Epeso 6
6
Ŋerep Medep So Naga Maga Eŋane Girem Don
1Ŋerep medep, ŋine Waom wane ra more naga magakopŋine eŋane donene mogare, aŋaene tewek okanikei, eya mo ŋine Suwaine ŋine eŋerop maine mo takot nagu okora, more doku tau tau magu urata ŋine, eya maine maikei. 2Waom wane ekapŋo don iwa yale ramaike, “Ge magaŋone so nagaŋone erane donetne dere teweke mogasikene,” Eyamo Kaisale wane ra rokop don eyamo zok manerop wawaine, ra rokop don eyao rara togon don iwa yale eŋe weneŋ takot-kemaike, 3“Paki ge yale okanikeneo, yemo urata kine kine, geŋano eya korop maineka payake, so ge kepe iwao yemo gegeŋone kiroine maine geuluke more ge ari ge wa gekene.”
4Ŋo naga maga, ŋine ŋerep medewekop-ŋine, eŋane wet dereretene misuk mau boriki matali one more, wet gerep okan onikei, mida, ŋine Suwaine-ŋinane kaitko masi tanik manik bile so mayakkatne okan-onikei paki, weku maneka makoboe-one more Suwainane don so meŋe meŋen mali malip kito edane maululuke ware-onbi, eŋe geuluke ge ari gewa gekei.
Qelit Qeqe So Ware Ware Eŋane Don
5Qelit qeqe medep yauwine, ŋine wetŋine maine paki, ware warekopŋine eŋane ewe kito kito okan one more, kaetŋinerop ware warekopŋine eŋane aŋaene tewek okanikei. Ŋine Kristo wane aŋaine tewekkei, yalewaka suwaine-kopŋine eŋane aŋaene tewek okanonikei, ŋine masi tanik mi oka okane mane eŋane kaitko misuk okanikei. 6Ŋine ware warekopŋine eŋane kaitko qelit mau, edo ŋinane detpi mena-geyakane, me don kelok okan-one more urata solaŋoka mama. Eya, Midakaka! Ŋine Kristo wane qelit qeqe, yale ra more Kaisaleŋo numa rake, yewa wet dereretŋine ewekineka okangi, gesoke Kaisale wane simile, eya mogare, oi bakom gorop okora arikei. 7Paki so ŋine qelit qeqeŋo urataŋine wet maep so wet peseko maikei, so ŋine ŋei eŋane urata mamaine, yale wetke more, Midakaka! Ŋine Waom wane qelitine qe gemaine, yale wetkeu paki qelit qekei. 8Ŋine mo detmami, qelit qeqe me ŋei wawaine, mane eŋe urata weku mane mauluke mayakeo, eŋe Waomŋo lewine boaŋ weku maneka qolekayake.
9Ware ware, ŋine rokop yalewaka qelit qeqe-kopŋine tanik manik weku mane okanonikei, so kaet don eyamo misuk edanikei, detmami, ŋine so qelit qeqe-kopŋine ŋinane Waomŋine weku qeliwo gemaike, eŋane magu, eya wane Waom eŋe tanik wekuka baŋ okan-ŋuniyake.
Ŋene Kaisale Wano Ŋine Kawali Wane Aboŋ Magekene
10Na don qoi qoine iwa yale ŋidanmaile, ŋine Waom wano kito togole okorau, zonomine kakapa yewaŋo ma togole-ŋungi, zonom so ewe bibiŋinerop gekei. 11So ŋine Kaisale wano ŋine kawali wane aboŋ, epam maloku matokeu, ket solaŋine kawetkeyake, paki, sukukuŋine quge more, tebe kowakŋine teweke okorau, Ŋei Borikineŋo borikinane isi-ŋune more liwek-ŋungi, ŋine boaŋ ewe bibiŋinerop okane more wiye more esopka mogasikei. 12Ŋene ŋei sola bikumene weneŋ eŋerop kawali mi qe okanmaine, Midakaka, ŋene asu so osoŋa borikine weti qeliwo gemami, so eŋane ŋei waomene togogole, so eŋane ware wareene kepeo ge more, panaman iwa wareka okanmami, eŋerop kawali qe okanmaine. 13Eya wane ŋine Kaisale wano ŋine epam maloku ŋine matokeu ketki, sukukuŋine qekei, so tebe kowakŋine so eŋane kawali aboŋ korop ma okorakei! Paki, borikinane naso bomileki, ŋine boaŋ togole more, ŋabawane kawali yewa esop-kaikei, so kawali qe ariu qoeki, eya wane ŋadino ŋine togogole okorakei.
14Eya wane ŋine mauluk nagu okorakei wane raso, yemo Kaisale wane don wele ra okanmami, yewaŋo radepŋine okangi kebaŋŋino ramukei, so sot midaine gege yewaŋo maloku-ŋine okangi, sola-ŋine kawetkekei. 15So peyam wane Kisi Maep don Kaisale eŋine ŋei ŋerep eŋerop wet weku okanikei wane, ma eweke more ma okora raikei, yewaŋo kiye tabe ŋine okangi birau waki, gesoke togole okorakei. 16So nagaine suwaine, yemo mali malip-ŋineŋo sukuku-ŋine okangi, naso baŋem quge okorakei, paki borikine mama, Ŋei Borikinane, tebe ŋoroŋme zaunine bolamine-ropŋo yato ŋuniyakane okane tekingi, ŋine boaŋ eweke more mali malipko kito togole okora more, eya qe papkakei. 17So ŋine gege togon wane marok togogole, eyaŋo birau leweŋine ket kawet kayake, eŋetine mauluk mauluk, so Kaisale wane don Asuŋo ŋiboniyake, yewaŋo kawali wane pilaŋ-ŋine okaniyake. 18Ŋine naso baŋem Asu wane zonomgo meŋenka okanikei, so yalewa kine kine natnane meŋenkau, Kaisaleŋo qesiŋ ŋuniyakane olasikei. Kine yalewa wane ŋine bau wawa mi okanikei, ŋine diyamŋine togogole ma geu paki, naso baŋem meŋe meŋen urata ma, Kaisale wane ŋei ŋerep magu eŋane meŋenka okanikei. 19So naŋane weneŋ meŋenkau, Kaisaleŋo pine ma ewekki na kaet yewa qeligewe ketki, Kaisale wane don sanka pake, yewa didiwo ra qelaŋan-ikale. 20Kaisaleŋo eŋane wet maep don rara ŋei bira nange, na don eya wane ra more, na mulap urumgo gemaile, eya wane ŋine Kaisale meŋenkau, oŋo na qesiŋ-nangi, kaet yewa qeli gewe ketki, togole more ŋei ŋerep eŋano Kisi Maep don ra qelaŋane edanikale.
Don Qoi Qoine
21Tikikusŋo boaŋ u more, urata korop mamaile, eya wane kine ŋidan-wareyake, eŋe ŋenane kima maepze so eŋe Waom wane qelit ŋei, aŋa tewe tewekinerop. 22Eya wane, na ŋinano talekawe umaike. U more ŋene korop iwa daleo gemaine, eya wane don kisi ŋidangi ŋine wet pesek desikei, so wet dereret ŋine ma togoleyake.
23Kaisale Magak so Waomze Yesu Kristo eto kimakopne, ŋine peyam ma wakone, ŋibone more mali malipŋine ma togoleki, wet maep korop gekei. 24Kaisale wane mosopŋo ŋei ŋereppa Waomze Yesu Kristo wet maep tako rakot okanka okanmami, so eŋane simileene paulukmaike, eŋano papa togon pa ariyake.
Currently Selected:
Epeso 6: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Epeso 6
6
Ŋerep Medep So Naga Maga Eŋane Girem Don
1Ŋerep medep, ŋine Waom wane ra more naga magakopŋine eŋane donene mogare, aŋaene tewek okanikei, eya mo ŋine Suwaine ŋine eŋerop maine mo takot nagu okora, more doku tau tau magu urata ŋine, eya maine maikei. 2Waom wane ekapŋo don iwa yale ramaike, “Ge magaŋone so nagaŋone erane donetne dere teweke mogasikene,” Eyamo Kaisale wane ra rokop don eyamo zok manerop wawaine, ra rokop don eyao rara togon don iwa yale eŋe weneŋ takot-kemaike, 3“Paki ge yale okanikeneo, yemo urata kine kine, geŋano eya korop maineka payake, so ge kepe iwao yemo gegeŋone kiroine maine geuluke more ge ari ge wa gekene.”
4Ŋo naga maga, ŋine ŋerep medewekop-ŋine, eŋane wet dereretene misuk mau boriki matali one more, wet gerep okan onikei, mida, ŋine Suwaine-ŋinane kaitko masi tanik manik bile so mayakkatne okan-onikei paki, weku maneka makoboe-one more Suwainane don so meŋe meŋen mali malip kito edane maululuke ware-onbi, eŋe geuluke ge ari gewa gekei.
Qelit Qeqe So Ware Ware Eŋane Don
5Qelit qeqe medep yauwine, ŋine wetŋine maine paki, ware warekopŋine eŋane ewe kito kito okan one more, kaetŋinerop ware warekopŋine eŋane aŋaene tewek okanikei. Ŋine Kristo wane aŋaine tewekkei, yalewaka suwaine-kopŋine eŋane aŋaene tewek okanonikei, ŋine masi tanik mi oka okane mane eŋane kaitko misuk okanikei. 6Ŋine ware warekopŋine eŋane kaitko qelit mau, edo ŋinane detpi mena-geyakane, me don kelok okan-one more urata solaŋoka mama. Eya, Midakaka! Ŋine Kristo wane qelit qeqe, yale ra more Kaisaleŋo numa rake, yewa wet dereretŋine ewekineka okangi, gesoke Kaisale wane simile, eya mogare, oi bakom gorop okora arikei. 7Paki so ŋine qelit qeqeŋo urataŋine wet maep so wet peseko maikei, so ŋine ŋei eŋane urata mamaine, yale wetke more, Midakaka! Ŋine Waom wane qelitine qe gemaine, yale wetkeu paki qelit qekei. 8Ŋine mo detmami, qelit qeqe me ŋei wawaine, mane eŋe urata weku mane mauluke mayakeo, eŋe Waomŋo lewine boaŋ weku maneka qolekayake.
9Ware ware, ŋine rokop yalewaka qelit qeqe-kopŋine tanik manik weku mane okanonikei, so kaet don eyamo misuk edanikei, detmami, ŋine so qelit qeqe-kopŋine ŋinane Waomŋine weku qeliwo gemaike, eŋane magu, eya wane Waom eŋe tanik wekuka baŋ okan-ŋuniyake.
Ŋene Kaisale Wano Ŋine Kawali Wane Aboŋ Magekene
10Na don qoi qoine iwa yale ŋidanmaile, ŋine Waom wano kito togole okorau, zonomine kakapa yewaŋo ma togole-ŋungi, zonom so ewe bibiŋinerop gekei. 11So ŋine Kaisale wano ŋine kawali wane aboŋ, epam maloku matokeu, ket solaŋine kawetkeyake, paki, sukukuŋine quge more, tebe kowakŋine teweke okorau, Ŋei Borikineŋo borikinane isi-ŋune more liwek-ŋungi, ŋine boaŋ ewe bibiŋinerop okane more wiye more esopka mogasikei. 12Ŋene ŋei sola bikumene weneŋ eŋerop kawali mi qe okanmaine, Midakaka, ŋene asu so osoŋa borikine weti qeliwo gemami, so eŋane ŋei waomene togogole, so eŋane ware wareene kepeo ge more, panaman iwa wareka okanmami, eŋerop kawali qe okanmaine. 13Eya wane ŋine Kaisale wano ŋine epam maloku ŋine matokeu ketki, sukukuŋine qekei, so tebe kowakŋine so eŋane kawali aboŋ korop ma okorakei! Paki, borikinane naso bomileki, ŋine boaŋ togole more, ŋabawane kawali yewa esop-kaikei, so kawali qe ariu qoeki, eya wane ŋadino ŋine togogole okorakei.
14Eya wane ŋine mauluk nagu okorakei wane raso, yemo Kaisale wane don wele ra okanmami, yewaŋo radepŋine okangi kebaŋŋino ramukei, so sot midaine gege yewaŋo maloku-ŋine okangi, sola-ŋine kawetkekei. 15So peyam wane Kisi Maep don Kaisale eŋine ŋei ŋerep eŋerop wet weku okanikei wane, ma eweke more ma okora raikei, yewaŋo kiye tabe ŋine okangi birau waki, gesoke togole okorakei. 16So nagaine suwaine, yemo mali malip-ŋineŋo sukuku-ŋine okangi, naso baŋem quge okorakei, paki borikine mama, Ŋei Borikinane, tebe ŋoroŋme zaunine bolamine-ropŋo yato ŋuniyakane okane tekingi, ŋine boaŋ eweke more mali malipko kito togole okora more, eya qe papkakei. 17So ŋine gege togon wane marok togogole, eyaŋo birau leweŋine ket kawet kayake, eŋetine mauluk mauluk, so Kaisale wane don Asuŋo ŋiboniyake, yewaŋo kawali wane pilaŋ-ŋine okaniyake. 18Ŋine naso baŋem Asu wane zonomgo meŋenka okanikei, so yalewa kine kine natnane meŋenkau, Kaisaleŋo qesiŋ ŋuniyakane olasikei. Kine yalewa wane ŋine bau wawa mi okanikei, ŋine diyamŋine togogole ma geu paki, naso baŋem meŋe meŋen urata ma, Kaisale wane ŋei ŋerep magu eŋane meŋenka okanikei. 19So naŋane weneŋ meŋenkau, Kaisaleŋo pine ma ewekki na kaet yewa qeligewe ketki, Kaisale wane don sanka pake, yewa didiwo ra qelaŋan-ikale. 20Kaisaleŋo eŋane wet maep don rara ŋei bira nange, na don eya wane ra more, na mulap urumgo gemaile, eya wane ŋine Kaisale meŋenkau, oŋo na qesiŋ-nangi, kaet yewa qeli gewe ketki, togole more ŋei ŋerep eŋano Kisi Maep don ra qelaŋane edanikale.
Don Qoi Qoine
21Tikikusŋo boaŋ u more, urata korop mamaile, eya wane kine ŋidan-wareyake, eŋe ŋenane kima maepze so eŋe Waom wane qelit ŋei, aŋa tewe tewekinerop. 22Eya wane, na ŋinano talekawe umaike. U more ŋene korop iwa daleo gemaine, eya wane don kisi ŋidangi ŋine wet pesek desikei, so wet dereret ŋine ma togoleyake.
23Kaisale Magak so Waomze Yesu Kristo eto kimakopne, ŋine peyam ma wakone, ŋibone more mali malipŋine ma togoleki, wet maep korop gekei. 24Kaisale wane mosopŋo ŋei ŋereppa Waomze Yesu Kristo wet maep tako rakot okanka okanmami, so eŋane simileene paulukmaike, eŋano papa togon pa ariyake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.