POISYONIGAP CHE KIYOKTOI 11
11
Amdaetap Petero
1Ki kas anyun che kiyooktoi ak tupchosyek che ki mi Judea kole kogotaach ak icheek Pororyosyek ng'olyootap Kamuktaindet. 2Kingo kagonyo `Petero Jerusalem, kobelgei ak ineendet icheek che po kamuratanet, 3koleen, “Ki iwe ye mi piik che ma kimuratan ak iamisye kobooto icheek.” 4Ago ki toi Petero kotetyi icheek komyee ng'aleechooto, koleenji,
5“Ki ami nganaseetap Joppa asaae, ak kingo putya kiy ne uu rwon ageer ng'ang'utyet. Ki mi kiy ne kichoorugei ne uu angeet ne oo kot kobunu kipsengwet, ki kichoor eng' kuinoik ang'wan; ak ki nyo agoi ole ami. 6Ye kinga keer miising' ko ki ageer tyong'igap ng'wony che po keelyek ang'wan ak tyong'ik che po timiin ak tuguuk che ichuutegei ak toriitik che po parak. 7Ago ki agas kutit koleenjo, ‘Ng'eet, Petero; eeny ak iam.’ 8Ak ki amwa ale, ‘Ma uu nooto, Kiptaiyat; amu tomo kochut kutinnyu kiy ne ma tiliil anan ne ng'waan.’ 9Ago ki wol kutinooto ne po aeng' kobunu kipsengwet kole, ‘Amata ing'wanit kiit ne kagotiliil Kamuktaindet.’ 10Ki yaak kioto konyil somok, ak ki kichuut kogeny tugul koba kipsengwet. 11Ak eng' sainooto ko kitonondos piik somogu eng' taitap koot ole ki kimi, che ki kiyok eng' Caesarea kobwa ole ami. 12Kong'ata anyun Kabuuset ne Tiliil kole keebe tugul, amat isage. Ak ki kibe tugul ak tupchosyechu lo ak icheek; keebe agoi kootap chiichooto. 13Kimwaiwech ko uu ye kiga keer malaikaiyat kotononi eng' koonnyi, kole, ‘Iyookte piik koba Joppa koguur Simion, ne kiguure kainennyi ne po aeng' Petero; 14konyo komwaun ng'aleek che kisaruunenen, inyee ak koong'ung' tugul.’ 15Ak ye kinga tau ang'alaal, kochoorchigei `Kabuuset ne Tiliil icheek ko uu ye kichorchechkei agacheek eng' taunet. 16#Poi 1.5 Abwaat anyun ng'olyootap Kiptaiyat, ko uu ye ki mwa kole, ‘Ki ibatisanis Johana eng' peek; ago kibatisanook okweek eng' Kabuuset ne Tiliil.’ 17Ngo ki igoochi anyun Kamuktaindet icheek konunet ne kergei ak ne ki koonech ye kingi yan Kiptaiyat Jeso Kristo, ko tos ki aa ng'oo anyun kot amuuch agirinda Kamuktaindet?” 18Kingo kas ng'aleechuuto, kosiisyo. Ak ki iloos Kamuktaindet, koleen, “Kaagaa kagogoochi `Kamuktaindet Pororyosyek ak icheek siguunet ne ibu saboondo.”
Kayanigap Kristo eng' Antiok
19 # Poi 8.1-4 Ki pa anyun icheek che kiga yesta amu usiisyet ne king'eet agobo Stepano agoi koit Phoenisia, Cyprus, ak Antiok, koma ng'alaaljin chii age ng'olyoot kobatee Yahudik. 20Ago ki mi alak eng' icheek, piigap Cyprus ak Kurene, che kingo pwa Antiok kong'alaalji Yunanik ak icheek, koamdoi Kiptaiyat Jeso. 21Ki mi eutap Kiptaiyat kobooto icheek, ak ki iyan piik che chaang' konam ng'aleegap Kiptaiyat. 22Ki kas ng'aleek agobo icheek kaniset ne ki mi Jerusalem, ak ki iyookto Barnaba kwo kot koit Antiok. 23Kingo it ineendet ak kogeer myeeindap Kamuktaindet, kobaibait, ak kogiil icheek tugul konamgei ak Kiptaiyat eng' mugulelwek che pekyinotin. 24Barnaba ko ki chii ne myee ak ki nyiitaat Kabuuset ne Tiliil ak kayaneet. Ki tesak anyun piik ko chang'a che ki pwanji Kiptaiyat. 25Ki wo agoi Tarsis kocheeng' Saulo, 26ak kingo kagonyoor, komut konyo Antiok. Ara ki iyumgei eng' kenyiit agenge kobooto kaniset, ak koneet piik che chaang'. Ki kitoi keguure kasubik Kristyanik eng' Antiok.
27Ki choorgei anyun maotik eng' peetuusyechooto eng' Jerusalem kobwa Antiok. 28#Poi 21.10 Ak ki tonon age eng' icheek ne ki kiguure Agabo ak koboor eng' Kabuuset ne Tiliil kole tuun ityin rubeet ne oo ng'wony komugul; ak ki isulda niito eng' peetuusyegap Klaudio. 29Kichopkei komyee kasubik koyookyi toreteet tupchosyek che ki menyei Judea, chii tugul ko uu ye ki imuuchi. 30Ki yai anyun ko uu nooto, ki iyookyi poisyek eng' eunegap Barnaba ak Saulo.
Currently Selected:
POISYONIGAP CHE KIYOKTOI 11: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
POISYONIGAP CHE KIYOKTOI 11
11
Amdaetap Petero
1Ki kas anyun che kiyooktoi ak tupchosyek che ki mi Judea kole kogotaach ak icheek Pororyosyek ng'olyootap Kamuktaindet. 2Kingo kagonyo `Petero Jerusalem, kobelgei ak ineendet icheek che po kamuratanet, 3koleen, “Ki iwe ye mi piik che ma kimuratan ak iamisye kobooto icheek.” 4Ago ki toi Petero kotetyi icheek komyee ng'aleechooto, koleenji,
5“Ki ami nganaseetap Joppa asaae, ak kingo putya kiy ne uu rwon ageer ng'ang'utyet. Ki mi kiy ne kichoorugei ne uu angeet ne oo kot kobunu kipsengwet, ki kichoor eng' kuinoik ang'wan; ak ki nyo agoi ole ami. 6Ye kinga keer miising' ko ki ageer tyong'igap ng'wony che po keelyek ang'wan ak tyong'ik che po timiin ak tuguuk che ichuutegei ak toriitik che po parak. 7Ago ki agas kutit koleenjo, ‘Ng'eet, Petero; eeny ak iam.’ 8Ak ki amwa ale, ‘Ma uu nooto, Kiptaiyat; amu tomo kochut kutinnyu kiy ne ma tiliil anan ne ng'waan.’ 9Ago ki wol kutinooto ne po aeng' kobunu kipsengwet kole, ‘Amata ing'wanit kiit ne kagotiliil Kamuktaindet.’ 10Ki yaak kioto konyil somok, ak ki kichuut kogeny tugul koba kipsengwet. 11Ak eng' sainooto ko kitonondos piik somogu eng' taitap koot ole ki kimi, che ki kiyok eng' Caesarea kobwa ole ami. 12Kong'ata anyun Kabuuset ne Tiliil kole keebe tugul, amat isage. Ak ki kibe tugul ak tupchosyechu lo ak icheek; keebe agoi kootap chiichooto. 13Kimwaiwech ko uu ye kiga keer malaikaiyat kotononi eng' koonnyi, kole, ‘Iyookte piik koba Joppa koguur Simion, ne kiguure kainennyi ne po aeng' Petero; 14konyo komwaun ng'aleek che kisaruunenen, inyee ak koong'ung' tugul.’ 15Ak ye kinga tau ang'alaal, kochoorchigei `Kabuuset ne Tiliil icheek ko uu ye kichorchechkei agacheek eng' taunet. 16#Poi 1.5 Abwaat anyun ng'olyootap Kiptaiyat, ko uu ye ki mwa kole, ‘Ki ibatisanis Johana eng' peek; ago kibatisanook okweek eng' Kabuuset ne Tiliil.’ 17Ngo ki igoochi anyun Kamuktaindet icheek konunet ne kergei ak ne ki koonech ye kingi yan Kiptaiyat Jeso Kristo, ko tos ki aa ng'oo anyun kot amuuch agirinda Kamuktaindet?” 18Kingo kas ng'aleechuuto, kosiisyo. Ak ki iloos Kamuktaindet, koleen, “Kaagaa kagogoochi `Kamuktaindet Pororyosyek ak icheek siguunet ne ibu saboondo.”
Kayanigap Kristo eng' Antiok
19 # Poi 8.1-4 Ki pa anyun icheek che kiga yesta amu usiisyet ne king'eet agobo Stepano agoi koit Phoenisia, Cyprus, ak Antiok, koma ng'alaaljin chii age ng'olyoot kobatee Yahudik. 20Ago ki mi alak eng' icheek, piigap Cyprus ak Kurene, che kingo pwa Antiok kong'alaalji Yunanik ak icheek, koamdoi Kiptaiyat Jeso. 21Ki mi eutap Kiptaiyat kobooto icheek, ak ki iyan piik che chaang' konam ng'aleegap Kiptaiyat. 22Ki kas ng'aleek agobo icheek kaniset ne ki mi Jerusalem, ak ki iyookto Barnaba kwo kot koit Antiok. 23Kingo it ineendet ak kogeer myeeindap Kamuktaindet, kobaibait, ak kogiil icheek tugul konamgei ak Kiptaiyat eng' mugulelwek che pekyinotin. 24Barnaba ko ki chii ne myee ak ki nyiitaat Kabuuset ne Tiliil ak kayaneet. Ki tesak anyun piik ko chang'a che ki pwanji Kiptaiyat. 25Ki wo agoi Tarsis kocheeng' Saulo, 26ak kingo kagonyoor, komut konyo Antiok. Ara ki iyumgei eng' kenyiit agenge kobooto kaniset, ak koneet piik che chaang'. Ki kitoi keguure kasubik Kristyanik eng' Antiok.
27Ki choorgei anyun maotik eng' peetuusyechooto eng' Jerusalem kobwa Antiok. 28#Poi 21.10 Ak ki tonon age eng' icheek ne ki kiguure Agabo ak koboor eng' Kabuuset ne Tiliil kole tuun ityin rubeet ne oo ng'wony komugul; ak ki isulda niito eng' peetuusyegap Klaudio. 29Kichopkei komyee kasubik koyookyi toreteet tupchosyek che ki menyei Judea, chii tugul ko uu ye ki imuuchi. 30Ki yai anyun ko uu nooto, ki iyookyi poisyek eng' eunegap Barnaba ak Saulo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019