Epeso 2
2
Oŋa Oŋaze Seuseuwo Ŋine Wisikaeke
1Ŋine mokaka aŋa bira wira ŋinane borikine kine kine ma more, sot korop okangoi paki, yewaŋo ŋinguki oŋa oŋaŋine korop seuseu wane biŋek okange. 2Naso yewao ŋine kepe iwa wane tanik manik qotkoine yewarop gekoi, ge more asu borikinane ŋei waomine eŋane aŋaine tewekkoi, asu borikinane ŋei waom eŋe qeli keuno gemaike, yewaŋo ŋei Kaisale wane aŋaine bira okanmami, eŋane kotoeno ket more urata ma okanmaike. 3Ŋene korop mokaka ŋei borikine yewa eŋane rokopka ge more, wetze gege soginane simile yewa mogare arikone, paki solazane so ŋenze gege soginane wet dereret yewa wane aŋaine teweke more, qelaŋ ŋei natne eŋe yale okanŋem paki, eya wane turuŋine Kaisale wane busu marat kaikenane biŋek mo okangone.
4Welekatne, sot turuŋzeŋo ŋenguki ŋene seuseune yale gekone, ŋo siluŋ Kaisale wet pesekine i manerop watke pamaike, eya wane Kaisale eŋe zok ŋenane wetine boriki, wet maep suwaine okanŋonge, 5aŋa bira wirazane ra more seuseune gekone, ŋene mi qeliŋŋonge, eŋe Kristorop weneŋ ma wisikae-ŋonge, welekatne, Kaisale wet pesekinane ra more, ŋene koso mainŋone biraŋonge. 6Eŋe ŋene Kristo Yesurop tako rakot gekenane, Kaisale eŋe ma wisikae-ŋongi paki, ukude eŋerop qeli gege togon koto bira-ŋongi, eŋinerop ware ware urata magemaine. 7Yewa okange, yemo ŋei ŋerep boaŋ ŋado wakone raikei, “Kaisale eŋine wet pesekine zok kakapa suwaine pamaike, yewa wane wet maepine ŋenano ma qelaŋan ariyakane sikanŋone more, Kristo Yesu kepeo birakaki ketke, eya naso baŋem ukude so ŋado dere qelaŋanŋem qewat‑ŋoniyake.” 8Yemo iwa yale, ŋine Kaisale wetne pesekakatnane mali malip ŋinane raki paki, seuseuwo ŋine ŋibu seseŋunge yemo ŋine ŋidom kine kine mane maine makoi, eya wane ra more Midakaka, Kaisale eŋe eŋine wet maep so qom menaŋinane, yaup ŋibu seseŋunge. 9Yewa mo urata mane bile makoi, eya wane lewine Midakaka, yalinane mo ŋine solaŋine misuk mawakaikei. 10Kaisale eŋe oŋomka ŋebuke, so ŋene Kristo Yesurop tako rakotze weneŋ payakane, oŋom ŋebuki, ŋene koso ŋei ŋerep musele okanŋem oŋom ma wakon-ŋonge, so numa maine Kaisaleŋo mo ma wakone ŋebongane, ŋene yewaoka gesoke arikenane rakoke ŋebonge.
Ŋene Kristorop Weku Okangone
11Ŋine wakongoi, naso yewao ŋine Kaisale mi detkakoi, qelaŋ wakongoi, ŋine Yuda ŋei edo ŋinane solaene mi kita kitatne yale ŋidora okangoi, so ŋidora okanmami. Ŋo, enŋenane yemo, “Solaze mo kita kitatne” yale ra okanmami, iwa yemo ŋei edomka solaene piwitne kitare gekoi, eya wane ramaike. Ŋo ŋine yemo alakan gekoi, yewa ŋine mo detmami, ŋine qelaŋ ŋei ŋerep gekoi. 12Naso yewao ŋine Kristo biraka abaran gekoi, paki Yuda ŋei eŋe mat welaine okane geu, ŋine lobo yale gekoi, so Kaisale eŋe rara togon donine ra more magukoune ebuki paki, Kisi Maepine ma togole Yuda tego ebongi mageu, ŋine zepe natkoune yale okane, yaup tego yauwine gekoi, so ŋine kepe iwao ge more, wetŋineŋo kine kine mane wele baŋ ŋado sariyake, eya mane mi dere malipka more, Kaisale midadaine yaup togole gekoi. 13Ŋine mokaka sogino yemo zok abaran togogole gekoi, ŋo ukude yemo Kristo wane weŋemineŋo ŋine waraŋ-ŋungi sarikoi, paki Kristo Yesu wane ra more ŋine Kaisalerop mo weneŋ gemami. 14Kristo oŋomka qom menaŋ so wet maep ma wakon ŋebongi paki, Yuda ŋei so qelaŋ ŋei qeturaŋ-ŋongi, magu weku okangone. Mo sogino yemo Yuda ŋei so qelaŋ ŋei wet maep midaine keuwo zawo so senŋo okoraki paki, mapok ŋongi, ŋaba ŋaba okane gekone, sen yewa mo Kristo eŋine seuseuineŋo kito raba rakki arike, paki tego etke eya mo qedugu otki, weku okangoik. 15Eŋe Yuda wane ra rokop dongo titi sawerop gege, so rawe rawet don loutne raraine, so don natne eya yale, yewa eŋine solaine qaisik-kaki paki mataliki siukwareke, eŋe yale okane more, ŋei magu etke qeturaŋ-otki, eŋinerop ŋei magu musele so weku okange, eŋe numa yale-waoken okane more wet weku so peyam ma wakonge. 16Kristoŋo kibego seukki paki, ŋei magu etke yewa qeturaŋ-otki, sola weku okangi, koso mainka more, Kaisale wano birakake. Eŋine kibego seuseuine yewaŋo ŋaba wane masi tanik manik sogine pake, yewa korop qeki ket siuke mida lelewareke. 17Paki, Kristoŋo sari more, peyam wane Kisi Maep don yewa korop iwa yale ra qelaŋan ŋedange, “Ŋine ukude mo iwa wet weku gekei,” don yewa mo ŋine qelaŋ ŋei, Kaisale kakakka abaran gekoi, ŋine ŋidange, so Yuda ŋei ŋerep Kaisale eŋine osino gekoi, eŋe weneŋ edange. 18Biŋek don iwa eya mo, Kristo wane ra more ŋene korop Yuda ŋei so qelaŋ ŋei, ŋene magu etke, ŋenane Asu wekuŋo numaze lalaŋge, ŋene ukude Magazane kaitko maine ari lotke warekene.
Doku Tau Tau Magu Ŋene Kaisale Wane Mat Urum Wele
19Eya wane ukude yemo qelaŋ ŋei ŋine koso ŋei lobo ŋine kepe matene midaine me ŋei mikeune yale mi okanmami. Ŋine mo Kaisale wane ŋei ŋerep magu, so eŋane tego me kimakoune, so Kaisale wane dokoine eŋane sota-wekoune doku tau tau magu wele okanmami. 20Ŋine yemo mat yale, mo Kaisale oŋom make, Kaisale wane Aposolo so qelit ŋei, ŋene yemo mat yewa wane bosiŋ ŋereune bira-ŋongane, kauk-ŋunŋem okora arimami, ŋo Kristo Yesu oŋom yemo bosiŋ ŋeine okanmaike. 21Eŋe wekuŋo mat yewa wane set tolomine, so seqa kine kineine yewa korop ma togole more, wokom-ŋongi eŋano takot nagu okoramaine, so maki mat yewaŋo suwa arimage Waom eŋine urum koboboine okan okanmaike. 22Ŋine yalewaka Kristo wano takotkeu paki, Kaisaleŋo ŋei ŋerep magu natne eŋerop takot-ŋungi, ŋine Kaisale wane mat wele tako rakot okanikei, pakimo, Kaisale eŋine so Asuineŋo mat urum yewa wane kotino mere wiye okane gekeik.
Currently Selected:
Epeso 2: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Epeso 2
2
Oŋa Oŋaze Seuseuwo Ŋine Wisikaeke
1Ŋine mokaka aŋa bira wira ŋinane borikine kine kine ma more, sot korop okangoi paki, yewaŋo ŋinguki oŋa oŋaŋine korop seuseu wane biŋek okange. 2Naso yewao ŋine kepe iwa wane tanik manik qotkoine yewarop gekoi, ge more asu borikinane ŋei waomine eŋane aŋaine tewekkoi, asu borikinane ŋei waom eŋe qeli keuno gemaike, yewaŋo ŋei Kaisale wane aŋaine bira okanmami, eŋane kotoeno ket more urata ma okanmaike. 3Ŋene korop mokaka ŋei borikine yewa eŋane rokopka ge more, wetze gege soginane simile yewa mogare arikone, paki solazane so ŋenze gege soginane wet dereret yewa wane aŋaine teweke more, qelaŋ ŋei natne eŋe yale okanŋem paki, eya wane turuŋine Kaisale wane busu marat kaikenane biŋek mo okangone.
4Welekatne, sot turuŋzeŋo ŋenguki ŋene seuseune yale gekone, ŋo siluŋ Kaisale wet pesekine i manerop watke pamaike, eya wane Kaisale eŋe zok ŋenane wetine boriki, wet maep suwaine okanŋonge, 5aŋa bira wirazane ra more seuseune gekone, ŋene mi qeliŋŋonge, eŋe Kristorop weneŋ ma wisikae-ŋonge, welekatne, Kaisale wet pesekinane ra more, ŋene koso mainŋone biraŋonge. 6Eŋe ŋene Kristo Yesurop tako rakot gekenane, Kaisale eŋe ma wisikae-ŋongi paki, ukude eŋerop qeli gege togon koto bira-ŋongi, eŋinerop ware ware urata magemaine. 7Yewa okange, yemo ŋei ŋerep boaŋ ŋado wakone raikei, “Kaisale eŋine wet pesekine zok kakapa suwaine pamaike, yewa wane wet maepine ŋenano ma qelaŋan ariyakane sikanŋone more, Kristo Yesu kepeo birakaki ketke, eya naso baŋem ukude so ŋado dere qelaŋanŋem qewat‑ŋoniyake.” 8Yemo iwa yale, ŋine Kaisale wetne pesekakatnane mali malip ŋinane raki paki, seuseuwo ŋine ŋibu seseŋunge yemo ŋine ŋidom kine kine mane maine makoi, eya wane ra more Midakaka, Kaisale eŋe eŋine wet maep so qom menaŋinane, yaup ŋibu seseŋunge. 9Yewa mo urata mane bile makoi, eya wane lewine Midakaka, yalinane mo ŋine solaŋine misuk mawakaikei. 10Kaisale eŋe oŋomka ŋebuke, so ŋene Kristo Yesurop tako rakotze weneŋ payakane, oŋom ŋebuki, ŋene koso ŋei ŋerep musele okanŋem oŋom ma wakon-ŋonge, so numa maine Kaisaleŋo mo ma wakone ŋebongane, ŋene yewaoka gesoke arikenane rakoke ŋebonge.
Ŋene Kristorop Weku Okangone
11Ŋine wakongoi, naso yewao ŋine Kaisale mi detkakoi, qelaŋ wakongoi, ŋine Yuda ŋei edo ŋinane solaene mi kita kitatne yale ŋidora okangoi, so ŋidora okanmami. Ŋo, enŋenane yemo, “Solaze mo kita kitatne” yale ra okanmami, iwa yemo ŋei edomka solaene piwitne kitare gekoi, eya wane ramaike. Ŋo ŋine yemo alakan gekoi, yewa ŋine mo detmami, ŋine qelaŋ ŋei ŋerep gekoi. 12Naso yewao ŋine Kristo biraka abaran gekoi, paki Yuda ŋei eŋe mat welaine okane geu, ŋine lobo yale gekoi, so Kaisale eŋe rara togon donine ra more magukoune ebuki paki, Kisi Maepine ma togole Yuda tego ebongi mageu, ŋine zepe natkoune yale okane, yaup tego yauwine gekoi, so ŋine kepe iwao ge more, wetŋineŋo kine kine mane wele baŋ ŋado sariyake, eya mane mi dere malipka more, Kaisale midadaine yaup togole gekoi. 13Ŋine mokaka sogino yemo zok abaran togogole gekoi, ŋo ukude yemo Kristo wane weŋemineŋo ŋine waraŋ-ŋungi sarikoi, paki Kristo Yesu wane ra more ŋine Kaisalerop mo weneŋ gemami. 14Kristo oŋomka qom menaŋ so wet maep ma wakon ŋebongi paki, Yuda ŋei so qelaŋ ŋei qeturaŋ-ŋongi, magu weku okangone. Mo sogino yemo Yuda ŋei so qelaŋ ŋei wet maep midaine keuwo zawo so senŋo okoraki paki, mapok ŋongi, ŋaba ŋaba okane gekone, sen yewa mo Kristo eŋine seuseuineŋo kito raba rakki arike, paki tego etke eya mo qedugu otki, weku okangoik. 15Eŋe Yuda wane ra rokop dongo titi sawerop gege, so rawe rawet don loutne raraine, so don natne eya yale, yewa eŋine solaine qaisik-kaki paki mataliki siukwareke, eŋe yale okane more, ŋei magu etke qeturaŋ-otki, eŋinerop ŋei magu musele so weku okange, eŋe numa yale-waoken okane more wet weku so peyam ma wakonge. 16Kristoŋo kibego seukki paki, ŋei magu etke yewa qeturaŋ-otki, sola weku okangi, koso mainka more, Kaisale wano birakake. Eŋine kibego seuseuine yewaŋo ŋaba wane masi tanik manik sogine pake, yewa korop qeki ket siuke mida lelewareke. 17Paki, Kristoŋo sari more, peyam wane Kisi Maep don yewa korop iwa yale ra qelaŋan ŋedange, “Ŋine ukude mo iwa wet weku gekei,” don yewa mo ŋine qelaŋ ŋei, Kaisale kakakka abaran gekoi, ŋine ŋidange, so Yuda ŋei ŋerep Kaisale eŋine osino gekoi, eŋe weneŋ edange. 18Biŋek don iwa eya mo, Kristo wane ra more ŋene korop Yuda ŋei so qelaŋ ŋei, ŋene magu etke, ŋenane Asu wekuŋo numaze lalaŋge, ŋene ukude Magazane kaitko maine ari lotke warekene.
Doku Tau Tau Magu Ŋene Kaisale Wane Mat Urum Wele
19Eya wane ukude yemo qelaŋ ŋei ŋine koso ŋei lobo ŋine kepe matene midaine me ŋei mikeune yale mi okanmami. Ŋine mo Kaisale wane ŋei ŋerep magu, so eŋane tego me kimakoune, so Kaisale wane dokoine eŋane sota-wekoune doku tau tau magu wele okanmami. 20Ŋine yemo mat yale, mo Kaisale oŋom make, Kaisale wane Aposolo so qelit ŋei, ŋene yemo mat yewa wane bosiŋ ŋereune bira-ŋongane, kauk-ŋunŋem okora arimami, ŋo Kristo Yesu oŋom yemo bosiŋ ŋeine okanmaike. 21Eŋe wekuŋo mat yewa wane set tolomine, so seqa kine kineine yewa korop ma togole more, wokom-ŋongi eŋano takot nagu okoramaine, so maki mat yewaŋo suwa arimage Waom eŋine urum koboboine okan okanmaike. 22Ŋine yalewaka Kristo wano takotkeu paki, Kaisaleŋo ŋei ŋerep magu natne eŋerop takot-ŋungi, ŋine Kaisale wane mat wele tako rakot okanikei, pakimo, Kaisale eŋine so Asuineŋo mat urum yewa wane kotino mere wiye okane gekeik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.