Epeso 1
1
1Na Paulo, Kaisale eŋine simileinane na Kristo Yesu wane Aposolo biranange.
Noŋo Epeso matko ŋine, Kaisale wane ŋei ŋerep doku tau tau magu, wetŋineŋo Kaisale malipka more, gegeŋineŋo Kristo Yesurop tako rakot ŋine paki gemami, ŋine kibi iwa qe ŋibonmaile.
2Magaze Kaisale so Waomze Yesu Kristo eto mosop so peyam maine ŋibongeik.
Kristo Wane Ra More Kaisaleŋo Mosopŋonge
3Ŋene Waomze Yesu Kristo wane Magaine Kaisale bakomine kitoŋem, oŋo Kristo wane ra more Asu oŋa oŋaze qesiŋ kayakane, qeli wane peyam so wet maep mosop mayakakatne so kakapa suwaine korop mosopŋone more ŋebongane, ŋene qem mawa okane more, bakomine kitokene. 4Mokaka Kaisale eŋe qeli so kepe mi ma wakonotke, naso yewaoka eŋe ŋene eŋine biŋek biraŋonge, pakimo, Kristo wane ra more ŋene koboboine sot midaine eŋine kaitko gekenane, oŋom mo dere wanok okan-ŋonge.
Onoka wane, Kaisale eŋe wet maepinane ŋene sot midaine so wet dereret koboboinerop gekenane ra more, yale okan-ŋonge, so eŋe 5mokaka wetkeki pake, pakimo, baŋ Yesu Kristo uratainane raki paki, kawet eya mabarake qom menaŋ okanŋone more, eŋine ŋerep medewekoune okangenane ŋebu more ra togoleke. Eya mo eŋine simileinane yale okan-ŋonge, 6Kaisale wet maepine kakapa suwaine ŋenane pamaike, eya mo lewine midaine, so eya yemo eŋe Gipon maepine koboboine eŋane manerop kamaŋke, yewa sunka ŋebonge, eya wane ŋene Kaisale wane mosop so zonom qelaŋan wat watko manerop qe watke ŋebonge, eya ka more, Kaisale oi bakom so qem mawa mawa manerop okankaikene. 7Kaisale wane wet maep yemo zok manerop kakapa suwaine, eya wane Kaisale eŋe Kristo wane seuseuwo weŋemineŋo sot umat borikinane mulap urumgo ŋine siwot-ŋone more, borikineze eya mataliki korop siukwareke. 8Kaisale eŋe wet maep so dereret wane namuŋ suwaine pamange, yewa korop matuzupke more, qakki ŋenano ketwareke.
Paki eŋe dereret kine kine so wet dereret mayakatne yewa ŋebonge, 9mokaka Kaisale eŋe kine kine yewa Kristo wane uratao mayakane rake so wetkeke, pakimo, eŋe dereretine yewa eya mo sanka pake, pakimo yekuwat musele baŋ ŋado mo wetkeke so rake, so simileine sanka wetinane kawet koto pake, yewa ŋene iwa yale ra wakone sikan-ŋonmaike. 10Na wiliŋaine ma ari magewe, kine kine qeliwo so kepeo motkole, eya wane nasoine bomileyake, pakimo baŋ Kristo oŋom qewotke more, eya wane lewet so bosiŋine okaniyake.
11Waom eŋe eŋine wet so dereretine yewa mogare more kine kine korop eya okan okanmaikeŋo, Kristo wane raki paki, mokaka peyam wet maep mete zamot yewa weneŋ Kristorop maikenane dere wanokŋone more rakoke ŋebonge. 12Yuda so ŋene korop Kristo wetzeŋo malipka more, eŋano kito okora ŋadino mogare, eŋerop arikenane mikep oŋom dere wesak okane ma wakonŋonge, ŋene eya wane dere Waom eŋine eŋetine ora mawiyekene.
13Ŋo qelaŋŋo doku tau tau maguŋine yalewaka, ŋine kisi maep don welekatne eya mo dere malipkau, Kaisale wane Kisi Maepŋo ŋibu main-ŋune sa bira-ŋunge, pakimo ŋine Yesu Kristo malip kakoi, yalewa okane more, Kristo det-lukkau Kaisale eŋe rara togonine mo sogino okange, wane wele ŋine Asu Koboboine eya ŋibonge, eŋe yale okange, eya mo ŋine Kaisale wane ŋei ŋerep so magu koboboine okangei wane eŋe yale okan-ŋunge 14Ŋene Asu Koboboine mo makone, so mo detmaine, ŋene baŋ kine kine mayakatne natne weneŋ makene, eya mo Kaisaleŋo ŋei ŋerewekoune eboniyakane, mo ratogoleke, wane Asu Koboboine eya mo Kaisaleŋo ŋene ketze daeze kitare sola ŋebuke, baŋ ŋado eya ka more, ŋebuyakane qoleŋone more, Asu Koboboineŋo kibi ŋebuke, wane ŋene ŋebuyake, eya dere more, yewa wane ŋene kine kine zonomine togogole, eya wane tomaka geŋem ŋebuki, eŋerop gekene, so ŋene eŋet biŋekine mawaka geŋem! Asuŋo ŋenano urata kiyekke, eya baŋ ŋado ma ari makokeyake.
Kaisaleŋo Epeso Ŋei Ŋerep Wetene Malotkeyakane Pauloŋo Kaisale Meŋenkake
15Kine iwa yale wane, ŋine Waom Yesu detluk-kamami, so Kaisale wane ŋei ŋerep magu wet maep okanon okanmami, na eya wane don kisi detkole. 16Eya wane na ŋinane ra more meŋen-kamaile, rokop na Kaisale bakomine kitoka okanmaile. Na naso baŋem ŋine detŋune more, wet pesek dere Kaisale meŋenka okanmaile. 17Na iwa yale meŋenka okanmaile, ŋine Suwaineze Yesu Kristo wane Magak, eŋe weku mane so mayakakatne, eŋe qelaŋanine suwaine so qeli ewe zonominerop, oŋo Asuine ŋibongi, Asuineŋo mapitŋune more, wetŋine ma lotkeki, Kaisale eŋine doninane kine eya detluk kakei, so Kaisale wane kine, eya ra wakone ŋidangi, ŋine baŋ detwarekei, na ŋinane yalewa ra meŋenka okanmail. 18Na ramaile, yemo ŋinane wet dereret ŋine maine ma lotkeki eŋine qelaŋanine kaikei, paki eŋe ono kaka ŋiboniyakane ŋidorake, yewa ŋine boaŋ dere more, wet pesek okane toma-kaikei, so ŋine Kaisaleŋo ŋei ŋerep magukoune ŋinane kibi maep mosopine biŋek qeke, eya wane detpi wele okaniyake. 19So ŋine yale desikei, ŋene Kaisale wane zonomine kakapa yewaŋo detluke malipka okanmaine, ŋene naso baŋem qesiŋŋon okanmaike, yemo zonom mane togogole, zonom yewa yemo ŋenano pamaike. 20Zonom togogole yewaŋo Kaisale eŋe Kristo seuseuwo ŋine ma wirikkaki wiyeke, paki mawa more qeliwo eŋine wonino birakake metmaike. 21Kristo eŋe yewa metki paki, qeliwo ŋei waom kine kine korop gemami, yewa yuwanone wareonmaike, Ware Ware Suwaine, Ŋei Waom Suwaine, ŋei wawaine zonomenerop, ŋei togogole, ewe bibi-enerop, so eŋet biŋekenerop, qeliwo so kepeo korop oŋo ŋei waom okanone more, wareon wareyake, kepe iwao me boaŋ ŋado, eŋe oŋomka wareki pa wayake. 22Kaisaleŋo kine kine korop matuzupke more, Kristo wane kiye tabeinane bango gumeki paki, ŋei ŋerep magukoune eŋane lewet okane, kine kine korop Waom okan-oniyakane ma wakonkake. 23Ŋei ŋerep magukoune, eŋe Kristo wane kiye metine so solaine, ŋo Kristo oŋom yemo kine kine korop eya wane kotino mere qe watke more, leweteene okaniyake, so eŋe ŋei ŋerep magukoune eŋane kotoeno mere eŋine so Asuine weneŋ eretnarek zok manerop qewat-onikeik.
Currently Selected:
Epeso 1: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Epeso 1
1
1Na Paulo, Kaisale eŋine simileinane na Kristo Yesu wane Aposolo biranange.
Noŋo Epeso matko ŋine, Kaisale wane ŋei ŋerep doku tau tau magu, wetŋineŋo Kaisale malipka more, gegeŋineŋo Kristo Yesurop tako rakot ŋine paki gemami, ŋine kibi iwa qe ŋibonmaile.
2Magaze Kaisale so Waomze Yesu Kristo eto mosop so peyam maine ŋibongeik.
Kristo Wane Ra More Kaisaleŋo Mosopŋonge
3Ŋene Waomze Yesu Kristo wane Magaine Kaisale bakomine kitoŋem, oŋo Kristo wane ra more Asu oŋa oŋaze qesiŋ kayakane, qeli wane peyam so wet maep mosop mayakakatne so kakapa suwaine korop mosopŋone more ŋebongane, ŋene qem mawa okane more, bakomine kitokene. 4Mokaka Kaisale eŋe qeli so kepe mi ma wakonotke, naso yewaoka eŋe ŋene eŋine biŋek biraŋonge, pakimo, Kristo wane ra more ŋene koboboine sot midaine eŋine kaitko gekenane, oŋom mo dere wanok okan-ŋonge.
Onoka wane, Kaisale eŋe wet maepinane ŋene sot midaine so wet dereret koboboinerop gekenane ra more, yale okan-ŋonge, so eŋe 5mokaka wetkeki pake, pakimo, baŋ Yesu Kristo uratainane raki paki, kawet eya mabarake qom menaŋ okanŋone more, eŋine ŋerep medewekoune okangenane ŋebu more ra togoleke. Eya mo eŋine simileinane yale okan-ŋonge, 6Kaisale wet maepine kakapa suwaine ŋenane pamaike, eya mo lewine midaine, so eya yemo eŋe Gipon maepine koboboine eŋane manerop kamaŋke, yewa sunka ŋebonge, eya wane ŋene Kaisale wane mosop so zonom qelaŋan wat watko manerop qe watke ŋebonge, eya ka more, Kaisale oi bakom so qem mawa mawa manerop okankaikene. 7Kaisale wane wet maep yemo zok manerop kakapa suwaine, eya wane Kaisale eŋe Kristo wane seuseuwo weŋemineŋo sot umat borikinane mulap urumgo ŋine siwot-ŋone more, borikineze eya mataliki korop siukwareke. 8Kaisale eŋe wet maep so dereret wane namuŋ suwaine pamange, yewa korop matuzupke more, qakki ŋenano ketwareke.
Paki eŋe dereret kine kine so wet dereret mayakatne yewa ŋebonge, 9mokaka Kaisale eŋe kine kine yewa Kristo wane uratao mayakane rake so wetkeke, pakimo, eŋe dereretine yewa eya mo sanka pake, pakimo yekuwat musele baŋ ŋado mo wetkeke so rake, so simileine sanka wetinane kawet koto pake, yewa ŋene iwa yale ra wakone sikan-ŋonmaike. 10Na wiliŋaine ma ari magewe, kine kine qeliwo so kepeo motkole, eya wane nasoine bomileyake, pakimo baŋ Kristo oŋom qewotke more, eya wane lewet so bosiŋine okaniyake.
11Waom eŋe eŋine wet so dereretine yewa mogare more kine kine korop eya okan okanmaikeŋo, Kristo wane raki paki, mokaka peyam wet maep mete zamot yewa weneŋ Kristorop maikenane dere wanokŋone more rakoke ŋebonge. 12Yuda so ŋene korop Kristo wetzeŋo malipka more, eŋano kito okora ŋadino mogare, eŋerop arikenane mikep oŋom dere wesak okane ma wakonŋonge, ŋene eya wane dere Waom eŋine eŋetine ora mawiyekene.
13Ŋo qelaŋŋo doku tau tau maguŋine yalewaka, ŋine kisi maep don welekatne eya mo dere malipkau, Kaisale wane Kisi Maepŋo ŋibu main-ŋune sa bira-ŋunge, pakimo ŋine Yesu Kristo malip kakoi, yalewa okane more, Kristo det-lukkau Kaisale eŋe rara togonine mo sogino okange, wane wele ŋine Asu Koboboine eya ŋibonge, eŋe yale okange, eya mo ŋine Kaisale wane ŋei ŋerep so magu koboboine okangei wane eŋe yale okan-ŋunge 14Ŋene Asu Koboboine mo makone, so mo detmaine, ŋene baŋ kine kine mayakatne natne weneŋ makene, eya mo Kaisaleŋo ŋei ŋerewekoune eboniyakane, mo ratogoleke, wane Asu Koboboine eya mo Kaisaleŋo ŋene ketze daeze kitare sola ŋebuke, baŋ ŋado eya ka more, ŋebuyakane qoleŋone more, Asu Koboboineŋo kibi ŋebuke, wane ŋene ŋebuyake, eya dere more, yewa wane ŋene kine kine zonomine togogole, eya wane tomaka geŋem ŋebuki, eŋerop gekene, so ŋene eŋet biŋekine mawaka geŋem! Asuŋo ŋenano urata kiyekke, eya baŋ ŋado ma ari makokeyake.
Kaisaleŋo Epeso Ŋei Ŋerep Wetene Malotkeyakane Pauloŋo Kaisale Meŋenkake
15Kine iwa yale wane, ŋine Waom Yesu detluk-kamami, so Kaisale wane ŋei ŋerep magu wet maep okanon okanmami, na eya wane don kisi detkole. 16Eya wane na ŋinane ra more meŋen-kamaile, rokop na Kaisale bakomine kitoka okanmaile. Na naso baŋem ŋine detŋune more, wet pesek dere Kaisale meŋenka okanmaile. 17Na iwa yale meŋenka okanmaile, ŋine Suwaineze Yesu Kristo wane Magak, eŋe weku mane so mayakakatne, eŋe qelaŋanine suwaine so qeli ewe zonominerop, oŋo Asuine ŋibongi, Asuineŋo mapitŋune more, wetŋine ma lotkeki, Kaisale eŋine doninane kine eya detluk kakei, so Kaisale wane kine, eya ra wakone ŋidangi, ŋine baŋ detwarekei, na ŋinane yalewa ra meŋenka okanmail. 18Na ramaile, yemo ŋinane wet dereret ŋine maine ma lotkeki eŋine qelaŋanine kaikei, paki eŋe ono kaka ŋiboniyakane ŋidorake, yewa ŋine boaŋ dere more, wet pesek okane toma-kaikei, so ŋine Kaisaleŋo ŋei ŋerep magukoune ŋinane kibi maep mosopine biŋek qeke, eya wane detpi wele okaniyake. 19So ŋine yale desikei, ŋene Kaisale wane zonomine kakapa yewaŋo detluke malipka okanmaine, ŋene naso baŋem qesiŋŋon okanmaike, yemo zonom mane togogole, zonom yewa yemo ŋenano pamaike. 20Zonom togogole yewaŋo Kaisale eŋe Kristo seuseuwo ŋine ma wirikkaki wiyeke, paki mawa more qeliwo eŋine wonino birakake metmaike. 21Kristo eŋe yewa metki paki, qeliwo ŋei waom kine kine korop gemami, yewa yuwanone wareonmaike, Ware Ware Suwaine, Ŋei Waom Suwaine, ŋei wawaine zonomenerop, ŋei togogole, ewe bibi-enerop, so eŋet biŋekenerop, qeliwo so kepeo korop oŋo ŋei waom okanone more, wareon wareyake, kepe iwao me boaŋ ŋado, eŋe oŋomka wareki pa wayake. 22Kaisaleŋo kine kine korop matuzupke more, Kristo wane kiye tabeinane bango gumeki paki, ŋei ŋerep magukoune eŋane lewet okane, kine kine korop Waom okan-oniyakane ma wakonkake. 23Ŋei ŋerep magukoune, eŋe Kristo wane kiye metine so solaine, ŋo Kristo oŋom yemo kine kine korop eya wane kotino mere qe watke more, leweteene okaniyake, so eŋe ŋei ŋerep magukoune eŋane kotoeno mere eŋine so Asuine weneŋ eretnarek zok manerop qewat-onikeik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.