9Ak ki wo Petero saang' ak koosup ineendet; ak ki ma nai kole iman kiit ne kayai malaikaiyat, ago kileen kageer ng'ang'utyet. 10Kingo kagosiir riipseet ne po tai ak ne po aeng', kobwa agoi ormariichet ne po karnet ne kibunei kebendi nganaseet, koyaatak ineegei. Ak kimanda saang' ak koba kobun ooreet agenge; ak eng' sainooto kobagaakta ineendet `malaikaiyat kwo.
11Ye kingo pwaat Petero, komwa kole, “Kaanai nguno iman, ale, kagoyok `Kiptaiyat malaikaiyandennyi ak kasarwo eng' eutap Herod, ak eng' kagenisyet tugul ne po piigap Yahudik.”
12Ara ye kingo kagobwaat komyee, konyo kootap Maria kametap Johana ne kiguure kainennyi ne po aeng' Mariko, ole kiga koyumjigei che chaang' ak kosaaei. 13Ak ye kingo kongony kurgeetap ormariichet, konyo chepto ne ki kiguure Roda kogas. 14Ak kingo nai chebooto kutitap Petero, koma koyaat ormariichet amu poiboiyet ago kilabat ko, ak komwaita kole tononi Petero eng' ormariichet. 15Ki leenji `icheek ineendet, “Amin iywek!” Ago ki mwa eng' kimnateet kole, uu nooto. Ak ki mwa icheek kole, “Malaikaiyandennyi.” 16Ago kites Petero kogongony; ak kingo kagoyat, kogeer ineendet ak kokwong'yo. 17Ago ki iboorchine `ineendet icheek euut kosiisyo, ak kotetyi ole kagomutunda `Kiptaiyat ineendet komong' eng' korgoreet. Ak ki mwa kole, “Omwachi ng'aleechu Jakobo ak tupchosyek.” Ak ki wo agoi komosta age.
18Ak kingo kagoeech, kotoptobenso kiplugotinik miising', kole katepto ano Petero. 19Ye kingo kagocheeng' `Herod ineendet, ama konyoor, kogin riibiik ak kong'at kole kanyool kebar. Ak kichoortagei eng' Judea kwo Caesarea ak kotebee olooto.
Meetap Herod
20Ki nereekyi miising' `Herod piigap Tyro ak Sidon. Ara ki pwanji `icheek ineendet eng' kabwaatet agenge, ak kingo nam chorwandi ak Blasto ne ki riibei ole kirue laitoryat, kosoom kaalyeet amu kibaei `emetap laitoryat emennywa.
21Ak eng' peetuut ne ki king'at, kolaach Herod ngoroigap laitornatet, ak kotebee ng'echereetap kirwooget, ak kong'alaalji pichooto. 22Ak ki polyo piik kole, “Kutitap kamuktain niito, ma po chii.” 23Eng' sainooto anyun kobir ineendet `malaikaiyatap Kiptaiyat, amu ma konyit Kamuktaindet. Ara ki am ineendet kuutik ak kime. 24Ago ki testai ng'olyootap Kamuktaindet, ak koityi che chaang'.
25Ye kingo kagogees poisyennywa Barnaba ak Saulo, koweektagei Jerusalem, komuti Johana ne ki kainennyi ne po aeng' ko Mariko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019