Epeso 5
5
Borikine Qepapka More Qelaŋango Gekene
1Ŋine Kaisale eŋe simin kaulukmaike, wane ŋine ŋerep medewekoune gemamiŋo, yemo Kaisale eŋine gemaike, yale waka masi tanikŋineŋo, eya wane rokopko ma gekei. 2Ŋinane gegeŋine yemo kimakop ŋine eŋerop wet maepŋo watke paki, ŋine wet maep korop gekei wane zok manerop okanikei, Kristo eŋe yalewaka ŋenane ra wet maep okanŋone more, gegeine so solaine qaisik kaki, Kaisale wane bakom qoune simile teine okange.
3Ŋine ŋerep yau yaup matali qetali ebu ebu me ŋei natne eŋane aboŋ kine kine wane bailalaŋ-oka okan, me kine kine natne madoŋ madoŋine oka okane, so kaŋ bap suwa eya wane don saŋep eyaŋo Kaisale wane dokoine wet maep ŋei ŋerep ŋinane keuwo misuk wakoniyake, so ŋido yalewa mi okanikei so maikei. 4Don gamu gamune, qelaŋ don, so don sinoine so kaine ŋei wele suwaineŋo mi raraine yewa misuk raikei. Masi yewa okanbi, Kaisale wane kaitko mi menageyake. Midakaka! Eya wane ŋine yewa raikei, wane turuŋine yemo ŋine maineka Kaisale eŋine bakomine kitou menaŋ-geyake. 5Ŋine ŋidom mo detmami. Ŋei ŋerep wenip yau yaup magemami, so ŋei kotoene panaman gorop, so ŋei bailalaŋ gorop, so ŋei bonep nene yewa eŋe korop lopio meŋenka okanmami. Ŋei iwa eŋe yaline eŋe yemo Kristo so Kaisale eto kine kine mayakatne korop ma wakongoik, eya wane kotino qeli qelaŋan so qeli ewe zonom met met yewa zuwage mi marat-kaikei.
6Eya wane ŋine qelaŋ don, don sinoine ŋibu isi-ŋune more ŋidanbi, ŋine detpi yewaŋo don wele misuk okani-yake, eya wane ŋine diyam togole maikei. Borikine yalineo iwen-ŋune ari bira-ŋunbi maikei eya wane, turuŋine yemo eŋe Kaisale wano ŋine baŋ maikei, Kaisale eŋe eŋane don qeqe, ŋei borikine yaline eŋane det worik magemaike. 7Eya wane ŋine ŋei yaline eŋerop weku okane more misuk qesiŋ-onikei. 8Ŋine mokaka panamango gekoi, ŋo ukude yemo mo Waomŋo ŋibu more biraŋungi, qelaŋango lotke more, qelaŋan gorop okangoi gemami. Eya wane, ŋine qelaŋan wane ŋei ŋerepokane eya wane biŋek ge arikei. 9Qelaŋan wane wele wakon okanmaike, yemo wet dereret bile so gege maine, so koboine gege, so don welekatne rara. 10Eya wane ŋine kine kine maine okangei wane rau paki, yemo Waomŋo detki menageyake me mida, yewa dere wanoke so raikei me okangei. 11Ŋei natneŋo panaman wane urata mau, ŋine eŋano takotke more, misuk eŋe qesiŋ-onikei. Eya wane turuŋine yemo ŋine ebu more qelaŋango biraonikei, so kitat-one borikine yewa sikan-onbi paki ra qelaŋan-onikei. 12Eŋe kine kine sanka okan okanmami, eya wane na don mane madoŋ madoŋine, so gamu gamune misuk raikale, yemo welekatne eŋe gamuinerop okaniyake. 13So kinekine korop san pamaike, yewa wane sikittine makokeŋem, qelaŋanŋo qeki, eya wane kine didiwo wakoniyake. 14Eya wane, didiwo wakonmaike, yewaŋo yemo maine qelaŋanka okaniyake, eya wane done eŋe iwa yale maine raraine,
“Kulu pamaine ge wiyenom, so seuseuneŋo wisikaenom! Kristoŋo ma qelaŋan gangep!”
Wet Siuk Okane Naso Misuk Matalikene
15Ŋine gege mageŋinane diyamine mau paki gekei, so ŋine ŋei kapa qelaŋine yale misuk gekei, ŋine ŋei wet dereret-inerop yale gekei. 16Naso iwa mo Waom wane urata maikei wane naso, eya wane ukude naso iwa mo borikineŋo suwa rokopkeke pamaike, eya wane naso natne ŋine urata mau, nem niget eya yeine qelige more, urata togoleka mauluke sorin borin okane maikei. 17Ŋine qelaŋ qe more, wet dereret midaine, yale misuk qewoloŋ okane gekei, ŋine Waomŋo urata ra ŋibon okanmaike, yewaka detka kauluk qeuluk okane maikei.
18Ŋine wain doku zok misuk neu paki, qelaŋ qekei, doku yewaŋo ŋine mataliŋun okanmaike, yewa nekei wane turuŋine yemo qeligeu, Waom wane Asuŋo kotoŋino ket qewat-kayake. 19Paki, Asuŋo qebin-ŋuniyake, rokop ŋine kimakop-ŋine eŋerop don wele wet maepinerop aukei, yemo wet maep eŋet sogine Sam bakom eŋetkoka kito more, wet ama nagu qema nagu okangei, ŋo Kaisale wane eŋet museloka so Asu ma togole kayakane eŋet, oŋom asu-woka ŋibon okanmaike yewaoka naso baŋem kito more, ŋine Waom maine ora mawakaikei. 20Eŋe kine kine korop ma wakone ŋebon okanmaike, eya wane naso baŋem Waomze Yesu Kristo wane eŋetko, Kaisale Magak kine kine natne bakomine kito mawa kaikene.
Ŋao Ŋanom Eŋane Don
21Ŋine Yesu Kristo wane desikei, oŋo yemo ŋinane Suwaine, ŋine eŋe ewine kito more, ŋidomka aŋa tewe tewek okanwarekei, so bonep bonep kimakop ŋine eŋane bango tamge more, rokop weku yale waka ŋidomka okan nagukei.
Pauloŋo Ŋei Ŋerep Ŋao Ŋanom Eŋane Girem Don Rake
22Ŋerep ŋine Waom wane bango tam ge umi qe aŋaine tewek okanmami, yalewaka ŋaokopŋine eŋane bango tamge ge more, aŋaene tewek okanikei. 23Onoka wane, yemo ŋei eŋe ŋanominane lewet okanmaike, yalewaka Kristo eŋe doku tau tau magu wane lewet, so ŋene eŋane kiye mete sola bikumkoune, Kristo eŋe doku tau tau magu wane ra more, gegeine qikka more, sot turuŋze matali-kaki siuke. 24Dokutau tau magu, eŋe Kristo wane bango gemami, yalewaka ŋerepŋine ŋaokopŋine eŋane bango gekei.
Ŋao Eŋane Don
25Ŋei ŋine ŋanowekopŋine wet maep okanonikei, Kristo eŋe yalewaka doku tau tau magu wet maep okanka more, solaine qaisik kaki paki, turuŋ make. 26Eŋe yale okangi paki, doku tau tau magu, ŋine eŋine donineŋo dokurop tauŋune saukŋungi, eŋine deino libeka musele okanbi, Kaisale wano biraŋunge, so doku tau tau magu eya mo eŋine biŋek so maguine koboine okange. 27Paki, eŋine biŋek deino weku mane gekei wane raki paki, kibi maep korop, so sot midaine, so seket sola worik midaine, koboine biraŋunge. 28Wane ŋei ŋine ŋinŋine solaŋinane mauluk mauluk okane, simile-ŋun okanmaike, yalewaka ŋanowe-kop ŋine mauluk-one more, eŋane simile-ŋuniyake. Ŋei mane eŋe ŋanomine maulukka more, wet maep okanka more eŋane simile kayakeo, eŋe eŋinane yalewaka mauluk-nagu more simile-kayake. 29Ŋei maneŋo solaine qikkaki paki, ŋara doku ma walukka more, mi ŋaba-kayake. I Midakaka! Eŋe solaine ŋara surok mauluke gumekaki paki, wareka okanmaike, rokop yalewaka Kristoŋo doku tau tau magu naso baŋem okan-on okanmaike. 30Ŋene kiye mete so sola bikuminane tutulekoune gemaine, ŋo Kristo oŋom yemo lewetze. 31Kaisale wane ekapko yale ramaike, “Kine iwa yale wane, ŋei mane eŋe boaŋ eŋine magaine so nagaine qeliŋ-osiyake, paki ŋanominerop takot nagu more, ere etkeŋo koso koto so sola weku okanikeik.” 32Kaisale wane ekapko don sane iwa yemo kine zok umatne, ŋo na noŋom detmaile, yemo Kristo so doku tau tau magukoune eŋane ramaike. 33Ŋo yewa eŋe ŋinane yalewaka ramaike, “Ŋei weku weku ŋine ŋinŋinane simin-ŋun okanmaike, yalewaka ŋanowekop ŋine eŋane simin ŋuniyake, so ŋerep eŋe ŋaokopene eŋane eweene kitokei.”
Currently Selected:
Epeso 5: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Epeso 5
5
Borikine Qepapka More Qelaŋango Gekene
1Ŋine Kaisale eŋe simin kaulukmaike, wane ŋine ŋerep medewekoune gemamiŋo, yemo Kaisale eŋine gemaike, yale waka masi tanikŋineŋo, eya wane rokopko ma gekei. 2Ŋinane gegeŋine yemo kimakop ŋine eŋerop wet maepŋo watke paki, ŋine wet maep korop gekei wane zok manerop okanikei, Kristo eŋe yalewaka ŋenane ra wet maep okanŋone more, gegeine so solaine qaisik kaki, Kaisale wane bakom qoune simile teine okange.
3Ŋine ŋerep yau yaup matali qetali ebu ebu me ŋei natne eŋane aboŋ kine kine wane bailalaŋ-oka okan, me kine kine natne madoŋ madoŋine oka okane, so kaŋ bap suwa eya wane don saŋep eyaŋo Kaisale wane dokoine wet maep ŋei ŋerep ŋinane keuwo misuk wakoniyake, so ŋido yalewa mi okanikei so maikei. 4Don gamu gamune, qelaŋ don, so don sinoine so kaine ŋei wele suwaineŋo mi raraine yewa misuk raikei. Masi yewa okanbi, Kaisale wane kaitko mi menageyake. Midakaka! Eya wane ŋine yewa raikei, wane turuŋine yemo ŋine maineka Kaisale eŋine bakomine kitou menaŋ-geyake. 5Ŋine ŋidom mo detmami. Ŋei ŋerep wenip yau yaup magemami, so ŋei kotoene panaman gorop, so ŋei bailalaŋ gorop, so ŋei bonep nene yewa eŋe korop lopio meŋenka okanmami. Ŋei iwa eŋe yaline eŋe yemo Kristo so Kaisale eto kine kine mayakatne korop ma wakongoik, eya wane kotino qeli qelaŋan so qeli ewe zonom met met yewa zuwage mi marat-kaikei.
6Eya wane ŋine qelaŋ don, don sinoine ŋibu isi-ŋune more ŋidanbi, ŋine detpi yewaŋo don wele misuk okani-yake, eya wane ŋine diyam togole maikei. Borikine yalineo iwen-ŋune ari bira-ŋunbi maikei eya wane, turuŋine yemo eŋe Kaisale wano ŋine baŋ maikei, Kaisale eŋe eŋane don qeqe, ŋei borikine yaline eŋane det worik magemaike. 7Eya wane ŋine ŋei yaline eŋerop weku okane more misuk qesiŋ-onikei. 8Ŋine mokaka panamango gekoi, ŋo ukude yemo mo Waomŋo ŋibu more biraŋungi, qelaŋango lotke more, qelaŋan gorop okangoi gemami. Eya wane, ŋine qelaŋan wane ŋei ŋerepokane eya wane biŋek ge arikei. 9Qelaŋan wane wele wakon okanmaike, yemo wet dereret bile so gege maine, so koboine gege, so don welekatne rara. 10Eya wane ŋine kine kine maine okangei wane rau paki, yemo Waomŋo detki menageyake me mida, yewa dere wanoke so raikei me okangei. 11Ŋei natneŋo panaman wane urata mau, ŋine eŋano takotke more, misuk eŋe qesiŋ-onikei. Eya wane turuŋine yemo ŋine ebu more qelaŋango biraonikei, so kitat-one borikine yewa sikan-onbi paki ra qelaŋan-onikei. 12Eŋe kine kine sanka okan okanmami, eya wane na don mane madoŋ madoŋine, so gamu gamune misuk raikale, yemo welekatne eŋe gamuinerop okaniyake. 13So kinekine korop san pamaike, yewa wane sikittine makokeŋem, qelaŋanŋo qeki, eya wane kine didiwo wakoniyake. 14Eya wane, didiwo wakonmaike, yewaŋo yemo maine qelaŋanka okaniyake, eya wane done eŋe iwa yale maine raraine,
“Kulu pamaine ge wiyenom, so seuseuneŋo wisikaenom! Kristoŋo ma qelaŋan gangep!”
Wet Siuk Okane Naso Misuk Matalikene
15Ŋine gege mageŋinane diyamine mau paki gekei, so ŋine ŋei kapa qelaŋine yale misuk gekei, ŋine ŋei wet dereret-inerop yale gekei. 16Naso iwa mo Waom wane urata maikei wane naso, eya wane ukude naso iwa mo borikineŋo suwa rokopkeke pamaike, eya wane naso natne ŋine urata mau, nem niget eya yeine qelige more, urata togoleka mauluke sorin borin okane maikei. 17Ŋine qelaŋ qe more, wet dereret midaine, yale misuk qewoloŋ okane gekei, ŋine Waomŋo urata ra ŋibon okanmaike, yewaka detka kauluk qeuluk okane maikei.
18Ŋine wain doku zok misuk neu paki, qelaŋ qekei, doku yewaŋo ŋine mataliŋun okanmaike, yewa nekei wane turuŋine yemo qeligeu, Waom wane Asuŋo kotoŋino ket qewat-kayake. 19Paki, Asuŋo qebin-ŋuniyake, rokop ŋine kimakop-ŋine eŋerop don wele wet maepinerop aukei, yemo wet maep eŋet sogine Sam bakom eŋetkoka kito more, wet ama nagu qema nagu okangei, ŋo Kaisale wane eŋet museloka so Asu ma togole kayakane eŋet, oŋom asu-woka ŋibon okanmaike yewaoka naso baŋem kito more, ŋine Waom maine ora mawakaikei. 20Eŋe kine kine korop ma wakone ŋebon okanmaike, eya wane naso baŋem Waomze Yesu Kristo wane eŋetko, Kaisale Magak kine kine natne bakomine kito mawa kaikene.
Ŋao Ŋanom Eŋane Don
21Ŋine Yesu Kristo wane desikei, oŋo yemo ŋinane Suwaine, ŋine eŋe ewine kito more, ŋidomka aŋa tewe tewek okanwarekei, so bonep bonep kimakop ŋine eŋane bango tamge more, rokop weku yale waka ŋidomka okan nagukei.
Pauloŋo Ŋei Ŋerep Ŋao Ŋanom Eŋane Girem Don Rake
22Ŋerep ŋine Waom wane bango tam ge umi qe aŋaine tewek okanmami, yalewaka ŋaokopŋine eŋane bango tamge ge more, aŋaene tewek okanikei. 23Onoka wane, yemo ŋei eŋe ŋanominane lewet okanmaike, yalewaka Kristo eŋe doku tau tau magu wane lewet, so ŋene eŋane kiye mete sola bikumkoune, Kristo eŋe doku tau tau magu wane ra more, gegeine qikka more, sot turuŋze matali-kaki siuke. 24Dokutau tau magu, eŋe Kristo wane bango gemami, yalewaka ŋerepŋine ŋaokopŋine eŋane bango gekei.
Ŋao Eŋane Don
25Ŋei ŋine ŋanowekopŋine wet maep okanonikei, Kristo eŋe yalewaka doku tau tau magu wet maep okanka more, solaine qaisik kaki paki, turuŋ make. 26Eŋe yale okangi paki, doku tau tau magu, ŋine eŋine donineŋo dokurop tauŋune saukŋungi, eŋine deino libeka musele okanbi, Kaisale wano biraŋunge, so doku tau tau magu eya mo eŋine biŋek so maguine koboine okange. 27Paki, eŋine biŋek deino weku mane gekei wane raki paki, kibi maep korop, so sot midaine, so seket sola worik midaine, koboine biraŋunge. 28Wane ŋei ŋine ŋinŋine solaŋinane mauluk mauluk okane, simile-ŋun okanmaike, yalewaka ŋanowe-kop ŋine mauluk-one more, eŋane simile-ŋuniyake. Ŋei mane eŋe ŋanomine maulukka more, wet maep okanka more eŋane simile kayakeo, eŋe eŋinane yalewaka mauluk-nagu more simile-kayake. 29Ŋei maneŋo solaine qikkaki paki, ŋara doku ma walukka more, mi ŋaba-kayake. I Midakaka! Eŋe solaine ŋara surok mauluke gumekaki paki, wareka okanmaike, rokop yalewaka Kristoŋo doku tau tau magu naso baŋem okan-on okanmaike. 30Ŋene kiye mete so sola bikuminane tutulekoune gemaine, ŋo Kristo oŋom yemo lewetze. 31Kaisale wane ekapko yale ramaike, “Kine iwa yale wane, ŋei mane eŋe boaŋ eŋine magaine so nagaine qeliŋ-osiyake, paki ŋanominerop takot nagu more, ere etkeŋo koso koto so sola weku okanikeik.” 32Kaisale wane ekapko don sane iwa yemo kine zok umatne, ŋo na noŋom detmaile, yemo Kristo so doku tau tau magukoune eŋane ramaike. 33Ŋo yewa eŋe ŋinane yalewaka ramaike, “Ŋei weku weku ŋine ŋinŋinane simin-ŋun okanmaike, yalewaka ŋanowekop ŋine eŋane simin ŋuniyake, so ŋerep eŋe ŋaokopene eŋane eweene kitokei.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.